hanggang saan, hanggang kailan

Tinawag ng Panginoon ang iyong pangalan…
  - Jer. 11:16

…at mula sa pagkasanggol ay iyong nalalaman ang mga Banal na kasulatan…
  - 2 Tim. 3:15

hanggang saan, hanggang kailan
tanong ng pilosopo sa tambayan
sa tuwing ikaw ay nagdaraan
lihim ka nilang pinagtatawanan

iniwan mo ang iyong trabaho
sa Salita ng Diyos inilaan ang oras mo
buhay mo ay biglang nagbago
mabigat na desisyon ang niyakap mo

hanggang saan, hanggang kailan
pananampalataya mong pinandigan

personal mong buhay ay hindi inalintana
mapangalagaan lamang, kaming mga tupa
dahil kami'y itinuring mo nang pamilya
kasama sa dasal pagkagising sa umaga

hanggang saan, hanggang kailan
ang lakas mong ispirituwal

sa bawat sermon mo sa pulpito
ilang kaluluwa ang minulat mo
sa pagkaunawa sa Ebanghelyo
na simula ng ispirituwal na pagbabago

pagpapalang nagmumula sa Kanya
dumadaloy sa iyong mga salita
na kahit mayaman o aba
ay gumiginhawa ang kaluluwa

at sa panahong ikaw'y nanghihina
pilit mo pa ring itinatago sa madla
dahil ikaw ang kalakasan nila
'pagkat para sa kanila ay huwaran ka

hanggang saan, hanggang kailan
tanong kong iiwanan
kung ikaw ngayon ay pinanghihinaan
nawa ang tula kong ito'y
iyong maging kalakasan

Ang tulang ito ay alay ko sa mga Pastor na naging bahagi ng aking buhay
Pastor Peter Ramos at Pastor Ramel Escueta

Pastor Cesar Roxas at Pastora Ana Roxas ng
The River of God Christian Fellowship Inc.

Pastor Ricky Avorque at Pastora Winnie Avorque ng
Jesus Christ Saves Global Outreach

Pastor Delfin Quesada at Pastora Divina Quesada

Pastor Melvin Travis at Pastora Mariah Tata Travis

Pastor Albert Kang ng Elijah Challenge Asia

at mga Pastor na pinakilala sa akin ni Ate Mags Viduya

at Sina Pastor Bernie at Pastor Nestor na nakilala ko dito sa Doha Qatar
sa pagdiriwang ng Pastor's Appreciation Month

at sa aking pinsan na Pastor Vic Balingcongan ng ACCF Ministries