sayaw sa buhos ng ulan

paa ay ihakbang at ako ay samahan
tayo nang sumayaw sa buhos ng ulan

baywang ay hahawakan at saka iikutan
sa pag patak ng ulan indak ay sasabayan

sa iyong pagtingala, ikaw ay ihihiga
at saka iaangat ka, padausdus sa tunog ng salsa

sa pagkulog ng bagyo, biglang nagbago ang ritmo
bumagal sa tunog ng tango, ihakbang ang mga paa mo

likuran ay aalalayan, kamay ay hahawakan
galaw mo'y sasabayan, kahit basa na sa ulan

kay sarap alalahanin, itong ginawa natin
pag ulan'y muling dumating, ikaw'y muling aayain