ang pag-ibig ko sa 'yo

nang una kitang makita
puso ko ay lumuksong bigla
pinagtanong sa mga ka opisina
kung sino itong magandang dalaga

lungkot sa iyong itsura
tila may nakatagong hiwaga
si kupido ba'y ako'y pinana
at puso ko'y nabihag mo na

ang aking pag-ibig
sa iyo igigiit
puso man ay ipinid
ako'y magpupumilit

dati mong pag-ibig
iyo nang kalimutan
tutulungan kitang
burahin sa isipan

sa yakap ko
ikaw ay manahan
sawing pag-ibig
aking wawakasan

kung ako ay iyong mamahalin
hinding hindi kita paluluhain
ligaya nitong damdamin
sa piling ko'y iyong kakamtin

papahirin ko ang iyong mga luha
ibabalik ang kislap ng iyong mga mata
ngiti ng 'yong labi ay ibabalik na kusa
hanggang sa ikaw ay aking mapatawa

pag-ibig kong ito, tunay at totoo
'pagkat ako sa 'yo'y hindi nagbibiro
iniibig kita sigaw ng aking puso
pakakasalan kita kahit saan mo gusto

pangakong ikaw'y mamahalin
ilan man ang maging anak natin
lakas ko ay sisinupin
upang pamilya natin ay buhayin

at kung dumating ang pagtanda natin
mga tula ko sa iyo'y muling babasahin
hindi magsasawang sa'yo ay sabihin
mamahalin kita hanggang sa aking libing

Paniwalaan Mo

click here to download mp3

pag-ibig ko sa 'yo’y totoo, ni walang halong biro
kaya sana’y paniwalaan mo, ang pag-ibig kong ito

walang ibang mamahalin, kundi ikaw lamang giliw

kaya sana’y paniwalaan mo, ang pag-ibig ko sa 'yo

sa aking buhay, ay walang kapantay

aking pagmamahal, asahan mong tunay

Ooohhh

kaya sana’y paniwalaan mo
ang pag-ibig kong ito

sa aking buhay ay walang kapantay
aking pagmamahal, asahan mong tunay

sa aking buhay ay walang kapantay
aking pagmamahal, asahan mong tunay

pag-ibig ko sa 'yo’y totoo, ni walang halong biro
kaya sana’y paniwalaan mo, ang pag-ibig kong ito
kaya sana’y paniwalaan mo
ang pag-ibig ko sa 'yo

nagmamahal,
kiko