sa pusod mo aking ina

Ang "sa pusod mo aking ina" ay nailathala sa

Pinoy Abroad Kwentong Kapuso

unang tibok
unang pintig
nagmula sa iyong
walang bahid

hindi inalintana
kung gaano kasakit
mailabas lang ako
malakas man ang iyong impit

inalagaan mo
bawat saglit
hanggang sa marining
itong munting tinig

sa pagtulog ko
ikaw'y nakatitig
sa mga pisngi kong
pagka-li-liit

gatas
na sa iyo nagmula
sa akin
ay lubusang nagpasigla

hanggang sa ako
ay magsalita
panay ang halik mo
sa pisngi kong mapula

ulo ko
ay inalagaan mo sa hilot
upang sa paglaki ko
ay tunay na mamilog

sa aking pagligo
hindi mo iniwanan
isusuot
ang barubaruan

ibabandila
ang iyong pinagtiyagaang
binurda
ang aking pangalan

nang ako ay unang humakbang
larawan ko ay ipinangalandakan
binanggit sa aking mga pinsan
kaya naman ako'y kanilang kinagiliwan

sa tuwing ulan ay papatak
naisip ko nuong ako'y umiiyak
hindi ka mapakali sa aking pag-iyak
kakargahin ako buong magdamag

taun-taon ginugunita
kung gaano ka kadakila
maubos man ang lahat ng salita
pati na ang aking mga luha
hindi ko pa rin maikakaila
sa pusod mo ako unang huminga

salamat sa iyo aking ina
sapagkat ako'y pinalaki mo
na may disiplina

kahit saang lupalop ako magpunta
nasa puso't isip ko ang iyong pagkalinga

ngayong malabo na ang iyong mga mata
mga letra ng tula ko'y hindi mo na makita

Inay, huwag kang mag-alala
nandyan ang apo ninyo at siya ang babasa

inay mahal na mahal kita

Paano kita mapasasalamatan? - Sarah Geronimo

Paano kita mapasasalamatan?
Sa puso mong sa 'kin ibinigay
Ngayon lamang ako nag mahal ng tunay
Sa tanang aking buhay

Sapat na ba, ang ako'y mangako?
Mananatili ka dito sa 'king puso
Paano kita mapasasalamatan?
Sapat na bang mahalin lang kita?
Mag pakailan pa man

Ngayon lamang ako nag mahal ng tunay
Sa tanang aking buhay
Sapat na ba, ang ako'y mangako?
Mananatili ka dito sa aking puso

Paano kita mapasasalamatan?
Sapat na bang mahalin lang kita?

Sapat nabang mahalin lang kita
Sapat nabang mahalin lang kita
Sapat nabang mahalin lang kita
Sapat nabang mahalin lang kita

Magpakailan man


Basahin po ang iba pang Mga Kathang Nailathala