kusina ni mama

ito ang kusina ni mama
ang favorite tambayan ng pamilya
masarap magluto ng sinigang si mama
kaya naman ang mga bata
sa pagkain ay magana

nakakatuwa dahil ang tatlo kong malalaking anak
ay marunong nang magluto

si Jose ay under training sa pagluto ng pansit canton

si Eirene naman ay nasa stage ng paghihimay ng mga dahon ng gulay
at pagputol sa mga sitaw

kahit na minsan ay may samaan ng loob
pero pag dating ng kainan
sama-samang kakain at magtatawanan

pinalaki ako ni nanay sa kusina
tinuruang magluto mag isa
siya naman dahil Bisaya (Negros Occidental)
masarap magluto ng Arroz Valenciana
Litsong Kawali at La Paz Batchoy

ang biyenan ko naman dahil Bicolana (Sabang Bulusan Sorsogon)
masarap magluto ng Maanghang na Laing (dahon ng gabi)
Ginataang Paa ng Manok (Chicken Feet)
at syempre pa, Bicol Express

Bahay Kubo - Kiko's Version
bahay ni kiko
   kahit munti
mga ulam doon
   ay sari sari

tinorta
   na talong
kalderetang
   may mani
sinigang
   na may
   patani

ginisang
   patola
ginataang
   kalabasa
at saka meron pa
   misong
   may mustasa

sibuyas
   kalamansi
   mani at
   luya

mga panahog sa
   kinilaw
   na isda!

--
—Tinorta na Talong
talong, itlog, mantika, chili powder at magic sarap

sunugin ang talong saka balatan
pisain ng tinidor ang talong para ma-flat
timplahan ang binating itlog ng chili powder at Maggi Magic Sarap
sa isang bowl, ibabad dito ang pinisang talong at i-prito

—Kalderetang may Mani
laman ng baka, patatas, bell pepper, sibuyas, bawang
Mama Sita's Caldereta Mix, at dinurog na mani

palambutin ang baka, i-prito ang mani at durugin,
sa kawali igisa ang bawang, sibuyas at pinalambot na baka,
ihalo ang patatas at bell pepper, 'pag malambot na ang
patatas, timplahan ng Mama Sita's Caldereta Mix
ayon sa Direction nito, 'pag kulo ihalo ang dinurog na mani

—Sinigang na may Patani
sapsap, kamatis, sibuyas, kalamansi at patani

sa kaserola, pakuluin ang tubig at katas ng kalamansi,
pagkulo, ilagay ang sapsap at patani, timplahan ng asin
at ihain ng mainit

—Ginisang Patola
patola, bawang, sibuyas, kamatis miswa at dahon ng sibuyas

igisa ang bawang, sibuyas, kamatis, patola at sabawan,
timplahan ayon sa panlasa, pagkulo, ilagay ang miswa ay ihain

—Ginataang Kalabasa
kalabasa, hipon, gata ng niyog, luya, bawang, sibuyas,

katasin ang niyog at itabi ang unang gata, sa kaserola
pakuluin ang ikalawang gata kasama ang bawang, sibuyas at luya
haluin upang lumapot, ilagay ang kalabasa at hipon at ibuhos
ang unang gata, timplahan at ihain

—Misong may Mustasa
ulo ng maya maya, kamatis, sibuyas, luya, bawang, miso at mustasa
Knorr Tamarind Soup Base

hugasang mabuti ang isda, sa kaserola, igisa ang bawang, sibuyas
kamatis, luya at miso, sabawan at pakuluin, ilagay ang ulo ng maya
maya, timplahan ng Knorr Tamarind Soup Base at asin, pagkulo luto na!

—Kinilaw na Isda
tanigue, sibuyas, kalamansi, luya, mani, sili

hiwain ng maliliit ang tanigue, sibuyas at luya, durugin ang mani
patakan ng kalamansi at haluan ng sili at suka, timplahan ayon
sa panlasa

---
oo nga pala September 15, ngayon
Maligayang Kaawaran sa aking panganay na anak na si
Francis Conrad Morilla Morilao

may kasabihan ang mga nakakatanda, ang kagwapohan daw
ay sa puno nagmumula, tunay ang sinasabi nila
dahil si Itay ay gwapo talaga - FPJ Look-alike