mga kathang isip at kwento ni kiko

Kailangan Ka Niya

2012-01-25T20:22:00.010+03:00

Paunawa: Ang inyong mababasang maikling kwento ay may temang hindi angkop sa pagbabasa ng kabataan, patnubay ng magulang ang kailangan, sandyang ginawa ito ni kiko upang maging halimbawa ng mga pangyayaring minsan sa tingin ng iba ay tama at sa iba naman ay mali, gayunpaman tanging ang Diyos ang siyang manghuhusga sa sangkatauhan.

Saan tayo pagkatapos natin dito? tanong ni Wilma.

Uuwi na tayo, hinahanap ka na ng anak mo, tugon ko.

Aba, akala ko may pupuntahan pa tayo? panggigiit ni Wilma.

Umuwi na tayo, at sana ito na ang huli nating pagkikita, marahan kong tugon.

Ha!? Anong sabi mo? malakas na tanong ni Wilma. Pagkatapos mong pagsawaan ang katawan ko ng mahigit dalawang oras, ngayon sasabihin mong hindi na tayo magkikita? anong pumasok sa kukote mo?

Naisip ko lang kasi…

…ang anak mo, marahan pa rin ang wika ko.

Punyetang anak 'yan, anong kinalaman ng anak ko dito!? ani Wilma.

Inaanak ko siya Wilma, ninong n'ya ako, mali itong ginagawa natin, (yumuko ako at nanahimik)

Bakit ka nagkakaganyan Christopher?, anong pumasok sa isip mo? 'di ba mahal natin ang isa't isa? pag-uusisa ni Wilma

Iniangat ko ang aking ulo at mataas ang boses na nagwika

Oo mahal kita, mahal na mahal, mahal ko rin ang inaanak ko, kaya dahil dyan puputulin ko na ang relasyon natin, hindi na tama ito…

Ha!? naloloko ka na ba Christopher?, iiwanan mo ako?
Paano ako? Babalikan ko si Reden? si Reden na walang pakialam sa asawa n'ya, ganun ba?

Wilma si Reden ay asawa mo, sa mata ng tao, sa mata ng Diyos, at hanggang ngayon ay nagsasama kayo sa iisang bubong, kumakain ng sabay, natutulog ng magkatabi, wika ko.

Anong ibig mong sabihin Christopher? tanong ni Wilma

Hindi na tama itong ginagawa natin Wilma, oo mahal kita, ngunit nagmahal tayo sa maling panahon, may asawa ka na, nagkamali ako, nakokonsyensa na ako Wilma, sa tuwing nagtatalik tayo, ang asawa mo ang nasaisip ko, ang inaanak ko, paano kung sa akin nangyari itong ganito, paano kung asawa ko ang nagtataksil sa akin? Hindi ko yata matatanggap 'yon.

Nanahimik si Wilma at unti-unting humagulgol ng iyak, kailangan kita Christopher, kailangan kita dito sa buhay ko, paano na ako?

Wilma, mas kailangan ka ni Reden, mas kailangan ka ng inaanak ko.
Kailangan nila ng asawa at ina. Tapos na tayo sa mga pag-iibigan natin noong mga dalaga't binata pa tayo, tapusin na natin 'to, gusto ko na rin maging malaya, gusto ko na rin makahanap ng mapapangasawa ko.

Kung mahal mo ako, igagalang mo ang desisyon ko, oo masakit para sa akin na magkahiwalay tayo pero ayaw kong may nasasaktan habang tayo ay maligaya, mas nanaisin ko pang ako ang masaktan kaysa ako ang nananakit.

Lumapit si Wilma sa akin, hinawakan niya ang aking ulo at hinaplos ang aking buhok, at marahang hinipo ang aking pisngi, unti-unti niya akong tinitigan at lumipat ang tingin niya sa aking mga labi, tila nag-aanyayang ako ay muling halikan, halik na nakapananabik, halik na magsisilbing wakas ng aming relasyon, unti-unti kong inilapit ang aking labi sa kanyang mga labi habang pumipikit, hanggang sa wala na akong makitang liwanag, kundi ang sarap ng kanyang halik, halik na magsisilbing ala-ala, isang masayang ala-ala ng aming kalayaan, kalayaan sa aming mga pagkakasalang nagawa.

At mula noon ay hindi na kami nagkitang muli hanggang sa ako ay nagpunta sa abroad upang magpakalayo layo, dito ko nakilala ang tunay na ligaya ng aking puso, dito ko natagpuan ang nagpapasaya sa akin sa tuwing umaawit ako sa Kanya.

Maaaring magbago ang pagtingin ninyo sa akin mga brothers and sisters ngunit, ito ako, buhay na patotoo para magpatunay na malaki ang nagagawa ng pagbabalik-loob sa Diyos, Pastor…

Salamat Kapatid na Christopher, tunay nga mga brothers and sisters, ang buhay ay hindi natatapos sa puro kasawian, hindi natatapos sa pagkakalayo, bagkus, isa lamang itong yugto ng ating buhay upang lalo nating makita ang tunay na hiwaga ng buhay, ang buhay na ibinigay sa atin ng ating Diyos.

At muli sa pagbabalik-loob natin sa Kanya, tayo bilang taong makasalanan ay binihisan ng bagong anyo, binigyan ng pagkakataong mabuhay muli ayon sa Kanyang katuwiran, at sa pamamagitan ng Banal na Espiritu Santo ay hindi na tayo mahihiyang sabihin ang ating nakaraan sapagkat ito ay lumipas na, ito ay hinubad na natin at naisuot na natin ang bago nating pagkatao.

Nawa'y ang pagpapalang nagmumula sa Diyos ay maibahagi natin, ang Kaalaman at Katuwiran ay magsilbing liwanag para sa mga katulad ni Christopher.

Pagpalain po tayo ng Panginoon.

Kapatid Kailangan Ka Niya, hindi dahil makasalanan ka, hindi dahil mabuti ka, kundi upang maging isang buhay na katotohanang binago ka ng iyong pagbabalik-loob sa Kanya sa pamamagitan ng iyong pananampalataya.

Mahal ka ng Diyos ng higit sa lahat…
Kathang Isip lamang ngunit makatotohanan dahil…
Mahal kita at ito ay para sa iyo.

Kailangan Ko'y Ikaw | Ogie Alcasid - click to view lyrics

lumang polo ng ala-ala

2012-01-14T23:22:00.009+03:00

Tulang ito'y aking ginawa nang minsang ako ay naglaba,
nakita ko ang polo mong ibinigay,
regalo sa aking kaarawan…

paano ako makaaalis sa ala-ala,
kung pati sa paglalaba ay kasama kita,
pag-ibig nating minsang pinagbigyan,
damdamin'y binigyan ng puwang…

hindi alintana kung sino ang masasaktan,
tibok ng puso'y inuna sa isipan,
kung gaano kabilis na ako'y mahalin,
kasingbilis din nang ako'y iyong limutin,
nagising sa pagkabaliw,
iniwan akong patuloy na baliw…

kailan ba tayo huling nagkita?,
kailan huling nasilayan ang iyong maamong mukha?,
sa panaginip na lang ba magsasama?,
na tanging aninag lamang ang aking nakikita…

kung ako'y iyong tuluyang kinalimutan,
bakit lagi kitang napapanaginipan?,
nais mo bang akoy kausapin?,
mayroon ka bang gustong hilingin?…

pantasya ko'y walang kabuluhan,
'pagkat tunay na pag-ibig sa iyo ay laan
kahit na ako ay nahihirapan,
patuloy kang dumadalaw sa aking higaan…

kung sakaling itong tula'y iyong mabasa,
at sa panahong ako'y wala na,
patak ng luha mo'y akin pa ring madarama,
ala-ala ng pag-ibig natin'y binigyan ko ng halaga,
kahit na sa isang simpleng tula…

basahin man ito ng iyong mga anak,
maging ng iyong kabiyak,
pag-ibig natin na ang dulot ay puro iyak,
hiling ko lamang sa iyo aking sinta,
maging masaya ka sa iyong asawa…

maling pag-ibig natin'y hindi na mauulit pa,
sapagkat ikaw ay matagal ko nang pinalaya,
kung ako man ngayon ay nahihirapan,
alam kong ito'y para sa aking kabutihan,
nagpakalayo-layo sa iyong harapan,
upang mundo natin ay magkaroon ng hangganan…

ngayong ako'y magbabanlaw na,
alalahanin mo lang sana,
na hanggang ngayon'y sinusuot ko pa,
ang polo na binigay sa akin sinta.

ang tulang inyong nabasa ay kathang-isip lamang
ngunit maaaring mahawig sa katotohanan,

ang polo sa ibaba ay bigay sa akin ng isang ka-IBIGan
noong aking kaarawan mula sa SM Southmall

Si Juan Tamad at ang mga Nilalakong Paninda

2012-01-12T00:12:00.005+03:00

It's more fun in the Philippines! At ang mga kathang isip at kwento ni kiko ay nakikibahagi sa kampanya ng Department of Tourism (DOT) sa bago nitong slogan. At ito ang pangalawang pakikisaya.

Tamad nga ba si Juan Tamad?

Minsan isang araw ay inutusan si Juan ng kanyang ina na ilako/itinda ang mga bibingka na niluto nito, sumunod naman si Juan. Habang naglalakad sa daan ay nakita niya ang mga palaka na lumalangoy sa lawa, sa kanyang pagkabagot at katamaran ay itinapon niya ang mga bibingka sa mga palaka, na kinain naman ng mga ito. Pagka uwi ng bahay ay sinabi niyang inutang ang kanyang mga paninda at sa susunod na linggo na sila magbabayad.

Sayang si Juan Tamad, imbis na pera na ay naging bato pa. Sa kanyang katamaran ay nagawa niyang magsinungngaling.

Kaya marami sa mga Pinoy ang nababaon sa patung-patong na problema at kasinungalingan, dahil sa katamaran.

Mabuti na lang at mayroon ding ibang Pinoy na patuloy na nagsisikap kumita ng pera sa pamamagitan ng paglalako/ pagtitinda ng pagkain sa daan, gaya ng mga halimbawa sa ibaba:

Taho - It's more fun in the Philippines

Ang taho ay isang uri ng pagkaing Pilipino na hango mula sa impluwensiya ng mga Intsik. Isa itong matamis na pagkain mula sa balatong [(soybean) mga butong gamit sa paggawa ng sawsawang toyo] at malapot na sirup o pulot at hinahaluan ng sago. Karaniwang inilalako ito tuwing bukangliwayway. Magtataho ang tawag sa naglalako nito.

Pandesal - It's more fun in the Philippines

Ang pandesal o pandisal (pan de sal) ay isang pagkaing Pilipino na nangangahulugang "tinapay na may asin". Karaniwang inilalako ito tuwing umaga at masarap na almusal kasama ang mainit na kape. Panadero ang gumagawa nito at karaniwang isinisigaw ang "Pandesal" ng naglalako sa umaga.

Biko - It's more fun in the Philippines

Ang biko ay isang uri ng suman na mayroong matamis na karamel at latik sa ibabaw. Karaniwang inilalako ito sa umaga bago magtanghalian.

Sorbetes - It's more fun in the Philippines

Ang sorbetes ay isang pinalamig, pinatigas, o pinagyelong panghimagas na gawa mula sa krema, na may idinagdag na mga pampalasa at mga pampatamis. Madaling tumitigas sa lamig ang halong ito habang hinahalo, upang hindi mabuo ang malalaking mga yelong kristal. May ilang sorbetes na yari sa gulaman upang hindi maging madikit. Karaniwang inilalako ito sa tanghali pagkatapos mananghalian. Mamang Sorbetero ang tawag sa naglalako nito at sa pamamagitan ng kalembang malalaman na dumadaan na siya.

Maha Blanca - It's more fun in the Philippines

Ang maha blanca o maja blanca ay isang uri ng meryenda o panghimagas, na gawa sa mais. Karaniwang inilalako ito sa tanghali pagkatapos mananghalian.

Binatog - It's more fun in the Philippines

Ang binatog ay isang pagkaing Pilipino na may pinakuluang mga butil ng puting mais at hinaluan ng asin at kinayod na laman ng buko. Karaniwang inilalako ito tuwing hapon. Sa pamamagitan ng kalembang malalaman na dumadaan na ang nagtitinda ng binatog.

Balot - It's more fun in the Philippines

Ang balot o balut ay isang pagkain nanggaling sa Asya, lalo na sa Pilipinas, Tsina at Vietnam. Isa itong itlog ng bibe na dumaan sa pertilisasyon kasama ang isang halos na nabuong embryo sa loob na pinapakuluan at kinakain kapag nabalatan.

Kadalasang inilalako ang balut sa gabi at ang mataas na protina ang nagiging dahilan upang isabay sa serbesa. Kinakain ito kadalasan ng may asin, suka, at/o sili para magkaroon ng lasa.

Sa Pilipinas, matatagpuan ang industriya ng paggawa ng balot sa Pateros. Magbabalot ang tawag sa naglalako nito at "Balot" ang isinisigaw niya tuwing sasapit ang gabi.

Ang mga nilalakong Paninda sa Daan - It's more fun in the Philippines

Basahin dito si Juan Tamad at ang Dahon ng Saging

si Juan Tamad at ang Dahon ng Saging

2012-01-10T13:14:00.002+03:00

Yes! It's more fun in the Philippines! At ang mga kathang isip at kwento ni kiko ay nakikibahagi sa kampanya ng Department of Tourism (DOT) sa bago nitong slogan.

Tamad nga ba si Juan Tamad?

Isang Araw ay inutusan si Juan ng kanyang ina na bumili ng palayok. Nagkataon sa lugar ng kanyang pinagbilihan, ang mga tao ay pinepeste ng pulgas. Papauwi na sana siya subalit ang pulgas ay pumasok sa kanyang damit. Nahulog at nabasag ang palayok. Nalarawan niya sa kanyang isip na galit na galit ang kanyang ina kaya kailangan niyang gumawa ng paraan. Dinurog niya ang nabasag na palayok at inilagay sa dahon ng saging. Inilako niya ito sa taong bayan sa pagsasabing ito ay pamatay ng pulgas. Maraming bumili at umuwi si Juan ng maraming dalang salapi. Natuwa ang kanyang ina subalit kailangan pa rin niya ng palayok kaya pinabalik siya kinabukasan. Sa kanyang pagbabalik sinalubong siya ng galit na galit na mga taong bayan. Ang kanyang ibinenta ay huwad, walang nangyari ng binudburan nila ng pulbos ang mga pulgas. Subalit nagpalusot si Juan, hindi raw ganun ang tamang paggamit nito. Dapat hinuli nila ang pulgas at lagyan ang mga mata nito ng pulbos. Matapos magtawanan ang mga tao, tinakot nila si Juan na magsabi ng katotohanan. Walang magawa si Juan kung hindi magsalita. Bago pa man masaktan si Juan ng mga kalalakihan, may isang matandang babae ang nag-awat at nagsabi na palayain na lang siya. Isusumbong na lang nila si Juan sa kanyang ina at bahala na lang ang kanyang ina ang magparusa.

Maabilidad lang si Juan dahil may panahon siyang durugin ang nabasag na palayok at kumuha ng dahon ng saging para ilagay dito.

Sa kwento ni Juan Tamad ginamit niya ang dahon ng saging na pambalot sa dinurog niyang palayok, ngunit ginagamit din ang dahon ng saging na pambalot sa mga pagkaing tulad ng mga halimbawa sa ibaba:

Suman sa dahon ng saging - It's more fun in the Philippines

Ang suman ay ang pinaghalong malagkit na bigas at gata ng buko na binabalot sa dahon ng saging o palma. Matapos balutin, niluluto ito sa pamamagitan ng pagpapasingaw.

Tamales sa dahon ng saging - It's more fun in the Philippines

Ang tamales ay isang pagkaing Pilipino na halaw sa impluwensiya ng mga Mehikano. Karaniwang kinasasangkapan ang pagluluto nito ang pulbos o harinang bigas, itlog, at kulay-tsokolateng asukal. Madikit ang kaning-bigas na ito na hinaluan ng maraming panimpla at sinahugan din ng karne ng baboy, manok at nilagang itlog. Karaniwan itong pinauusukan para maluto habang nakabalot sa mga dahon ng saging.

Bibingka sa dahon ng saging - It's more fun in the Philippines

Ang bibingka ay isang uri ng mamon na gawa mula sa malagkit na bigas o galapong at gatas ng buko. Isa rin itong pagkaing meryenda sa Goa, Indya - ang bebinca - na ang ginagamit na mga sangkap ay harina, langis na ghee, asukal, at gata, at hindi nawawala sa anumang handaang katulad ng pagsilang, kasal, Pasko o Pasko ng Pagkabuhay. Inilalagay ito sa dahon ng saging at niluluto sa isang hurnuhang yari sa putik, pinaiinitan ng mainit na uling na nakapatong sa ibabaw ng lutuin. Iniihaw ito ng patung-patong. Karaniwan na ang may 16 na mga patong. Bilang tanyag na pagkain sa Pilipinas, karaniwan naman itong ginagamitan ng galapong, at ang paghuhurno ay katulad ng sa pagluluto ng bebinca ng Indya, ngunit bago ihain ay pinapahiran muna ito ng mantekilya o margarina (mantekilyang gawa sa niyog) at binubudburan ng asukal. Isinisilbi ito na may kasamang ginadgad na niyog.

Pansit Habhab sa dahon ng saging - It's more fun in the Philippines

Ang Pansit Habhab o Pansit Lucban ay ginisang miki na nilahokan ng karne at atay ng baboy, hipon, at gulay. Ito ay isang lokal na pagkain sa Quezon na sikat lalo na tuwing Pahiyas Festival sa Lucban, Quezon. Ang kakaiba sa pansit habhab ay ang paraan ng pagkain nito. Hindi gumagamit ng anumang kubyertos sa pagkain ng habhab, sa halip ay inihahain ito sa isang maliit na bahagi ng dahon ng saging at tanging bibig lang ang gamit sa pagsubo ng pansit. Karaniwang nilalagyan ng suka ang pansit habhab para mas sumarap ang lasa nito.

babad

2012-01-07T22:58:00.007+03:00

tulang ito'y aking ginawa
alay sa bawat pamilya
bagong taon, bagong pag-asa
dalangin sa Diyos, na ating Ama

Nais kong magpakalunod sa Iyong presensya,
Nais kong palakasin itong aking kaluluwa;
Ipagsigawan ang aking nadarama,
Ang pangungulila't pagkabalisa.

Tanging sa Iyo lamang Panginoon,
Agam-agam ko ay may tugon;
Kalungkutang bumabalot sa akin ngayon,
Binigyan Mo ng ginhawa, pag-asang may pagkakataon.

Magbababad ako sa panalangin,
Sapagkat alam kong Iyong diringgin;
Mga papuri ko't paglalambing,
Kahilingan ko'y hindi bibiguin.

Kalakasan sa aking maybahay,
Ibayong talino sa aking panganay;
Buhay namin'y sa Iyo inaalay,
Kalinga't gabay ay patuloy Mong ibigay.

Sa Iyo Ama nagsusumamo,
Pagbuklurin ang pamilya ko;
Wala na sanang mga pagtatalo,
Pagkakawatak-watak ay muling mabuo.

Nawa'y manumbalik ang dating samahan,
Masayang kumakain sa hapag kainan;
Minsan pang muling balikan,
Ang dating malulutong na tawanan.

Sa iyong Salita ay magbababad,
Sa Bibliyang walang katulad;
Patnubay sa amin'y dito nakalahad,
Tamang landas sa aming paglakad.

Sa kapangyarihan ng Iyong mga Salita,
Ako ay lubos na Sumasampalataya;
Kasalanan ko ay binigyan Mo ng laya,
Pagkatao ko'y binigyan Mo ng pag-asa.

Kaya naman magbababad sa piling Mo,
Sa panahong nag-iisa ako;
Papuri't pagsamba ay iaalay sa Iyo,
Panginoong Hesus, kaligtasan ng mundo.

babad | tula para sa pamilya ng OFW

Share "babad | tula para sa pamilya ng OFW" Video on Facebook

Facebook Status Link | Paano makukuha?

2012-01-04T23:23:00.005+03:00

Ayan english na naman ang title ko, siguro matagal na ninyong hinahanap ang paraan kung papaano makukuha ang luma o dati ninyong Facebook Status?

Madali lang naman, sundan lang ang mga screen shot na nasa ibaba…

Para sa mga Facebook Groups gaya ng Filipino Bloggers Worldwide:

• Itapat lang ang mouse sa may date and time

(Makikita ito na kahilera ng "Like • Comment • Follow Post"

• Pag tapat mo ng mouse mo, ito ang lalabas sa status bar ng browser mo

(Karaniwang nakikita ang status bar sa ibabang bahagi ng iyong browser)
http://www.facebook.com/groups/filblogatw/147350188709671/

• at kapag na click mo na, ito na ang nasa address bar mo

Kaya kung naghahabol ka ng Exchange Links, pwede mo na itong i-save sa iyong bookmark, (Command + D) for Macintosh at (Control +D) for Windows

At para naman sa may timeline

Makikita naman ang Date and Time sa ilalim mismo ng Username

Ayan, sample naman, click mo ang date and time mo sa Facebook
at share mo dito as comment. Enjoy!

Sadyang Tagalog ito para sa Pinoy!
Kung nagustuhan po ninyo, paki like lang po sa FB, Google+
at pa share na rin po para sa mga Facebook Friends ninyo. Salamat

Facebook Comment Winner | Ang Panalo ko ay para sa iyo

2012-01-02T00:11:00.001+03:00

Una sa lahat nais kong bumati ng Maligayang Bagong Taon sa inyo. Ako ay lubos na nagpapasalamat sa mga sumuporta, nandaya, flying voters, nasuhulan at patuloy na naniniwala na ang www.kwentonikiko.com nga ang nagwagi bilang Best in Filipino Blogger of the Year sa TABA2011.

At nagpapasalamat ako sa mga sumali sa aking ginawang pa-kontest kaugnay ng TABA2011 dito, na sina:
Tess Torrecampo-Chancellor
Clint Andrew
Mc Rich
Akoni Macarampat
Gracia Amor
Maryjade Anne Manzanero
Lhan Lhan Fullante Matias
ChrisAir Martinez Abenes
Rose Marie
Hideki Ryuzaki
Tinzz Case
Noks Sosa

Swerte naman at labindalawa sila, at dahil maganda rin ang pasok ng taon para sa akin, ito na ang WINNER! Panoorin po ninyo sa ibaba:

CONGRATULATIONS to Rose Marie

Kagaya nga ng nasabi ko kanina, swerte din ang pasok ng taon sa akin, kaya naman nais ko ring magdonate ng Dollars $ para sa sa mga nasalanta ng Bagyong Sendong, at Dollars $ ulit para sa Isang Minutong SMILE.

Maraming Salamat po!

Minsan Isang Araw | Diary ni Lolo Francisco

2011-12-29T18:04:00.001+03:00

Habang naglalakad ako sa may kahabaan ng pasilyo ay may nakasalubong akong isang lalaking may katamtamang taas, nanginginig sa lamig, suot ng kanyang makapal na damit, marahan siyang tumingin sa akin habang kami ay magkasalubong.

Teka pamilyar ang mukha niya sa akin.

Nakalampas na siya sa akin, kaya naman sinundan ko siya ng tingin, ipinikit ko ang aking mga mata, baka sakaling namamalik-mata lang ako, pero totoo ang nakita ko, siya nga iyon.

Habang papalayo siya ay iniisip ko pa rin na minsan kaming nagkausap sa isang lugar.

Ah alam ko na, hindi lang pala minsan kundi makailang beses kaming nagkausap ng lalaking ito.

Oo doon sa may tindahan ng mga isda sa bayan, sa Japan, kasama niya itong aking kaibigan, si Seiko Usui o mas kilala sa tawag na O-Sei-san, mga dalawang taon na ang nakakaraan.

Hindi naman ako masyadong bihasa sa pagsaulo ng mga pangalan ngunit kapag nakita ko na ang isang tao'y madali ko nang napapamilyar siya sa muli naming pagkikita.

Kagaya kanina.

Ahh nagkita nga ulit kami dati.

Nakauwi na ako sa aking silid, ngunit hindi pa rin maalis sa aking isipan ang lalaking ito.

Kinuha ko ang aking kupita at nilagyan ng alak upang uminom, uminom ng kaunti para maibsan ang panlalamig ng aking sikmura na dulot ng malamig na panahon.

Kinuha ko ang peryodiko sa may misita at nagbasa.

Aba, ang lalaking nakasalubong ko kanina ay narito sa peryodiko.

Filipino Ilustrados, Leaders of the reform movement in Spain.

Sino nga siya?, tanong ko sa sarili.

Binasa ko ang mga nakasulat doon bagaman hindi ako masyadong bihasa sa salitang espanya, nangawit lang ang mata ko sa pagbabasa't hindi ko rin nalaman kung ano ang pangalan niya.

Kinabukas nakita ko ulit siyang lumalabas ng gusali ng koreyo, hinabol ko siya, tinawag, pagkakataon ko na ito para makausap ko ulit siya at malaman ang kanyang pangalan.

Senior, senior, ang sigaw ko…

Lumingon siya at hinubad ang kanyang sombrero habang papalapit ako.

Senior, ako po si Francisco, nagkita po tayo kagabi sa may pasilyo, at kung natatandaan po ninyo, sa tindahan ng mga isda sa Japan, kasama ninyo ang aking kaibigang si O-Sei-san.

Ah ganon ba!? Anong maipaglilingkod ko? Iyan ang mga tanong mo sa akin na umukit sa aking isip, bigla akong nautal, hindi ko alam ang isasagot ko kaya muli kang nagsalita.

Kung itatanong mo kung saan ako galing, galing ako sa gusali ng koreyo, naghulog ako ng sulat para sa aking ina sa Filipinas, dahil sa mga susunod na mga buwan ay pupunta ako ng Hongkong.

Ano po ang gagawin ninyo sa Hongkong!? tanong ko.

Doon muna ako lalagi at magtatayo ng isang klinika.

Ah doktor po kayo!?

Isa akong optalmologo.

Diciembre 30, 1890 - Francisco

Lolo lolo, kanina ka pa walang imik dyan, malapit na tayo sa Luneta,

Ha!? Ah eh, ano naman gagawin natin sa Luneta!?

Rizal Day ngayon lolo, araw ng pagdiriwang ng kamatayan ni Gat Jose Rizal

ah, sino ba si Rizal!?

Hay naku lolo, ulyanin ka na talaga, dati pinagyayabang mo pa nga sa aming mga apo mo na minsan ang tatay mo, si Lolo Francisco ay nakasama ni Rizal sa Madrid, tapos ipinapakita mo pa nga sa amin ang larawan ng tatay mo at ni Rizal at paulit-ulit mong binabasa sa amin ang Diary ni Lolo Francisco nang minsan nagkakilala sila ni Rizal.

Lolo talagaaa,

Ayan na lolo, baba ka na, ayan si Rizal, 'yan ang Monumento ni Rizal, siya ang nakasama ng tatay mo noon.

Wakas.

Ang Kathang isip na nabasa ninyo ay orihinal na likha ni Makatang Kiko para sa pagdiriwang ng Kamatayan ng Bayani ng ating Lahi, si Gat Jose Rizal. Binigyang pansin ko po ang isang pangyayari, na ang isang ordenaryong tao noong panahon ni Rizal ay maaaring may kahalintulad na diary, na magpapatunay ng mga pangyayari sa buhay ni Rizal noong nabubuhay pa siya.

Salamat po sa panahon. Magkita-kita po tayo sa Bagong Taon!

1888 - Nagpunta si Rizal sa Japan at nakilala niya si Seiko Usui
1891-1892 - Nagpunta si Rizal sa Hongkong, (self-imposed exile) dito siya nanirahan at sa kanyang klinika bilang optalmologo
December 30, 1896 - Pinatay si Rizal sa Bagumbayan sa pamamagitan ng Firing Squad

Bakit nga ba Cinderella?

2011-12-28T01:04:00.000+03:00

Isang araw may nag PM (private message) sa akin sa facebook, at nagtatanong kung saan daw ako kumukuha ng inspirasyon sa mga nagagawa kong mga tula ng pag-ibig, agad akong sumagot at ang palagi kong sinasabi ay ang mga awiting nakaka in-love kaya naman ako ay gumawa ng isang website para sa mga paborito kong Love Songs [dito] at syempre pa ang mga awitin ng Cinderella.

Bakit nga ba Cinderella?

Ang Cinderella ay isang Filipino Soft Pop Band noong 1970's, ito ang panahon na lumalaki ako at palaging kinakanta ng aking ina, gaya ng mga awiting Bato sa Buhangin, Sa Aking Pag-iisa, Superstar ng Buhay Ko, T.L. Ako sa Sa'yo, Tulak ng Bibig, Kabig ng Dibdib at Ang Pag-ibig Mo.

At kung binata at dalaga ka sa mga panahong ito, kilalang kilala mo ang kasikatan nina Cecile Colayco, Violy Estrellado at Yolly Samson, kasama sina Snaffu Rigor, Sunny Ilacad, Bob Guzman, Celso Llarina at Gig Ilacad.

Siguro nagtataka ka na ngayon kung mayroon nga ba akong nagawang mga tula mula sa kanilang mga kanta? Nandiyan po sa ibaba at sana ay magustuhan ninyo.

Bato sa Buhangin - Cinderella

Bracelet - Tula

Hindi ko pinagsisihan na ika'y mahalin
'Pagkat noon, ako'y minahal mo rin
Pagibig sa puso mo na aking naitanim
Sa mga tula ko'y patuloy kong didiligin […]

Sa Aking Pag-iisa - Cinderella

Kathang Isip sa Karagatan

Kailan ka ba darating?
Tanong ng diwang may hinihiling,
Sa kawalan ay nakatitig ng mariin;
Bigyang pansin ang aking hiling […]

Superstar ng Buhay Ko - Cinderella

Hawak Kamay - Tula ng Pag-ibig

Ang mga susunod kong sasabihin
Hindi na pwedeng sa tula ay banggitin
'Pagkat ang makakabasa ay baka kiligin
Halika at umakap sa akin […]

T.L. Ako sa Sa'yo - Cinderella

Ka-IBIGan - Tula ng Pag-ibig

Pakiramdam ko'y
Nasa alapaap
Sa tuwing maririnig
Hagikhik mong sobrang sarap […]

Tulak ng Bibig, Kabig ng Dibdib - Cinderella

Paramnesia - Tulang Nagbabalik

Kahit na ilang beses na nagdusa
Hindi pa rin mawawalan ng pag asa
Puso kahit na sa luha ay nabasà
Nagnanais na muling lumigaya […]

Ang Pag-ibig Mo - Cinderella

Ikaw at Ang Pag-Ibig Mo

Bakit nga ba tayo kapag umibig ng todo
Nakakalimutan kung sino talaga tayo
Kahit na sila sa iyo ay magbago
Dumaan ka man sa malakas na bagyo
Hanggang sa dungisan ang iyong pagkatao

Mananatili pa rin ang Ikaw at Ang Pag-ibig Mo […]

Oo na! oo na! hindi naman ako ang boypren mo, kaya hindi ako baduy, tsaka hindi naman sila ang nag compose nun, sina Vic Sotto at Joey De Leon ang Composer ng Ang Boyfriend Kong Baduy. Namiss ko lang si nanay, kase lagi nyang kinakanta ang Bato sa Buhangin sa akin bago matulog…

P.S. Click mo ang Title ng Kanta kung gusto mong i-download, click mo ang Title ng Tula para basahin nang buo salamat.

Balagtasan sa Pagsilang ni Kristo - Kwento ng Pasko

2011-12-25T15:46:00.000+03:00

Kayo ay aking inaanyayahang basahin ang aking inihandang Balagtasan sa Pagsilang ni Kristo, isang makapangyarihang Kwento ng Pasko sa anyong Balagtasan, paganahin natin ang ating imahenasyon, dalawang libong taon na ang nakakaraan.

Ako si Jose, ang karpentero ng Nazareth na gumagawa ng pang-araro, bubungan, mga pintuan at mga bintana na yari sa kahoy.

Ako ay may natuklasan,
Ito palang aking kasintahan,
May dinadalang bata sa kanyang sinapupunan,
Ako ay lubhang nagugulumihanan.

Sa kinaumagahan,
Pagsasama namin ay nais wakasan,
Walang magaganap na kasalan,
'Pagkat ako'y kanyang pinagtaksilan.

At pagsapit ng gabi sa kanyang pagtulog…
Gabriel:
Jose, anak ni David na mabuting tao,
Pakinggan mo ang sasabihin ko,
Itong si Maria na kasintahan mo,
Pagbubuntis niya'y mula sa Espiritu.

Siya ay magsisilang ng sanggol,
At Hesus ang aking sinasabing,
Ipapangalan mo sa batang lalaki,
'Pagkat siya ang magliligtas sa kasalanan ng marami.

Jose:
Ako sa iyo ay susunod,
Mga sinabi mo'y tutuparin yaring lingkod,
Si Maria'y aayaing pakasal
Isasantabi ang aking dangal.

Ngunit
Ano itong aking nabalitaan?
Pagpapatala ay kailangan,
Itong si Augutus ay may panawagan,
Kailangang sundin ng bawat mamamayan.

Kung si Maria ay aking iiwanan,
Ano na lamang ang sasabihin ng sambayanan,
Mabuti pang ako'y kanyang samahan,
Sa Bethlehem ang aming patutunguhan.

Maria:
Mahal kong Jose
Mukhang hindi ko na kakayanin,
Habang papalapit tayo sa bayan,
Lubhang sumasakit na ang aking tiyan.

Jose:
Huwag kang mag-alala mahal kong Maria,
Hahanap ako ng matutuluyan muna,
Kahit sa ilalim lamang ng bahay nila,
Mailabas mo lang ang iyong dinadala.

Kiko:
Uha Uha ang iyak ng bata,
Si Maria ay nakapanganak na,
Sa sabsabang tinuluyan nila,
Sa silong ng bahay na may hayop pa.

Sadyang panahon ay itinadhana,
Pagsilang kay Hesus ay sa anyong aba,
Upang kahit sino ay maabot Niya,
Siyang Hari na nagpakababa.

Ilang ulit mang basahin,
Ang kwento ng pasko ay iisa lang din,
Isinilang ang batang magliligtas,
Para sa iyo at para sa akin,
Para sa kasalanan natin.

Salamat po sa iyong panahong basahin ang aking Balagtasan.

Maligayang Pasko sa inyong lahat.

Ang Panalo ko ay para sa iyo | Taba2011 sample ballot

2011-12-24T06:43:00.005+03:00

Tama ang nabasa mo sa title, dahil kung papalarin akong manalo sa TABA2011 bilang Best in Filipino Blogger of the Year, ang mapapa- nalunan kong librong "Ang Pera na Hindi Bitin", (mura lang diba pero sayang din kung bibili ka pa, samantalang ibibigay ko na lang sa iyo). Oo nga, totoo nga.

Pero bago yan, magpapasalamat muna ako sa mga nagnominate sa akin dito, at napili akong finalist dito. Salamat din sa mga nakaboto na sa akin. Naubos na kasi ang mga botante ko na halos lahat ay mga fans.

Paano sumali at mabigyan ng Libro? Simple lang naman.

Kailangan may facebook account ka para magcomment dito.
Kailangang i-like mo lahat ang like button na nasa ilalim ng bawat kalahok na nasa sample ballot sa ibaba (facebook page nila yan, kapag nakaDIM na, ibig sabihin ni-like mo na siya dati, ang ibang walang facebook page ay website nila ang ni-like mo)
Bumoto ka sa link na ito gamit ang sample ballot na nasa ibaba. (sadyang 2 ang pinili ko, bakit? Akin na lang yun, meron din naman isa eh.)
Kapag nakaboto ka na, mag comment ka dito using facebook comment box only dapat may #TABA2011 ang comment mo para valid na ikaw ay kasali, at ang dahilan bakit gusto mong mapasa'yo ang panalo ko, mamili ng dahilan sa ibaba: (pwede mong i-copy paste, syempre isa lang)

• Ido-donate ang pambili ng libro sa mga nasalanta ng Bagyong Sendong #TABA2011• Gusto kong ipanregalo ang libro sa kaibigan #TABA2011• Gusto ko ng librong "Ang Pera na Hindi Bitin" #TABA2011• Secret! haha #TABA2011

Sample Facebook Comment:
Ido-donate ang pambili ng libro sa mga nasalanta ng Bagyong Sendong #TABA2011

Kapag ni-like ko ang iyong comment ibig sabihin kasali ka na!
Syempre ang mananalo ay isa lang, pipiliin ang mananalo sa pama- magitan ng Random.org gamit ang iyong Facebook Name (kaya 'wag ka munang magpalit ng FB name).
At para mas ganahan kang bumoto, bibigyan kita ng New Years' Gift worth 20$ gamit ang Western Union para makarating sa iyo. Kaya dapat siguraduhin mong mananalo ako (syempre pati na rin ang mga nasa sample ballot). Kaya sabihan mo na ang iyong mga kaibigan sa facebook na sumali dito, malay mo hindi ka man manalo, hati na lang kayo ng kaibigan mong nanalo ng 20$. Ok ba? May libro ka na, may 20$ ka pa!

Ang mananalo ay iaanounce sa Enero 2, 2012, kaya may panahon ka pa para bumoto.

Please Click the like button to like their Facebook Page. Ty.

Syempre dapat unahin ang may pakontest
Blessed Zyra - Zyra
Best in Filipino Blogger of the Year
• Kwento ni Kiko - ako yan :)
Lifetime Achievement Award
• Blog and Me - mamiTess

• From the Dungeon - LordCM
Most Promising Blogger of the Year
• Sining Factory - Noks

• Makina ni Monik - Monik
- website
Best in English Blogger of the Year
• I am Super Leah - Leah
Photoblogger of the Year
• AXL PPI -
R-18 Blogger of the Year
• Kaharian ni Akonilandiya - Akoni
Pinaka-Teking Blogger of the Year
• Taragis - Bon
Pinaka-Gwapong Blogger of the Year
• Kwentong Nakaka - Marvin
- website
Pinaka-Fashionistang Blogger of the Year
• Travelistera - Steph
Pinaka-Galanteng Blogger of the Year
• Damuhan - Bino
Most Active Blogger of the Year (Blog Category)
• Kwatro Khanto - Gelo
Most Active Blogger of the Year (Facebook Category)
• Kol Me Empi - Marco
- website

Click Here to Vote Us!

PAALALA:

Huwag pabigla-bigla ng desisyon, kaya mag-isip muna bago magcomment
Ang mananalo ng libro, kung sakaling siya ang mapili ay kailangang may representative sa manila kung ikaw ay nasa ibang bansa
Ang mananalo ng 20$ ay kailangang may 2 valid ID's para ma claim ang pera tru Western Union, you will be notified for more details
Ang comment sa "facebook comment box" na walang #TABA2011 ay buburahin at kailangan po ay naka check ang Post to Facebook, kung nais mong magcomment lang at ayaw sumali, gamitin ang comment box sa ibabang bahagi ng blog na ito.

Tatlong babae sa buhay ko ngayong Pasko

2011-12-23T12:59:00.000+03:00

Kung noon ay may Dalawang Babae sa buhay ko tuwing sasapit ang pasko, ngayon tatlo na sila!

Ang bilis nga naman ng panahon, dati dalawa lang sila ng nanay ko at may bahay, ang kasama ko tuwing pasko, ngayon tatlo na.

Nakakalungkot mang isipin na huling pasko na pala ni +nanay noong nakaraang taon, dahil ngayong pasko ay hindi na namin siya makakapiling, oo alam ko naman ang iniisip mo, hindi ko rin naman makakapiling ang tatlong babaeng sinasabi ko dahil nasa Pilipinas sila, at mali ang iniisip mo, dalawa na kasi ang dalaga ko, si Louise Faye at si Eirene. Sabihin na nating makukuntento na naman ako sa pagbabasa ng kanilang Christmas Cards, text messages at usapan sa Skype, pero masaya ako dahil, kahit magkakalayo kami, ramdam kong buo ang aking pamilya, kahit na hindi ako makakakain ng spaghetti ni mama, ang makainom ng mainit na tsokolate ni ate, at ang pagkandong sa akin ni bunso, masaya na rin ako dahil ramdam ko kung gaano nila ako ka miss ngayong sasapit ang pasko.

Binabati ko ng Maligayang Kaarawan ang aking maybahay ngayong December 23, si +Nanay bukas December 24

Kakain na lang kami sa Mang Inasal ulit kahit sa picture lang :)

[with Leny and Jose Daniel at Mang Inasal]

[with Eirene at Mang Inasal]

[with Louise Faye at Mang Inasal]

[with Francis Conrad, Pedro Angelo and Louise Faye at Mang Inasal]

Photos were taken during my vacation last May 2011
© December 2011 Mga Kathang isip at Kwento ni Kiko

Bangungot ng Bagyong Sendong sa Iligan City at Cagayan de Oro City

2011-12-19T17:32:00.009+03:00

Kahit anong gawin kong pagpikit
Hindi ako makaidlip
Masamang balitang hatid
Luha ko'y nangingilid.

Ilang trahedya na nga ba?
Ang pinagdaanan ng ating bansa
Bakit kung kailan magpapasko pa
Saka maraming nagaganap na sakuna.

Tanong ko sa Maykapal
Kalakip ng aking dasal
Kalooban Mo ba?, aking inusal
Tinig ko’y nangangatal.

Lungkot at pagkabalisa
Punyal na tumarak kay Ina
Kalikasang sukdulang nagwala
Damay itong munting bata.

[click the image to view more]

Pag-ibig sa kalikasan
Binanggit na nang nakaraan
Marami na ang sinabihan
Parang nagbibingi bingihan lamang.

Trahedyang naganap sa Iligan City
Pati na rin sa Cagayan de Oro City
Kailan tayo magmumuni-muni
Sa mga sakunang nangyayari?

Dali-dali akong nagtindig
Aking lapis ay inihilig
Isusulat ang aking tinig
Kahit na ako’y nanginginig.

Sa lalim nitong hatinggabi
Pangyayaring hindi maikubli
Mga larawang pinagtagni tagni
Kasinghaba ng hawak kong sipi.

Ikulong mo ako sa iyong bisig
Ngayong ako’y nanginginig
Sa nararamdaman kong lamig
Takpan mo ang aking bibig.

[click the image to view more]

Sino ang dapat sisihin?
Kanino ipapaalam ang sumbong natin?
Mga tanong na hindi kayang sagutin
Mga bintang na walang mararating.

Ikaw na nagbabasa
Ano ang iyong nahihinuha?
Trahedyang dulot sa bata
Pangarap ng munti’y nasira.

Bangungot ng Bagyong Sendong
Tulang inaaalay sa mga taga doon
Doon sa Iligan at Cagayan
Na pinagmalupitan ng panahon.

Panahon nga ba ang may sala?
Parusa ba ito ni Bathala?
O ang taong makapal ang bulsa
Sa kalikasan ay nagpapasasa.

Ayan at antok ay nariyan na
Tatapusin ko na ang aking tula
Tulang binalangkas ng dusa
Pighati ng damdaming aba.

Bukas sa muling pagdilat ng mata
Pag-asang may matututunan sana
Ang bawat trahedyang tinamasa
Pilipino kailan mumulat ang mata?

Patuloy bang magbubulag bulagan?
Babaliwalain ang napapakinggan
Tulang ito’y hindi babasahin
‘Pagkat masakit sa damdamin.

At sa huling yugto ng aking sining
Ako ay may kaunting hinihiling
Pagtulong sa kapwa ay iparating
Maging sa ating panalangin.

© December 2011 Mga Kathang isip at Kwento ni Kiko

New Update:
Google Sendong crisis map and person finder
helps separated Sendong victims reunite: http://t.co/xv0kYujc

Help the Victims of Typhoon Sendong click here for more details

OR CLICK THE IMAGE BELOW

The Annual Kalsada Blog Awards (TABA) 2011 Kiko's Nominees

2011-12-17T17:00:00.003+03:00

The Annual Kalsada Blog Awards or TABA sa pangunguna ng kaibigang blogger na si Zyra. Ano at bakit nga ba TABA? Ayon sa official blogpost:

The Annual (KALSADA) Blog Awards. Trip lang ‘to na medyo seryoso. Seryoso kasi may premyo. Ang premyo: badge, “Ang Pera na Hindi Bitin” book at bragging rights. Nagsimula ito nang manalo ako ng Kalabasa Award noong SBA 2010. Bilang ganti, naisipan kong kilalanin ang mga BLOGGER na karapatdapat tumanggap at umani ng ating masigabong palakpakan. Kumbaga sa pag-aaral – ito na ang RECOGNITION DAY.

Bakit Kalsada?
Dahil sa kalsada ka nag-aabang ng masasakyan. Pinipili mo ng todo ang aangkasan mong makina.
Bus. Van. Jeep. Jeep na stainless. Jeep na puro stain. Taxi. Dilaw. Puti.
Ikaw ang pumipili — ayon sa kung ano ang tingin mo ay maganda.

KArangalan – pagkilala sa mahuhusay na KAtropa at KAibigang blogger. Walang judges na bigatin. Blogger’s at Reader’s Choice lahat ng award.

Lakas — ng dating ng isang blogger. Mas masaya ang blogger kung maraming nagbabasa ng blog nya. Eto na ang panahon para sukatin ang inyong arrive. Tingnan natin kung sa aling kategorya kayo manonominate.

SAlinlahi at DAmbana – paghahanda ng mga posts atbp upang maging inspirasyon sa mga susunod na henerasyon. Isipin mong muli, kung malalaman ng iyong anak na nagwagi ka ng simpleng blog award, at magiging blogger man siya sa hinaharap, hindi ba’t ikaw pati ang iyong mga kaibigan ang kanyang magiging idolo’t dambana? Siyempre, chos lang ito.

At narito ang aking mga nominado para sa nasabing patimpalak:

Lifetime Achievement Award - from the dungeOn, Damuhan
• matatag sila

Best Blog Design - The Gasoline Dude™
• ang ganda naman talaga

Best English Blogger of the Year - Rainbow Box
• iba ang karisma ng english

Best Filipino Blogger of the Year - Inonimate ang sarili Kiko :(|)
• syempre

Photoblogger of the Year - Al Ain City Daily Photo
• aba sino pa ba?

R-18 Blogger of the Year - Kaharian ng AKONILANDIYA
• ikaw na pre

Pinaka-Bibong Blogger of the Year - Kaepalan ni Kiko
• katukayo eh

Pinaka-Teking Blogger of the Year - TARAGIS!
• daming matututunan

Pinaka-Gwapong Blogger of the Year - JaY RulEz
• wafu naman talaga

Pinakafashionistang Blogger of the Year - Traveliztera
• idol eh

Pinakagalanteng Blogger of the Year - The Gasoline Dude™, when she cries…
• naman palaman sila na

Most Active Blogger of the Year (Blog Category) - Kwatro Khanto
• kada check ng blog roll siguradong may update

Most Active Blogger of the Year (Facebook Category) - Kol me eMPi
• kada bukas ng notification siguradong may update

Good Luck sa atin!

Bawal Magdiwang ng Pasko, Ang X sa X'mas

2011-12-16T00:16:00.002+03:00

Sa New England (isang rehiyon sa US na sumasakop sa six states: Maine, New Hampshire, Vermont, Massachusetts, Rhode Island, and Connecticut) kung saan maraming Puritans, ay may batas na ipinagbabawal ang pagdiriwang ng Pasko. May kaukulang parusa sa mga taong mahuhuling nagdiriwang ng Pasko.

Ang mga Puritans na naninirahan sa Amerika ang nagsulong na Thanksgiving Day ang dapat na maging Most Important Annual Festival at hindi ang Pasko.

Ang mga Puritans ay mga konserbatibong English Protestant noong 16th at 17th century na tutol sa pagdiriwang ng Pasko dahil wala ito sa Aklat. Kaya bawal sa mga Puritans ang kumanta ng Christmas carols.

Ang author ng Treasure Island na si Robert Louis Stevenson ay may kaibigan na suklam na suklam sa sarili nitong birthday, December 25. Kaya bago namatay si Stevenson, inilagay niya sa kanyang last will and testament na ipinamamana niya sa kaibigan ang kanyang November 13 birthday.

[click the image to enlarge]

May bayan sa Arizona at Indiana na ang pangalan ay Santa Claus; may bayan naman sa Arizona at Florida na ang pangalan ay Christmas

[click the image to enlarge]

Sa Germany nanggaling ang unang artificial Christmas tree. Ang mga dahon ay yari sa feathers na kinulayan ng berde.

Noong 1834 si Prince Albert na asawa ni Queen Victoria ang nagdala ng First Christmas tree sa Windsor Castle para sa Royal Family.

[White Christmas - Patt Boone Version][Click here to download]

Ang awiting White Christmas na version ni Bing Crosby ang “biggest selling Christmas single of all time”.

Ang electric light o Christmas Light ay unang ginamit sa Christmas tree noong 1895.

[Jingle Bells - Disney Version][Click here to download]

Ang kantang Jingle Bells ay isinulat talaga para sa Thanksgiving Day pero naging sikat na Christmas song.

Naging national holiday lang ang Pasko sa Amerika noong 1870.

[click the image to enlarge]

"The Nutckracker" ang "most famous Christmas Ballet"

Ang Coca-Cola ang pinakaunang beverage company na gumamit kay Santa Claus para sa kanilang winter promotion.

Sa X’mas, ang X ay Greek letter para sa Kanya, kaya hindi totoo ang bintang na kapag isinulat mo ang Christmas ng X’mas, ito ay katumbas ng pagbura mo sa pangalan Niya.

Maraming bumibili ng diamond jewelry kapag Christmas time kumpara sa ibang holiday o special occasion sa buong taon. Mga 31 percent ang itinataas ng benta.

Ang unang Christmas card na ginawa ng Hallmark ay inilabas nila sa market noong 1915.

Hindi medyas kundi sapatos ang isinasabit ng mga batang Dutch tuwing St. Nicolas Day tuwing December 5.

At sa Pilipinas naman ay opisyal na ipinagdiriwang ang pasko sa pamamagitan ng Simbang Gabi na ginaganap sa Simbahang Katoliko, nagsisimula ito tuwing December 16, siyam na araw bago ang Noche Buena sa pagsalubong sa araw ng Pasko, 12:01 a.m. December 25, halos lahat ng mga Pilipino ay gising sa ganitong oras, dito sila nagpapalitan ng mga regalo (exchange gift) at kumakain ng Noche Buena.

Ang mga may bullet sa itaas ay mula sa lathalain ni Annabelle O. Buenviaje (Akalain Mo...)

Sampung Minuto bago mag Pasko - Station ID

2011-12-07T16:30:00.011+03:00

Aw aw aw, malakas na kahol ni Douglas habang papalapit sa paanan ni tatay, tila malungkot din ang pakiramdam niya dahil sa katamlayan ni tatay, bakit nga ba matamlay si tatay??

Sampung minuto na lamang bago mag Pasko, ni ha ni ho, wala man lang dumarating na anak niya kahit isa.

Mula sa bintana ay naupo si tatay habang nagsisindi ng sigarilyo at sabay buntong hininga, kung tutuusin madami siyang anak at apo, pero nasaan silang lahat?

"Tila nakalimutan na nila ako", nasabi niya sa sarili.

"Meron nga akong cellphone pero wala namang sumasagot sa tawag ko, ni mag text wala", sabi pa sa sarili.

Buntong hininga sabay hitit ng sigarilyo.

Salamat Douglas at kasama kita ngayong Pasko, kahit na tayong dalawa na lang dito, pipilitin kong maging masaya.

"Aw aw aw", tila naintindihan ni Douglas ang sinabi ni tatay.

Hitit buga ng usok ng sigarilyo, tingin sa orasan sa may pader, pitong minuto pa, buntung hininga.

"Minsan nakakalungkot talaga ang mag-isa sa panahong nakasanayan mo na tuwing may mga pagsasalong ganito", nasabi ni tatay kay Douglas habang hinihimas nito ang malagong balahibo sa ulo.

Limang Minuto na lang…

Unti-unting pumatak ang luha ni tatay, damang dama ko ang kanyang kalungkutan…

"Oh pano, Douglas, matulog na tayo, wala na sigurong darating".

"Maligayang Pasko Douglas!"

"Aw aw aw!"

Pinatay na ni tatay ang ilaw ng bahay.

At nagliwanag ang paligid sa kislap ng Christmas Lights.

Christmas Lights na magbibigay liwanag sa kalungkutan mong nadarama tuwing sasapit ang pasko, sa bawat kutitap nito at iba't ibang kulay, makapapawi ng iyong lumbay!

Cut!

Clap clap!

Yehey galing ni tatay!

Tay! Congrats galing mo umarte! Direct! Ok na ba!?

Ok, na okay!

Oh si Douglas oh! Galing din umarte ni Douglas oh, come, come!

Sa palagay mo, ok itong segment ng station ID natin!?

Ok na Ok!

Ok Guys pack-up na!

Merry Christmas!

Tula para sa Paghanga - Medical and Dental Mission sa DOHA

2011-12-06T10:40:00.004+03:00

sa likod ng sidhing katahimikan
paglilingkod ang iyong tanging dahilan
bukod sa taglay mong kaalaman
nangingibabaw ang mithiing tumulong kaninoman

saan mang dako mapadpad
kamay ng pagtulong ang palaging nakalahad
pag-ibig na sa puso bumubukal
boluntaryong paglilingkod na marangal

Medical at Dental Mission nga
ang sadyang pinupuntahan ng madla
upang magkaroon ng tamang kaalaman
sa kalusugan at pangangalaga

tulang ito ng paghanga
ay aking inaalay sa kanila
mga Doktor at mga Dentista
mga Nurse at mga kasama
na walang sawang kumakalinga
boluntaryong nakikiisa at nagkukusa

dalangin ko'y ibayong kalakasan
pisikal, emosyonal at espirituwal
patuloy na maging daluyan ng pagpapala
pagpapalang nagmumula sa KANYA.

Itong tula ay inaalay ko sa mga kasapi ng
Medical at Dental Mission dito sa Qatar

Wawakasan mo na ba ang pagtulong!? - Basahin Dito

Pasyente ka ba!? - Basahin Dito

click here to comment… for bloggers

Suportado ang Iniidolo - Libre Lang Mangarap - Otep

2011-12-02T09:56:00.003+03:00

Ang Mga Kathang Isip at Kwento ni Kiko ay sumusuporta at bumoboto kay Otep ng Libre Lang Mangarap para sa 2011 Philippine Blog Awards Bloggers’ Choice.

Siya ang napili ko sa dinami dami ng mga kalahok dahil sa tuwing bumibisita ako sa kanyang blog ay talaga namang hindi masasayang ang panahon at oras mong basahin ang bawat post niya. Kaya naman iniidolo ko ang kanyang mga likha.

Ikaw na Otep!

click here to comment… for bloggers

Sulyap sa Lumipas: Kapayapaan - Maikling Kwento ng Buhay

2011-12-01T00:40:00.004+03:00

Bakit ganon? Bakit ang gulo-gulo ng isip ko? Bakit puro palpak ang mga nangyayari? tanong ko sa sarili ko habang naglalakad sa kahabaan ng Niog Road sa Bacoor Cavite...

Hindi maubos ang patak ng luha ko habang naglalakad, bitbit ang dala dala kong bag na ang laman ay puro damit ng aking maybahay, ihahatid ko kasi ito sa Antipolo kung saan siya namamalagi ngayon.

Sakay ng jeep papuntang Baclaran ay sisinghap singhap ako dahil sa impit na hikbi at dalamhati na aking dinaranas, ang apat na anak ko ay nasa Dasmariñas naman na alaga ng mag-asawa kong byenan na hindi ko pa nadadalaw ng dalawang araw.

Ano ba itong chapter ng buhay ko? Parang ang hirap yatang umusad? mga tanong ko sa sarili.

Nagulat na lang ako nang tapikin ako ng katabi ko na ang sabi ay Baclaran na. Lakad na naman ako papuntang MRT para sumakay papuntang Cubao Station, dahil doon ang sakayan papuntang Antipolo, hindi ko na ininda ang gutom at pagod, makahabol lang sa byahe, nakipagsiksikan sa loob ng MRT, balewala ang ngawit, makaalis lang.

Ilang minuto pa ay narating ko na ang Cubao upang sumakay ng FX papunta ng Antipolo, 'pag dating ko ng bahay ay nadatnan ko ang aking maybahay at ang kanyang nakababatang kapatid na babae, aninag sa kanya ang pamumugto ng mata, nilapitan ko siya at niyakap, na doon naman muling tumulo ang aking luha.

"Malalampasan din natin ito, huwag ka lang bibitaw ha?", pinahid ko ang luha sa aking pisngi at nagpaalam ng halik.

Alas Sais Y Medya na at kailangan ko pang pumasok, pumasok sa aking trabaho sa Parañaque. Halos hindi ko maihakbang ang mga paa ko papalayo ng bahay, gusto ko siyang samahan sa mga sandaling 'yun ngunit mas kailangan kong magtrabaho para mayroon akong kitain at may panggastos kami. Hinabol niya ako sa may pintuan at muling hinalikan, "Ingat ka!"

"Oo, ikaw din at ang sarili mo", sabay haplos sa kanyang tiyan na mayroong sangol na mag-lilimambuwan na sa kanyang sinapupunan.

Pagdating sa trabaho ay hindi ko maipaliwanag ang aking nararamdaman, ngunit pinigilan ko ang aking sarili upang maging matatag.

Uwian na naman at sa Dasmariñas naman ang punta ko, tila napakahaba ng araw para sa akin, hindi ko alintana ang pagod dahil sa tuwing makikita ko ang mga anak ko ay nagkakaroon ako ng panibagong sigla, kaligayahang hindi kayang bilhin ng kahit na anong salapi.

Nairaos ko ang aking hapunan sa masarap na luto ng aking byenan. Pagkapahinga ay nagpaalam na ako upang umuwi muli sa Bacoor.

Simula na naman ng kaguluhan ng aking pag-iisip pagbukas ko ng pintuan ng aming bahay.

Ganoon yata talaga ang buhay, kailangang danasin ng bawat tao ang mga pagsubok upang ito ang magsilbing hamon upang maging matatag.

Mayroong tatlong klase ng tao sa buhay natin, may optimists na puro magaganda ang ipinagsasabi at ipinagkakaila ang kanyang kabiguan, may pessimists naman na puro nega, puro wala nito, wala nyan, at meron namang realists na tumatanggap at nagpapahayag ng maganda at kamalian at patuloy na nananampalataya sa Diyos, na Siyang tumutulong sa ating pagbabago para sa Kanyang Kaharian.

Tinapos ko ang araw sa panalangin, ang matinding iyak sa Panginoon, at doon ko naramdaman ang kapahingahan ng aking pag-iisip pati na ng aking katawan.

Unti-unti sa tulong ng Diyos ay naiuwi ko ang aking maybahay sa Bacoor, naipakita at naipadama ko sa kanya ang pag-aaruga at pag-aasikaso habang siya ay nagbubuntis, lalo kaming naging malapit sa isa't isa at ako ang palaging nagpapakalma sa kanya tuwing hinahanap niya ang kanyang mga anak.

December 1, 2004, parang kailan lang ay isinilang niya ang aming panglimang anak, isang batang babae na nagbigay ng kagaanan sa aming mga puso, isang anghel ng kapayapaan sa aming isipan.

Siya si Eirene, ang pangalan niya ay hango sa salin ng greek sa salitang kapayapaan (peace). Sa tulong ng Diyos ay muli kaming nagkasama-sama ng aming mga anak, na promote ako sa aking pinagtatrabahuhan at sinagot ng aming kumpanya ang renta ng bahay na aming nilipatan malapit sa aking trabaho sa Parañaque.

Minsan kung titignan natin ang isang tao, maaaring tayo ay humahanga o nasusuklam, ngunit mabuti ang Diyos sa Kanyang Kapangyarihan upang bigyan tayo ng pang-unawa sa mga bagay at tao sa ating paligid na minsan ay dumanas din ng mga pagsubok na hindi kayang ipaliwanag.

Kaibigan, habang binabasa mo itong aking kwento, nawa'y maging kalakasan ito sa iyo kung ikaw man ay dumadanas ngayon ng mga pagsubok. Lagi mo lamang tatandaan na walang mawawala sa iyo kung bibigyan mo ng panahon ang pananalangin sa Diyos. Maaaring hindi ka kaagad tugunin ng Diyos sa iyong panalangin ngunit huwag kang susuko. Pagsubok lang 'yan.

Pitong taon na ang nakakaraan at ganito na kalaki si Eirene nang minsan kong makachat sa YM.

Ngayon kahit na nandito ako sa bansang Qatar at malayo sa aking pamilya ay taglay ko ang kapayapaan sa aking pag-iisip na ibinigay sa aking anghel ng Diyos sa katauhan ng aking bunsong anak.

Anak, alam kong marunong ka nang magbasa, nais kong malaman mo na hanggang ngayon ay sariwa pa sa aking alaala ang mga pinagdaanan namin, natin at hindi minsan inalis sa aking isip dahil ito ang mga bagay na nagpatatag sa akin upang maging isang mabuting ama para sa inyo. Maligayang Kaarawan Eirene. Mahal na mahal ka ni Papa.

Related Family Stories:
Francis Conrad • Louise Faye
Pedro Angelo • Jose Daniel

Tula: Pag-ibig sa Tinubuang Lupa ni Andres Bonifacio

2011-11-30T09:15:00.001+03:00

Si Andres Bonifacio ay ipinanganak noong ika-30 ng Nobyembre, 1863. Ang kanyang mga magulang ay sina Santiago Bonifacio at Catalina de Castro. Nakatapos siya sa mababang paaralan ni Guillermo Osmenia ng Cebu at sa gulang na 14, ang kanyang mga magulang ay namatay at napilitan siyang huminto sa pag-aaral upang alagaan ang mga nakababata niyang kapatid na babae and lalaki. Bilang hanap-buhay, inatasan niya ang kanyang mga kapatid na tulungan siya sa paggawa ng kahoy na baston at papel na pamaypay na kanyang itininda sa lansangan.

Dahil siya ay marunong magbasa at sumulat, siya ay naging isang kawani ng Kumpaniyang "Fleeming and Company", isang kumpaniya na nagtitinda ng rattan at iba pang mga paninda. Dahil siya ay masipag, siya ay ginawang ahente. Subalit ang kanyang kinikita ay hindi pa rin sapat na pang suporta sa kanyang mga naulilang kapatid. Lumipat siya sa kumpaniyang "Fressell and Company" bilang ahente. Ipinakita niya ang bukod tanging determinasiyon at sipag kaya naging matatag siya sa kanyang trabaho.

Dinagdagan niya ang kanyang kakulangan sa pag-aaral sa pamagitan ng pagbabasa at sariling pag-aaral. Kasama sa sa mga kakaunting aklat na kanyang binasa ay ang mga nobela ni Rizal na Noli Me Tangere at El Filibusterismo, Ang mga buhay ng Pangulo, Ang "Les Miserables" ni Victor Hugo (na isinalin niya sa Tagalog), Ang pagkasira ng Palmyra at Himagsikang Pranses. Nakapagsulat din siya ng mga artikulo at mga tula, isa na dito ang pinakasikat na "Pag-ibig sa Tinubuang Lupa".

Pag-ibig sa Tinubuang Lupa ni Andres Bonifacio
Aling pag-ibig pa ang hihigit kaya, sa pagka-dalisay at pagka-dakila
gaya ng pag-ibig sa tinubuang lupa? Alin pag-ibig pa? Wala na nga, wala.

Ulit-ulitin mang basahin ng isip at isa-isahing talastasing pilit
ang salita’t buhay na limbag at titik ng isang katauhan ito’y namamasid.

Banal na pag-ibig pag ikaw ang nukal sa tapat na puso ng sino’t alinman,
imbit taong gubat, maralita’t mangmang nagiging dakila at iginagalang.

Pagpuring lubos ang nagiging hangad sa bayan ng taong may dangal na ingat,
umawit, tumula, kumatha’t sumulat, kalakhan din nila’y isinisiwalat.

Walang mahalagang hindi inihandog ng pusong mahal sa Bayang nagkupkop,
dugo, yaman, dunong, tiisa’t pagod, buhay ma’y abuting magkalagot-lagot.

Bakit? Ano itong sakdal nang laki na hinahandugan ng buong pag kasi
na sa lalong mahal kapangyayari at ginugugulan ng buhay na iwi.

Ay! Ito’y ang Inang Bayang tinubuan, siya’y ina’t tangi na kinamulatan
ng kawili-wiling liwanag ng araw na nagbibigay init sa lunong katawan.

Sa kanya’y utang ang unang pagtanggol ng simoy ng hanging nagbigay lunas,
sa inis na puso na sisinghap-singhap, sa balong malalim ng siphayo’t hirap.

Kalakip din nito’y pag-ibig sa Bayan ang lahat ng lalong sa gunita’y mahal
mula sa masaya’t gasong kasanggulan hanggang sa katawan ay mapasa-libingan.

Ang na nga kapanahon ng aliw, ang inaasahang araw na darating
ng pagka-timawa ng mga alipin, liban pa ba sa bayan tatanghalin?

At ang balang kahoy at ang balang sanga na parang niya’t gubat na kaaya-aya
sukat ang makita’t sasa-ala-ala ang ina’t ang giliw lampas sa saya.

Tubig niyang malinaw sa anak’y bulog bukal sa batisang nagkalat sa bundok
malambot na huni ng matuling agos na nakaa-aliw sa pusong may lungkot.

Sa kaba ng abang mawalay sa Bayan! gunita ma’y laging sakbibi ng lumbay
walang ala-ala’t inaasam-asam kundi ang makita’ng lupang tinubuan.

Pati na’ng magdusa’t sampung kamatayan waring masarap kung dahil sa Bayan
at lalong maghirap, O! himalang bagay, lalong pag-irog pa ang sa kanya’y alay.

Kung ang bayang ito’y nasa panganib at siya ay dapat na ipagtangkilik
ang anak, asawa, magulang, kapatid isang tawag niya’y tatalikdang pilit.

Datapwa kung bayan ng ka-Tagalogan ay nilalapastangan at niyuyurakan
katwiran, puri niya’t kamahalan ng sama ng lilong ibang bayan.

Di gaano kaya ang paghinagpis ng pusong Tagalog sa puring nalait
at aling kaluoban na lalong tahimik ang di pupukawin sa paghihimagsik?

Saan magbubuhat ang paghihinay sa paghihiganti’t gumugol ng buhay
kung wala ring ibang kasasadlakan kundi ang lugami sa ka-alipinan?

Kung ang pagka-baon niya’t pagka-busabos sa lusak ng daya’t tunay na pag-ayop
supil ng pang-hampas tanikalang gapos at luha na lamang ang pinaa-agos

Sa kanyang anyo’y sino ang tutunghay na di-aakayin sa gawang magdamdam
pusong naglilipak sa pagka-sukaban na hindi gumagalang dugo at buhay.

Mangyari kayang ito’y masulyap ng mga Tagalog at hindi lumingap
sa naghihingalong Inang nasa yapak ng kasuklam-suklam na Castilang hamak.

Nasaan ang dangal ng mga Tagalog, nasaan ang dugong dapat na ibuhos?
bayan ay inaapi, bakit di kumikilos? at natitilihang ito’y mapanuod.

Hayo na nga kayo, kayong ngang buhay sa pag-asang lubos na kaginhawahan
at walang tinamo kundi kapaitan, kaya nga’t ibigin ang naaabang bayan.

Kayong antayan na sa kapapasakit ng dakilang hangad sa batis ng dibdib
muling pabalungit tunay na pag-ibig kusang ibulalas sa bayang piniit.

Kayong nalagasan ng bunga’t bulaklak kahoy niyaring buhay na nilant sukat
ng bala-balakit makapal na hirap muling manariwa’t sa baya’y lumiyag.

Kayong mga pusong kusang pugal ng dagat at bagsik ng ganid na asal,
ngayon magbangon’t baya’y itanghal agawin sa kuko ng mga sukaban.

Kayong mga dukhang walang tanging lasap kundi ang mabuhay sa dalita’t hirap,
ampunin ang bayan kung nasa ay lunas sapagkat ang ginhawa niya ay sa lahat.

Ipaghandog-handog ang buong pag-ibig hanggang sa mga dugo’y ubusang itigis
kung sa pagtatanggol, buhay ay mailit ito’y kapalaran at tunay na langit.

click here to comment… for bloggers

Tula: Salamat sa Iyo Puerto Princesa - Palawan Pilipinas

2011-11-28T19:45:00.008+03:00

Sa bawat ama at ina
Kay ate at kay kuya
Na tulong tulong nakisama
Upang Pilipinas ay minsan pang
Sa New 7 Wonders of Nature ay makasama.

Kasaysayan ay muling nadugtungan
Sa tulong ng ating mga kababayan
Tunay na tagumpay ay nakamtan
Pagkakaisa ay nagsilbing huwaran.

Munting bata imulat ang iyong mga mata
Ang Pilipinas na iyong sinisinta
Sa sanlibutan ay tanyag na.

Walang dahilan para maging batugan pa
Ipagmalaking Pilipinas ay anak ka
Para sa iyo itong aming ginawa
Dadalhin mo hanggang sa iyong pagtanda.

Akong si makatang kiko ay natutuwa
Sa mahigit walong libong mga bumisita (8,9++ youtube views)
Sa munting video na aking ginawa
Alam kong nakatulong ito sa madla.

Salamat sa iyo Puerto Princesa
mula dito sa Qatar!

Ang inyong lingkod po ay naging
Public Information Committee on
Vote PPUR for New 7 Wonders of Nature Qatar
sa pangunguna ng
BalitangQ/ at Philippine Embassy Qatar

TUNGHAYAN PO ANG SIMULA NG KAMPANYA

Official Launch of the Puerto Princesa
Underground River Campaign

Today is an opportunity for us to change their perceptions.

Today is an opportunity to put the Philippines under a different and more positive light.

Today, we have the chance to raise one of our country’s natural treasures onto the world stage.

The Puerto Princesa Underground River in Palawan, Philippines is composed of a long mountain landscape and a beautiful, breathtaking subterranean river that winds through a cave that has been carved into shape by the giant hand of nature. So it comes as no surprise that the Puerto Princesa Underground River has made it as one of the 28 finalists in the global search for the New 7 Wonders of Nature.

The competition is tough, but if there is a site that should be in the top seven, then it should definitely be the Puerto Princesa Underground River. (applause) That is, of course, my unbiased opinion.

Aside from its staggering length and shape, within it lie unique discoveries, which were, until recently, unknown even to those who had frequented the site.

For the last several months and years, an Italian group called La Venta has been conducting studies there, and they have made some stunning discoveries, such as the fossils of the sea cows or Sirenia dating back to the Miocene period roughly 20 million years ago, if this is correct.

Aside from being rare fossils previously found only in Java, Indonesia, these findings also emphasize further the sheer historic value of our Underground River and of the country we live in.

The possible benefits of being one of the New 7 Wonders of Nature are enormous, especially for the tourism industry. Last year, we had a total visitor arrival of 3.52 million people, an increase of sixteen percent from 2009. Visitor receipts likewise grew by eleven percent last year, from 2.24 billion U.S. dollars in 2009 to 2.49 billion dollars. Through your continued support, we can further increase tourist arrivals in our country; we can benefit various local industries dependent on tourism and reduce poverty for the many Filipinos who make a living out of making every visit worthwhile for our tourists.

The sites that were finalists and winners of the Seven Man-made Wonders of the World exhibited a drastic increase in the tourism industries of their respective countries. It is expected that the same result will be achieved by the New 7 Wonders of Nature. This means that if the Puerto Princesa Underground River garners a spot in the New 7 Wonders of Nature, the amount of tourists visiting here will obviously skyrocket. New facilities, flights, and tours will be created to meet the demand. New job opportunities will be created for the local community, with the multiplier effect giving rise to even more employment in other industries.

All these will be undertaken carefully and responsibly, without squandering the abundant natural resources we want to preserve in Palawan. We will also naturally develop an increased awareness on the importance of protecting the environment, and ongoing sustainability efforts will continue and grow even stronger.

Suffice it to say, with your help, even more progress is within reach. The Official Declaration of the New 7 Wonders of Nature will be held on November 11. And each and every Filipino in this country has a big role to play for us to win. It is really up to us to vote through text and via the Internet so that we can place the Puerto Princesa Underground River in its rightful throne -- amongst the New 7 Wonders of Nature.

In the Philippines, we have no less than 80 million cellphone users, sending nearly two billion text messages every day. All we need is one billion votes, so that is half a day. (applause) A large number of us also have access to the Internet. So I urge everyone to take part in this democracy-in-action on behalf of our own environment. By voting online at www.new7wonders.com, or simpler by texting PPUR to 2861, we can help the Puerto Princesa Underground River, as well as the entire Philippines, garner a distinct spot on the international tourist map.

I leave the mode of choice to you, but please remember to vote and vote to the maximum.

While winning a place in the top seven bolsters our sense of national pride, recognition is not the only thing we can gain. We must also remember that the tourists we can potentially attract will redound to thousands of employment opportunities; our success here will ultimately breed success for Filipinos everywhere.

A significant number of people have worked day and night to make this campaign possible, including and especially Mayor Edward Hagedorn and Mr. Tony Abaya, so I would like to extend to them my gratitude. But let us recognize, they cannot do it alone. This is an undertaking that requires all of us to act.

I urge everyone again, sorry if I’m sounding makulit, I urge everyone to vote to the maximum for the Puerto Princesa Underground River as one of the New 7 Wonders of Nature.

Let us show the world our democracy in action, as much as we wanted to show them the daylight that has dawned in our country.

Let us make the Puerto Princesa Underground River one of the New 7 Wonders of Nature.

Philippine President Benigno Aquino III

At sa tulong ng ating mga kababayan dito sa Qatar sa pamumuno ng aming butihing Ambassador Crescente Relacion, naisakatuparan ang LAUNCHING Of I Voted Puerto Princesa Underground River noong October 21, 2011, na tanging ang bansang Qatar lamang ang gumawa ng ganitong aktibidad sa buong mundo.
Pinangunahan ito ng BalitangQ sa tulong ng Social Media Group dito sa Qatar [FODQ - Filipino!! OFW Doha Qatar] at iba't ibang Facebook Group (pasensya na po at andami ninyo)

Click to enlarge
Poster Designed by: Sir Flor Cabrito
Senior Graphic Designer of Sheraton Doha Resort & Convention Hotel

Noong November 11, 2011 ay inilabas ang
The Provisional New7Wonders of Nature

Ikinagagalak ko pong ibalita sa inyo na Official na Kasama na po ang PPUR
PPUR officially confirmed as one of the New7Wonders of Nature

• Updated January 2012

Sample Functions of Human Values

2011-11-27T12:08:00.000+03:00

Kabataan Ano ang iyong kinagisnang kaugalian?

Marami sa mga kabataan ngayon ang may kakaibang ugali kumpara sa mga kabataan noong araw, ano nga ba ang kinagisnang ugali ng mga bata ngayon?

Oopps, hindi ko nais na makipagtalo sa inyo, ang gusto ko ay ibahagi ang ilan sa mga values na dapat ay taglayin ng kabataan ngayon, minarapat kong ilagay/ isalin sa English upang mas marami ang makarelate:

Open-Minded
I listen to others carefully.
I try to understand their feelings and ideas.

Communicator
I listen to others.
I can share my ideas and feelings with others in many different ways.

Principled
I tell the truth.
I share and play well with everyone at school and at home.

Balanced
I look after my mind and body.
I try to stay happy and healthy.

Knowledgeable
I want to learn about many different things.
I try to remember what I have learnt.

Risk-taker
I have the confidence to try new things.
I know which risks are safe to take.

Reflective
I think about my work.
I know when I have done well and when I could do better.

Inquirer
I enjoy learning.
I am observant and curious about many different things.

Thinker
I think carefully and make good decisions.
I try to solve my own small problems.

Caring
I care about my friends, family, animals and plants.
I help others.

Empathy
I help my friends when they are hurt.

Tolerance
I am sensitive to other peoples feelings and needs

Integrity
I try to do what is right.

Respect
I am kind and considerate.

Commitment
I try to finish all of my activities.

Confidence
I feel good when I know
I can do something.

Co-operation
I can share with my friends.
I can wait for my turn.

Enthusiasm
I show enjoyment in what I do.
I am Excited to learn

Appreciation
I am thankful for all the wonderful things around me.

Curiosity
I like to explore and investigate.

Creativity
I can use my imagination to help me solve problems.

Independence
I can follow routines. I can take care of my belongings.

© November 2011 Mga Kathang isip at Kwento ni Kiko

click here to comment… for bloggers

mga halimbawa ng maikling tula

2011-11-24T18:27:00.005+03:00

at dahil naghahanap kayo ng maikling tula at mga maikling kasabihan,
tunghayan po sa ibaba…

paunawa ang lahat ng mababasa ninyo ay orihinal na katha ni Kiko
at naipost sa kanyang Facebook Page Mga Kathang Isip ni Kiko

Hindi lahat ng Makata ay magaling gumawa ng tula
At hindi lahat ng magaling gumawa ng tula ay Makata
Ang mahalaga ay napasaya nila
Ang kanilang mambabasa.

PAG-IBIG
simpleng salita na pinagdudugtong ng maliit na linya
minsan inaabuso at hinahaluan ng pagnanasa.

…
Hindi mo na kailangang sabihin
Damdamin mo'y nararamdaman ko rin
Pag-ibig sa isa't isa'y palawigin
Pagmamahalan'y pagsaluhan natin.

…
Pag-ibig ko sa iyo'y,
'sing asim ng sinigang;
Swabe ang timpla,
Pasok sa iyong panlasa;
'pag iyong natikman,
Siguradong babalik balikan.

…
Huwag mo na akong piliting umawit
Dahil wala akong isasambit
Kundi ang pag-ibig kong walang kapalit
Kaligayahang abot hanggang langit.

…
Pag-ibig ko'y iyong damhin
Ikaw'y aking aakapin
At ibubulong ang nais dinggin
Mahal kita, uulit ulitin.

Saka idadampi itong labi
Sa iyong mapulang pisngi
Dadamhin nang nakapikit
Hanggang sa bibig natin'y maglapit.

Huwag na sana akong magising
Sarap ng halik mo'y gusto kong lasapin
Hayaan ako sa pagkakahimbing
Bigyang laya itong damdamin.

…
Maghunos dili kayo mga kaibigan
Relihiyon ay hindi dapat pagtalunan
Pag-ibig sana sa atin ay mamagitan
'Pagkat iyan ang Kanyang Kalooban.

Huwag po nating kalimutan sana
Ang ugaling pagpapakumbaba
Ito ang magbubukas ng iyong diwa
Magiging tanglaw ng iyong kaluluwa.

At kung sakaling iba ng iyong paniniwala
Ang tula kong ito'y taliwas sa iyong akala
Hindi kita pipiliting maniwala
Igagalang ko ang iyong panukala.

Ito lamang ang ating tandaan
Huwag sana nating kalilimutan
Pag-ibig na itinuro ng ating sinapiang samahan
Maging tanglaw sa ating mga pananambitan.

…
Kahit na ano ang iyong isipin
Kahit na ano pa ang iyong kantahin
Ikaw pa rin ang laman nitong damdamin
Ikaw lang ang tanging mamahalin.

Tibok ng puso ko'y iyong dinggin
Walang ibang nais sambitin
Pagmamahal ko'y hindi ka mabibitin
Pag-ibig ko sa'yo'y lulubos lubusin.

…
Ang pag-ibig parang Bowling Game
Minsan Strike, minsan Spare
Minsan naka- kanal
Kapag nakakasakal.

…
Salamat sa pagpapatibok ng aking puso
Salamat sa tunay na pag-ibig mo
Mula pa noong magkasintahan tayo
Hanggang sa pinakasalan mo ako
Pag-ibig mo'y walang pagbabago
Mahal na mahal kita! Kaibigan at asawa ko!

…
Bakit mo pagseselosan
Itong aking kaibigan
Kung siya naman ang dahilan
Ng aking kaligayahan.

Kaysa naman sa iyong makasariling paraan
Puro pag-iimbot at kasuwapangan
Palagi na lang away at tampuhan
Pag-ibig na walang kwentang ipaglaban.

…
May Pag-ibig bang nagsimula sa wala?
Wala naman 'di po ba?
May mga nagsimula sa unang pagkikita
May mga nahumaling sa magandang dalaga
May mga nahulog sa boses na maganda
At mayroon namang suki ng Tindera.

…
Pag-ibig kapag iyong pinairal
Tutulungan ka ng Poong Maykapal
Asahan mong walang magiging sagabal
Bastat samahan mo ng dasal.

…
At kung dumating ang panahon
Dakilang pag-ibig galing sa kahapon
Ang paniwalaan mo ay ang ngayon
Dahil ikaw ang pinili ko hanggang sa habang panahon.

…
Sawing pag-ibig
parang singaw ng bibig
bunga ng maling init
laman ay nangangalit
Sa kalauman'y
'pag isip ay 'di ginamit
mauuwi lamang sa sakit ng dibdib.

MAHAL
Sumama ka sa akin mahal ko
Sa tuktok ng bundok pupunta tayo
At doon ipagsisigawan ko
Upang marinig ng buong mundo
Na MAHAL NA MAHAL KITA irog ko.

…
Inay salamat po sa pagmamahal
At sa walang sawang pagdarasal

Malayo man kami sa iyong piling
Hindi ka nawawala sa aming isipin

Kami ngayon ay dumadalangin
Sa Diyos Amang mahabagin

Mga kahilingan mo'y Kanyang dinggin
Nang guminhawa ang 'yong damdamin

…
Hindi ko kailangang ipagsigawan sa buong Mundo Na ikaw lang ang MAHAL ko Mas mabuting ipadama ko ito sa'yo Nang hindi ako magmukhang palalo.

…
Mahal kita
Mahal mo siya
Naiintindihan ko
Dahil Nanay mo siya

Ngunit huwag mo ring kalilimutan sana
Na may nagmamahal kang asawa.

…
Iniibig kita
Paniwalaan mo sana
Sasaluhin ko ang lahat ng bala
Na ipuputok ng iyong mahal na ama.

Baka sakaling pigilin mo siya
At sa akin ay maniwala
Sa pagmamahal kong walang kapara
Asahan mong hinding hindi ka luluha.

…
Mga ngiti sa iyong labi
Nagbibigay sigla sa aking hikbi
Pagmamahal ko'y mananatili
Iibigin kita sa bawat sandali.

…
Ang ating pagmamahalan
ay parang dalampasigan
pagsikat ng araw sa karagatan
ganda nito'y wangis mo hirang.

BUHAY
ang BUHAY ay masaya kung…

Breakfast ko tuwing
Umaga ay
Halik
At
Yakap mo sa tuwina!

…
Ang buhay ay bigay ng Maykapal
Kahit na yurakan ng iba ang iyong dangal
Mananatili kang sa Diyos ay sakdal
Kaya't huwag bibitaw sa pagdarasal.

Dahil nasa Kanya
Ang tunay mong dangal
Walang dungis walang bahid
Kung ikaw'y magpapakabanal.

…
Burahin mo man ako sa friendslist mo
At i-Block ang friend request ko
Mananatili ka sa wishlist ko
Sa panaginip magkikita pa rin tayo
Dahil ikaw ang buhay ko…

…
Hindi mo na kailangang umakyat sa entablado
Upang makita ang kagandahan mo ng buong mundo
Sa pagmamahal mo lang kuntento na ako
Dahil ikaw ang Miss Universe ng buhay ko.

IKAW AT AKO, ATBP (at iba pa)
Kailan ba nagsimula ang salitang tayo?
'Diba noong magkakilala ang ikaw at ako?
Kaya sa relasyon nating ito
Sana ay magbigayan tayo.

…
Mga sinasabi ko raw ay puro kalokohan
Magaling daw ako sa pakikipagbolahan
Hindi kita pipiliting ako'y paniwalaan
Awit ko na lang siguro ang iyong pakinggan
Upang Ikaw at ako ay magkatuluyan.

…
Kailan mauunawaan ang mga bagay sa kasalukuyan
Kailan lilinaw ang mga bunga ng nakaraan
Kailangan bang simulang muli ang naumpisahan
O ipagpatuloy ang kinagisnang kinagawian?

…
Hindi lahat ng nakangiti masaya
At hindi lahat ng masaya walang problema
Mas pinili nilang ngumiti at maging masaya
Dahil pagpapa picture na pala!
Say Cheeese!

click here to comment… for bloggers

mga tula tungkol sa ulan

2011-11-23T12:02:00.002+03:00

kahapon at kaninang umaga ay may pagbabadya ng ulan dito sa Qatar kaya naman napaisip akong gumawa ng mga tula tungkol sa ulan

habang naghahalungkat ng aking mga nagawang tula, mayroon na pala kaming nagawang mga tula tungkol sa ulan

Mga Kathang Tula ni Kiko

• Pagkatapos ng Ulan

• Pag May Ulan May Pag-asa

• Sayaw sa Buhos ng Ulan

• Magkayakap sa Tag-ulan

• Himig ng Ulan

• Tuwing Umuulan

Mga Likha ni Babyluv

• Ulan! Ulan! Ikaw daw ay lumisan

• Hampas ng Ulan

• Bawat Patak ng Ulan

• Binagyo si Sugar

Isang Minutong Smile Shirt

2011-11-22T10:44:00.012+03:00

Kung nagustuhan mo ang Manikurista Kwentong Chika,
Animated dancing banana

ito ang karugtong ng tsismis nila…

700…,

800…,

950 ayan dami ko na palang naipon sa tip lang,

Hoy D1, hanu yang binibilang mo?

Kalurky ka D2, datung anuvi.

Tara, punta tayo ng Trinoma at manlibre ka naman.

Hay naku, may pinaglalaanan ako nito.

Aber!?

Ibibili ko ito ng Isang Minutong Smile Shirt para kahit sa ganitong paraan ay makatulong ako sa Isang Minutong Smile Project.

Ano yan D1, hindi naman bumabagyo at tinamaan ka ng kidlat para magkaganyan?

Huuuwe, sa panahon ngayon, may mga bagay na dapat tayong pinag-uukulan ng ating mga kinikita kahit sa simpleng paraan.

Saan mo naman nakita yang ads na yan?

Minsan kasi nag Facebook ako, eh si kras nakita ko naglike sa status, stalk ako ever, un pala status update ng isang page Isang Minutong Smile,

And then!?

Naku take a look dyosa, talaga namang mapapaSmile ka sa mga bitaw ng Quotes.

Oh tapos!?

Check ko ngayon ung info ng page, aba may mission pala sila, tapos visit ever ang website, ayun may ads BUY SMILE SHIRT, click naman ako, astig ung design ng shirt.

Tignan ko ngaaaaa...

Wait ito ang link: Order SMILE Shirt

Juice ko dyosa, "SMILE Shirt Prize : Php450 + Shipping Rate" nabasa mo!?

I know, kaya nga dalawa tayo divah, mamili ka, ililibre kita sa shirt tapos ikaw sasagot ng shipping charge o the other way around??

Hmmm, let me thinking.

Asus, now na!

Ring, ring...

Hello Smile Saloon!

Ahhhhhyyyyy! Mama Liz, kelan? Sure sure! Okay, bye...

Da who!?

Si Mama Liz! Ung may asawang seaman, ung nagpahairdo remember!?

Ah, enoh ngayon?

Pupunta daw sila ng hubby nya, magpapa footspa at body massage.

Ay type!! Kelan daw?

Bukas daw ng umaga...

Ito tignan mo meron pala silang Smile Quotes Contest!

…sayang hindi tayo nakasali…

Meron nang nanalo anovi…

SMILE Quotes Contest Winners…

Isang Minutong SMILE Project is a Charity Project organized by OFW Bloggers like me who share the same purpose, and that is to help unfortunate kids who dream big! Why deprive them from pursuing when we can make them SMILE even for a MINUTE. Make them SMILE! In cash, or in kind, it doesn’t have to be as big as their dream. Let’s make this happen again this year, before Christmas! Click here for more details. - Ex-OFW Mom: Thoughts from the past, enjoying the present

Click Here to ORDER SHIRT NOW!

BASAHIN ANG "Manikurista Kwentong Chika" DITO

Kathang Isip sa Karagatan

2011-11-21T17:51:00.002+03:00

Sa muling pagtiklop ng langit,
Mata'y lumigid sa baybayin;
Hinahanap kahit anino,
Kung ikaw nga ba ay darating.

Pusong uhaw sa iyong piling,
Hinahanap ang haplos mo't paglalambing;
Sunod sa kumpas ng alon,
Kadiliman ay tumakip sa maghapon.

Ayaw pang tumayo sa pagkakaupo,
Sa buhanging nagbabalatkayo;
Simo'y ng dagat wari'y ikaw'y darating,
Bigyang pag-asa itong pusong nagdirimdim.

Katahimikan ko'y pinunit ng sigla,
Sa yakap mong nakabibigla;
Sabay harap sa iyong pagsinta,
Hay! hangin lamang pala.

Nagtatampo ang mga ulap,
Mga bituin ay ayaw lumiwanag;
Mabuti pang umuwi na lamang,
At huwag nang mag-antay ng magdamag.

Kailan ka ba darating?
Tanong ng diwang may hinihiling,
Sa kawalan ay nakatitig ng mariin;
Bigyang pansin ang aking hiling.

Pangarap ko ay simple lamang,
Ang makapiling ka kahit panandalian;
Pumarito ka sa aking kinaroroonan,
Ating pagsaluhan ang pagmamahalan.

Ito ay aking lahok sa patimpalak ni sir gillboard

Sa IYONG Muling Pagdalaw - Tulang Pasasalamat sa Diyos

2011-11-19T19:51:00.002+03:00

Pikit at salop ng hikbing pigil,
Nais kumawala ng damdaming lingid;
Inaasam na Ikaw ay nais makapiling,
Kailan Ka muling dadalaw sa akin?

Awit at paruri'y pumailanglang,
Sa tunog ng trumpeta mula sa kawalan;
Mistulang senyales ng Iyong pagdating,
Patak ng luha'y hinuhugot sa dilim.

Ngayong gabi'y sa tinig Mo makikinig,
Paruri sa Iyo'y aking iaawit;
Dalhin Mo ako sa ikapitong langit,
Kung saan nananahan, mga Angel at Kerubim.

Sa Iyong muling pagdalaw,
Sa aking pusong mapanglaw;
Diyos Amang makapangyarihan,
Muling luluhod sa Iyong harapan.

Kaluluwa ko ay nag-aasam,
Tuwing maiisip ko ang Iyong Pangalan;
Puso ko'y punong-puno ng kagalakang,
Purihin Ka magpakailanman.

Luha ko'y patuloy ang patak,
Kaligayahang mula sa aking pag-iyak;
Presensya Mong sa iba ay payak,
Ngunit sa akin ito'y pinakatanyag.

Kaysarap namnamin ang bawat sandali,
Na kapiling Ka Oh Diyos sa aking papuri;
Kapangyarihan Mo'y mananatili,
Kapanatagan ko sa bawat pighati.

Tinawag mo ang aking pangalan,
Unang inibig mula sa sinapupunan;
Binigyang halaga ang aking mga hakbang,
Iniingatan hanggang sa kasalukuyan.

Makarating nawa sa langit,
Itong munting tulang sinasambit;
Pasasalamat ang simpleng kapalit,
Sa kabutihan Mong hindi ipinagkait.

Ngayong gabi sa aking pagpikit,
Papuri sa Iyo Ama, ang tuwina'y inaawit;
Panalangin at pasasalamat sa buong araw na biyaya,
Pupurihin Kang muli bukas, pagdilat ng mga mata.

Philippine Geography - Yoyoy Villame

2011-11-18T12:22:00.002+03:00

Ngayong araw na ito Nobyembre 18, ay ipinagdiriwang ang kaarawan
ni Yoyoy Villame. Si Yoyoy ay isinilang sa Calape, Bohol, Pilipinas.

Roman Tesorio ang tunay niyang pangalan, siya ay namatay noong Mayo 18, 2007. Ang isa sa kanyang mga anak na ngayon ay isa na
ring mang-aawit, ay si Hannah Villame. Source: Wikipedia

Tunghayan po natin ang isa sa mga paborito kong Awit na kanyang nilikha.

Philippine Geography - Yoyoy Villame

[Click the image to Enlarge]

Isang karangalan po sa Mga Kathang Isip at Kwento ni Kiko ang pagkilala kay Yoyoy Villame bilang isa sa Institusyon ng Musikang Pilipino, at isa sa mga iniidolo ko sa larangan ng paglikha ng mga katha.

click here to comment… for bloggers

Love Bus Book 2 Last Part

2011-11-17T21:03:00.003+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23

Miss, please fasten your seatbelt we're going to land in a few minutes, sabi ng cabin crew, naalimpungatan si Brenda.

Ano toh!? Tanong niya sa sarili, panaginip lang ba 'yun kanina?

---
Hindi pa rin makapaniwala si Brenda hanggang sa bumaba siya ng eroplano at maglakad patungo sa baggage counter upang kuhanin ang mga dala niya.

Parang totoong totoo ang mga pangyayari? Pero hindi, dahil kahapon lang ay kausap pa niya si Franz at sinabing siya ang susundo sa kanya.

Matapos magpacheck-out ng baggage si Brenda ay dali dali siyang lumabas para hanapin si Franz.

Nagkatapat ang mga mata nila Franz sa sandaling 'yun at tumakbo siyang payakap kay Franz na ikinagulat naman nito.

Franz, huwag kang mawawala sa akin ha, tumulo ang luha ni Brenda habang mahigpit ang pagkakayap niya kay Franz.

Bakit mo naman nasabi 'yan bru?

Ah basta, promise, hindi na ako babalik ng Qatar, dito na lang ako, ayaw kong magkahiwalay pa tayo.

Drama mo bru, tara na doon sa kotse.

Aba, bongga! Sabay pahid ng luha ni Brenda at ngumiti sa nakita niyang Honda CRV na binuksan ni Franz. Bagong bago ah.

Ahaha, rental lang 'yan, hindi kasi pwede ang kotse ko, alam kong madami kang dalang gamit.

Asus, char, rental ba 'yan eh, may picture ni Josh sa loob? Pahumble ka pa.

Bakit ang drama mo kanina? Tanong ni Franz.

Eh kasi nanaginip ako kanina sa eroplano, namatay ka raw at sina Josh at Cynthia ang sumundo sa akin.

Cynthia? Tanong ni Franz.

Oo Cynthia ang Gf ni Josh.

Si Josh may GF? Hahaha, eh dose anyos pa lang ang anak mo.

Ganon!? Ibig mong sabihin premonition ung panaginip ko? Dapat nga siguro hindi na ako bumalik ng Qatar.

Ano bang pinagsasabi mo, ang kelangan nating asikasuhin ngayong pag-uwi mo ay mahanap natin ang libro, remember?

Ay oo nga, sige maghalungkat tayo doon sa bahay.

[Sa bahay ni Brenda]
Alam ko dito ko nilagay ung mga naiwan ni inay.

So! totoo ngang ang nanay mo ang Maria na sumulat kay Herminia?

Hindi ako sure, malalaman natin, kapag nakita natin ang librong hinahanap natin dito sa gamit ni nanay.

Halos ilang minuto lang at nakita na ni Brenda ang libro.

Oh ito ba ang hinahanap mo?

Tignan mo nga kung may page 33? tanong ni Franz,

Oh wala, diba sabi mo nasa iyo ang page 33 nakalagay sa sulat ni Inay?

Iniabot kay Franz ang libro.

Sinipat na maigi ni Franz at Binasa ang pabalat. -

An librong ito na iuong tangan
pacamajalin at pacaingatan
an susi ng capangiarijan
i nagmumula sa caalaman
lauacan an icipan
at casagutan i macacamtan

at saka kinuha ni Franz ang pilas ng pahina 33 sa kanyang bulsa

Oh ito, inilapat ni Franz sa napunit na pahina at saka binasa,
Pajinang ito capag iuong pinilas,
sumpa ng nacaraan i mababalictad
cia na manganganak an ciang magjijirap
camataian naman sa asaoa
ng librong may tangan

anapin an libro at sunugin sa apoy
upang sumpa ng kajapon i indi magtuloi
malalabanan an sumpa
capag sinunog itong pajinang casama.

At inilipat sa pahina 34 at binasa

Sunugin an librong ito sa lalagiang bacal
at ang abo i daljin sa lugal ng akin pagsilang
Isaboy sa malauac na caragatan

An Pag-ibig na minsang cinatacutan
Dahil sa sumpang macapangiarijan
An naudlot na pagmamahalan
Muling bigiang laya, kamai nia i hauacan.

___

Pagkalipas ng ilang araw ay nagpunta sila Franz at Brenda sa Batangas upang sunugin ang libro at isaboy sa karagatan ang abo…

Brenda: Franz, noong nasa Qatar ba ako, palagi mo ba akong iniisip?

Franz: Bru, sa bawat sandali, ikaw ang laging nasa isip ko…

at pagtanaw sa kalawakan ng karagatan ay naghawak ang kanilang mga kamay…

Salamat po sa inyo na sumubaybay sa Kwento ng pag-ibig ni Brenda. Sana po ay nabigyan ko kayo ng kakaibang ngiti at saya mula pa sa unang aklat.

Hiling ko po sa inyo na tulungan ako sa panalangin upang maisakatuparan ang pagpapalimbag ng unang aklat.

Minsan may pag-ibig na nabuo, kaya lang hindi nagkatotoo.

Minsan nanaginip ka ng masaya, hindi naman pala.

Minsan mayroon kang minahal,
Inaya mong pakasal, 'yun pala kukunin lang ng maykapal.

Minsan sa iyong paglalakad,
Makakasalubong mo ang babaeng iyong hinahangad
Hindi mo papansinin, pagkakataon ay palalampasin…
~Makatang Kiko

Panaginip ng Unang Pag-Ibig - Balagtasan

2011-11-15T17:46:00.003+03:00

Tuwing ikaw ang laman ng aking panaginip,
Binubuhay mo ang aking pananahimik;
Iminumungkahi ang iyong pananabik,
Inaabangan ang aking pagbabalik.

Matagal na kitang kinalimutan,
Dito sa aking puso at isipan;
Ngunit panay ang dalaw mo sa aking higaan,
Maaari bang ako ay iyong lubayan?

Nagkasundo na tayo noon,
Kalimutan ang masamang kahapon;
Pagmamahalang walang kasiguruhan,
Kakaibang pag-ibig na nakahihibang.

Pumayag ka at pumayag din ako,
Wala tayong sambitang niloko;
Naghiwalay ng landas na diretso,
Sa pangalawang pag-ibig ay naging seryoso.

Ngunit nang minsang magkita tayo,
Mga mata natin ay muling nagtagpo;
Bawat kurap ay magkasing ritmo,
Kasabay ng tibok ng ating mga puso.

Ulo ko ay aking iniyuko,
Iniangat naman ng mga kamay mo;
Sa labi ko'y idinikit ang labi mo,
Mga halik na nakalimutan ko.

Diwa ko'y muling nabasâ,
Sa mga halik mong humihingi ng pag-asa;
Patawad tugon ng aking mga mata,
Sa aking pagpikit sana'y mawala ka na.

Mula sa paghalik, yakap mo'y humigpit,
Damhin ang tibok, ng puso kong nagpupumilit;
Kahit na sa sandaling langit,
Pilit mo itong iginigiit.

Ako ay tila isang laruan,
Nang yakapin mo at iduyan;
Nagmistula akong sunud-sunuran,
Sa bawat haplos na iyong magustuhan.

Diwa ko ay nawala nang tuluyan,
Tila pananabik mo ay aking naibsan;
Hanggang sa ako ay iyong ipagtulakan,
Padausdus sa aking higaan.

Pagdilat ko sa kinaumagahan,
Bakas ng halik mo ay tagos sa kaibuturan;
Patak ng luha ko ay pumailanglang,
Panaginip lang pala ang aking naranasan.

Prose: Ako'y Isang Simpleng Blogista Bow!

2011-11-07T09:46:00.000+03:00

ako'y isang simpleng blogista na tumitipa ng iba't ibang letra
para sa dagdag kaalaman nitong mga kabataang mambabasa
hindi ako kasingsikat ng iba na dinadalaw ng sangkatutak na blogista
na ang kumento'y sangkaterba, dahil hindi naman nila ako kilala

ngunit alam nyo ba talaga ang nararamdaman ko?
kapag nag comment ka sa blog post ko?
ngiti sa labi ko'y abot hanggang taenga

itong puso ko'y nag-uumapaw sa saya
na kahit hindi pa tayo nagkikita
ako ay iyong lubos na pinasigla
at tunay na binigyang halaga

kahit na ang iba'y nananatili na lang sa pagbasa
at hindi talaga mahilig magkumento
wala naman akong magagawa
alangan namang mamilit ako

ang mahalaga sa akin ay nakapag-iwan ako ng ala-ala
na minsan sa pagdalaw nila dito sa aking bahay
umalis sila ng may dalang ngiti
at saya na nanggaling sa isang simpleng blogista

nakakalungkot lang talaga
ang iyong inaakalang malapit sa puso
hindi rin pala magkukumento
kahit pa sabihin pang kakilala mo
walang pakialam sa blogpost mo

eh kasi nga simple lang ako
hindi kasing sikat ng matagal na dito

click here to comment… for bloggers

Tula: Sa Anak Kong Pasaway

2011-10-31T10:27:00.000+03:00

Kontactr : Hello Makatang Kiko,

Masyadong puro pag-ibig ang mga tula mo, pwede mo ba akong gawan ng tula para sa aking anak na lalaki, na nanganganib na maging alam mo na, gandahan mo ha!

Salamat in advance.

Sa Anak Kong Pasaway

Sa anak kong pasaway,
Na laging wala sa bahay;
Kung 'di laman ng kapit-bahay,
Nasa kanto at palaging tambay.

Sa anak kong pasaway,
Iyong ama'y nalulumbay;
Kailan ka titigil ng bahay?
Ang iyong ina ay nag-aantay.

Sa anak kong pasaway,
Na palaging matamlay;
Hindi mahilig sa pagkaing gulay,
Pati sa pagkain ay pasaway.

Sa anak kong pasaway,
Sa Computer naglalamay;
Sa DOTA madaming kaaway,
Natutuyot na pati ang laway.

Sa anak kong pasaway,
Na ang text ay panay-panay;
Sa mga dabarkads ay nakikisabay,
Sa mga usaping mahalay.

Sa anak kong pasaway,
Na panay ang sagot sa nanay;
Naturingan pa namang panganay,
Kailan ka pa nagkaroon ng sungay?

Sa anak kong pasaway,
Na walang alam sa buhay;
Maski damit hindi marunong magsampay,
Hindi naman ganyan ang iyong tatay.

Sa anak kong pasaway,
Na hindi marunong magbigay;
Makasariling tunay,
Kailan tutuwid ang iyong buhay?

Sa anak kong pasaway,
Pati kuko'y nilagyan ng kulay;
Hikaw sa taenga ay inilagay,
At buhok ay panay ang suklay.

Sa anak kong pasaway,
Dating Boy ngayon'y Inday;
Mag-isip ka nga ng mahusay,
Baka ikaw ay ibaon ko sa hukay.

Sa anak kong pasaway,
Puso ko'y para mong pinatay;
Sa sama ng loob na iyong ibinigay,
Luha ko ngayon'y walang humpay.

Dear _____,

Sana ay nagustuhan mo ang ginawa kong tula para sa iyo at sa anak mo.
- Kiko

Maikling Kwento ng OFW: Tara Balikan Natin!

2011-10-27T00:47:00.010+03:00

"Putcha sinong naggupit sa 'yo!? Buhay pa ba!? Tara Balikan natin!

'yan ang mga katagang palaging sinasambit ng malapit mong kaibigan tuwing makikita kang bagong gupit. Gasgas na gasgas na itong linyang ito ngunit nais kong ibahagi sa inyo ang naging karanasan ko noong isang araw na nagpagupit ako.

[true story]
Isang biernes ng umaga, kinuha ko ang labahan kong puti at kinusot, nilabhan (dahil ugali ko nang maglaba ng mga puting damit tuwing biernes ng umaga) maya-maya pa ay tinapik ako ni Tso (palayaw ng aking isang kasamang OFW)

Ano sasama ka!? tanong niya.

Oo sasama ako, isasampay ko lang itong nilabhan ko, tugon ko.

Pagkasampay ko, kinuha ang cap, wallet at tinungo ang aming pupuntahan. Isa itong lugar dito sa Industrial Area na pinupuntahan ng halos lahat ng mga nandito tuwing biernes ng umaga upang mamili ng ulam (isda, gulay) at mga ukay-ukay.

Habang naglalakad kami ni Tso ay nabanggit kong gusto kong magpagupit, sinabi niyang mayroon din doon sa pupuntahan namin, Filipino pa ang maggugupit at 5QR lang! Sige, magpapagupit ako, sabi ko sa kanya.

Noong nasa Pilipinas pa ako, at sa Cavite pa kami nakatira, sa Ricky Reyes SM Bacoor ako nagpapagupit, dahil gusto ko ang service nila, at dahil kababata namin ni Leny si Allan Bacina (dating hairdresser nila na ngayon ay may sarili ng parlor) at noong nasa Ortigas naman ako nagtatrabaho, sa David's Saloon naman ako nagpapagupit, siguro nga mitikoloso ako pagdating sa gupitan, at tuwing sweldo naman ay sa Bench Fix Saloon sa Eastwood Libis, bago pa tayo lumayo, balik tayo kay kuyang barbero, ewan ko ba bakit ako nakapagpagupit sa kanya.

Kuya may kasunod po ba? tanong ko.
Sunod ka na rito, tugon niya, matatapos na maya-maya lang.

Matagal din akong nakatayong nag-aantay habang nagmamasid sa mga dumadaang mga kabayan na may mga bitbit na mga pinamiling isda at mga ukay-ukay na damit, oo, dito sa isang iskinita na iba't ibang lahi ang makikita mo, may mga nakaparadang bisikleta at hilera ang mga naggugupit.

Boss, upo ka na, aya niya sa akin.

Umupo ako sa isang puting baldeng itinaob, at nilagyan niya ako ng sapin, mula sa pinutol na kumot, upang matakpan ang aking damit laban sa mga buhok na magugupit.

Anong gupit bosing?, tanong niya.

Barbers Cut po kuya, sagot ko, at sinundan ko ng ikaw na bahala kuya, alam kong expert ka sa ganyan.

Naku salamat, sige, akong bahala, sagot niya, ikaw lang ang nagsabi ng ganyan sa akin boss.

Eh 'diba kuya totoo naman na kayo ang mas nakakaalam kung ano ang mas bagay na gupit sa isang tao?

Ang mga sumunod ay katahimikan. Liso, ikot, tungo, angat, ang mga kilos niya. Ako naman ay sunod lang. Maayos naman ang tipa niya ng gunting, alam kong sa mga kilos niya ay bihasa na siya sa paggugupit. Kung iisipin nga naman madaling araw pa siya siguro nandito naggugupit at maaaring sa loob lamang ng oras na ito ay kumita na siya ng mahigit na 20QR.

Sa mga sandaling iyon ay natahimik ako at naglakbay na naman ang aking diwa. Sa mga katulad ni kuya, ang bawat minuto at oras ay mahalaga, na kahit na araw ng kanyang pahinga ay gumagawa siya ng paraan upang gamitin ito para kumita ng pera. Sa aking palagay, maliit lamang ang kanyang kinikita kaya niya ginagawa ito, ngunit kahit na siguro nasa tama ang kinikita ng isang OFW, isa itong pagbubukas ng isip sa kanyang kapwa OFW, na ang bawat oras ay mahalaga, na sa isang katulad ni kuya, wala siyang sinasayang na oras para kumita, syempre sa marangal na paraan. Malalim ang buntong hininga ko at ito'y kapansin pansin sa kanya.

Okay ka lang Boss?, tanong niya.

Ah! ok na ok kuya, may naisip lang ako.

Naisip ko, ang ibang mga OFW, huwebes pa lang, mga lasing na, biernes naman nasa galaan, ubos oras, ubos pera, (paumanhin po, hindi ko naman nilalahat ngunit nangyayari naman talaga 'di ba?), samantalang ang mga kagaya ni kuya ay kumakayod kahit araw ng pahinga.

Boss! napatingin ako sa kanya, iniabot niya sa akin ang maliit na salamin upang tignan ko ang aking gupit.

Ok na kuya, salamat, pinunasan niya ng brush na may pulbos ang paligid ng aking ulo at pagkatapos ay tumayo na ako, iniabot ko ang 5QR at nagpasalamat. Dumating na rin si Tso para sunduin ako. Sabi ko sa kanya, iba-blog ko ito Tso, itong experience kay kuya!

Nakuha mo ba ang pangalan? tanong ni Tso, Saan daw siya nagtatrabaho!?

Tso, tugon ko, wala akong inalam tungkol sa kanya, ayaw ko namang biglain siya sa mga tanong, malay mo ma-offend ko siya sa mga itatanong ko diba? Pero pinaghahandaan kong bumalik sa kanya upang bigyan siya ng munting regalo at parangal, alam kong masisiyahan siya.

Eh, tara balikan natin, sambit ni Tso

Oo, babalikan ko siya, samahan mo ako ha!?

Oo, sige.

(Babalikan ko si kuya upang makilala siya at bigyan ng kahit kaunting parangal at regalo)
Abangan po ninyo ang susunod na bahagi! Salamat po sa inyong pagbasa!

Tula: Sa Munting Silid ng Pangarap

2011-10-24T13:02:00.001+03:00

marami ang nangahas pumasok
sa munting silid ng pangarap

halimuyak na hatid

walang ibang kapalit

kaligayahang dulot

ng ulos sa munting silid

pangarap na minsan'y sumaisip

kailan mararating?

ang rurok na hinihiling

pangarap na lang ba

tuwing sa silid tayo nagkikita?

sa bawat impit at halinghing

ligayang walang maihahambing

sa isang munting silid ng pangarap

pag-aalinlangan ay napaparam

sa ritmo ng iyong balakang

sumasabay sa tunog ng kawalan

sa bawat buhos ng tubig

kasabay ng tibok ng dibdib

damhin mo ang aking pag-ibig

lasapin ang bawat pintig

sa iyong pagpikit

muling aayain sa munting silid

sa silid na pinapangarap marating

upang pag-ibig natin

ay minsan pang abutin

Love Bus Book 2 Part 23

2011-10-17T01:39:00.002+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22

[Ikalawa sa Huling Limang Bahagi]

Hello, Cynthia, love, ready ka na ha, darating na ako jan in 20 minutes…

Yes, love, waiting na ako, nagbabasa lang…

---
Good morning love, mwaah (humalik si Josh kay Cynthia), ano tara na, alis na tayo?

Teka lang, tapusin ko na ito, last chapter na.

Ano ba 'yang binabasa mo?, tanong ni Josh.

Love Bus po.

Ah, travel book?

Ahaha, hindi noh, love story, about true friendship at endless love. Haysss may mga ganun pa palang lalaki at babae sa mundo.

Bakit naman?

Natuwa ako sa friendship at love story nila Franz at Brenda.

Patingin nga, akin na nga yan, may kilala akong Franz at Brenda.

Eh diba si Tita, —Brenda ang pangalan?

Oo, patingin nga at mabasa.

Hay naku, umalis na tayo, baka kanina pa nag-aantay si Tita sa airport.

Sige na nga, teka saan mo nabili yang librong yan love?

Nagkalat kaya sa bookstore yan, Best Seller na, naging Story of the Month pa sa National Bookstore. Pwede ka ring umorder sa Amazon Online.

Ok yan ah, mabasa nga.

---
Oh narinig mo 'yun, nandyan na ang airplane, dumating na si Tita Brenda.

(nag park sila sa loob ng Ninoy Aquino International Airport at naglakad patungo sa waiting area para abangan si Brenda, mahigit sampung taon ding namalagi si Brenda sa bansang Qatar, lumaki na ng tuluyan si Josh at mayroon na itong kasintahan, si Cynthia)

Mama, kaway ni Josh kay Brenda pagkakita nito sa ina, patakbong yumakap sila sa isa't isa, ipinakilala ng personal ni Josh si Cynthia sa ina.

Tara ma, (kinuha ang trolly at itinulak ito papalapit sa kinaroroonan ng kanilang sasakyan)

Kumusta po tita Bren?

Ok naman, medyo pagod sa haba ng byahe pero kaya pa hehehe...

Mama, sakay ka na, ako na ang maglalagay ng mga ito sa likod.

Pinaandar na ni Josh ang sasakyan, tahimik ang bawat isa at nakikiramdam.

Mama, saan mo gustong pumunta?

Kain muna tayo doon sa Dampa, na miss ko kumain doon.

Oo nga po tita, ako din, paborito kong kainin doon ung Buttered Shrimp tapos Sinigang na Maya Maya, hmmm sarap.

Mama, kumusta naman ang byahe mo?

Natagalan ako, 'ung binili kong tiket eh connecting flight sa Abu Dhabi, waiting ako for 8 hours tapos another 8 hours na byahe.

Mama, baba na kayo ihanap ko lang ng parking ito, susunod na lang ako sa inyo, order nyo ako ng favorite ko ha, Inihaw na Baboy at Grilled Tahong.

(habang kumakain, may katahimikan ang kalooban ni Brenda, tila ba may kulang, wala ang sigla sa kanyang pagbabalik mula sa Qatar, siguro nga dahil sa tagal ng panahon, nanibago na siya, o mayroon pang ibang dahilan)

Josh, mamaya pagkakain dalawin natin si Tita Myra mo ha?

Sige ma.

Alam mo tita, palagi kaming pumupunta doon kay Ninang Myra, ewan ko dito kay Josh kung bakit.

Love, hindi lang naman si Ninang ang nakalibing doon, pati si Tito Franz, siya kaya ang nag-alaga at nagpalaki sa akin, nakakalungkot isipin na ginawa niya iyong mga bagay na iyon para lang sa kinabukasan ko.

Aksidente ang nangyari Cynthia hindi sinasadya ni Franz ang nangyari, masakit din para sa akin ang pagkawala niya.

---
Unti unti nang pumatak ang luha ni Brenda habang papalapit na sila sa libingan nina Myra at Franz, tila parang ang bigat ng kanyang mga paa para humakbang ngunit pinilit pa rin niya ang sarili upang kahit minsan pa ay masilayan niya ang libingan ng mag-asawa, at paglapit ay hindi na napigilang humagulgol ng iyak si Brenda, marahang hinagod ni Josh ang likod ng kanyang ina upang tumahan ito, ngunit pari rin si Josh unti unti na ring umiyak…

Nagbalik sa kanyang mga ala-ala ang mga panahong pinagsamahan nila ni tito Franz…

Walang imik si Cynthia, gusto niyang tanungin kung ano nga ba ang ikinamatay ni tito Franz, gusto niyang malaman ang lahat, ang buong detalye…

basahin dito ang pagtatapos… click here to comment…

Happy Teacher's Day

2011-10-05T09:00:00.003+03:00

Syempre makakalimutan ba nating batiin ang mga teachers ng group

kay Ma'am Mylene Inalisan (College Teacher) at Sir Omar Cruz (Blogging Mentor)

Happy Teacher's Day sa inyo sis and brad!

It is your thoughts and values shared that we will remember for the rest of your lives.

Related Post:

Dear Teacher
- an inspiring letter to Teachers

Mabuhay ka aking Guro
- isang alay na tula para sa mga guro!

tagong halimuyak

2011-10-04T17:59:00.004+03:00

(as usual click the image to enlarge)

Nais kong magpasalamat kay brader Mon Cruz sa larawan mula sa Katara - Doha, Qatar

Tagong Halimuyak

Larawang kay gandang pagmasdan,

Ikinulong ng kwadradong sisidlan;

Palamuti'y napapaligiran,

Agaw pansin sa tunay na kagandahan.

Suriin mo't itoy buksan,

At lapitan itong kakaibang larawan;

Sa pinta'y mamamangha ng lubusan,

Magkahanay na kulay at walang puwang.

Sa likod ng iyong pag-iisip,

Ilong mo'y nangangalit;

'Pagkat amoy niya'y ipinagkait,

Halimuyak niya'y ikinubling walang bahid.

Love Bus Book 2 Part 22

2011-09-29T02:57:00.000+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21

[Ikatlo sa Huling Limang Bahagi]

Josh: Tito Franz, tito Franz gising…

Franz: Huh!?

Josh: Nakatulog ka na d'yan. Nakapaligo na ako papasok na akooo.

Franz: Si-sige, magluluto lang ako ng almusal natin.

……

Naihatid na rin ni Franz si Josh sa school, habang pauwi naisipan niyang puntahan muli ang bahay ni Mang Poldo sa Kabihasnan

Ring Tone (Brad Pitt's Ringtone Ocean's 13)

Franz: Hello!? Bru Oh kumusta ka na?

Brenda: Hello Franz, ok lang, si Josh kausapin ko!?

Franz: Naku, nakapasok na sa school. Tawag ka na lang mamaya. May pupuntahan pa ako.

Brenda: Saan ka naman pupunta?

Franz: Sa Kabihasnan, doon sa bahay ni Mang Poldo.

Brenda: Ano naman gagawin mo doon sa kabihasnan!?

Franz: Naku, mahabang kwento bru, saka na lang pag may time ka to chat.

Brenda: Toh naman, sige naaaa! Chat na lang tayo mamaya pa naman ang pasok ko.

Franz: Sige, uwi na lang muna ako, tutal medyo malayo din ang kabihasnan.

Brenda: Ok, sige ingat ka ha, buzz mo lang ako kapag online ka na.

BUZZ!!!

Brenda:
franz hoy, alam ko online ka, naka invi ka lang, ano na kwento?

Franz:
talaga toh, kararating ko lang

Brenda: 'wag ka na magalit, toh naman, ano nga? bakit ka pupunta doon sa kabihasnan?

Franz:
wala magpapagupit laaaang

Brenda:
Hoy, Francisco Molina, kilala kita

Franz:
ok ok, may hinahanap kami tungkol sa pagkamatay ni Myra

Brenda:
anong sinabi mo? ano naman ang kaugnayan ng mama doon sa kabihasnan?

Franz:
natatandaan mo 'ung matandang babae noong nanood tayo ng sine? One More Chance?

Brenda:
oh, 'yung siraulo?

Franz:
siya ang nanay ni Mang Poldo

Brenda:
oh tapos?

franz:
siya si Herminia, sabi ng papa ni Myra,

Brenda:
Herminia, teka parang may kaibigan ang nanay kong Herminia ah

franz:
teka ano bang pangalan ng nanay mo?

Brenda:
Maria Teresa

franz:
naku naloko na

Brenda:
anoooo!?

franz:
hindi kaya siya ang Maria na sumulat kay aling Miniang at ang pumilas ng page 33 sa libro?

Brenda:
aba malay ko, basta ang alam ko may kilala akong Herminiang kaibigan ni nanay.

Franz:
paano naman sila nagkakilala ng nanay mo aber?

Brenda:
dati po silang magkasama sa mansyon, sa mansyon sila nagtatrabaho noon, kasamahan niya sa bahay noon si nanay, teka nga bakit ba sila ung pinag-uusapan natin, ikaw 'tong gusto kong makausap

Franz:
kausap mo na nga ako ano pa bang gusto mo? ano naman gusto mong malaman sa akin?

Brenda:
para kasing bigla nalang ang nangyari 'diba, namatay si myra, tapos para kang nawalang parang bula, lumitaw ka lang nung humingi ako sa'yo ng tulong kung pwedeng iwan sa'yo si Josh, ano ba nangyari?

Franz:
wala naman, wala na yun tapos na 'yun, ang mahalaga masaya naman akong kasama si Josh

Brenda:
alam mo nagpapasalamat ako sayo, kaybuti buti mo sa akin

Franz:
sooosssss

Brenda:
hindi nga, nakaka inlove ka Franz

Franz:
adik, umayos ka

Brenda:
bakit kasi hindi mo ako niligawan noon Franz? "

Franz:

Brenda:
ano natorpe ka na naman!?

Franz:
tumigil ka nga, sige na maglalaba pa ako

Brenda:
eh bakit ngayon hindi mo ako ligawan, patay na si Rich, patay na rin si Myra, libre na tayo

Franz:
hmmm, pag-iisipan ko muna

Brenda:
~~tangnangto~~ pakipot maarte

Franz:
anodaw?

Brenda:
wala galit ako

Franz:
eh kahit hindi naman kita ligawan alam ko namang sasagutin mo ako

Brenda:
yabang mo

Franz:
oh diba tama ako!?

Brenda:
oo na

Franz:
kaso nga, nandyan ka sa Qatar paano mo mararamdaman ang pagmamahal ko?

Brenda:
naks nakakakilig naman, i love you na talaga

Franz:
asus, tama na yan at maglalaba pa ako

Brenda:
o sige basta tayo na ha, wag ka nang manliligaw ng iba pa dyan ha, promise?

Franz:

Brenda:
Huy Franz, talaga toh

Franz:
Oo hindi na ako manliligaw pero hindi tayo

Brenda:
drama mo

Franz:
umuwi ka dito at pakakasalan kita

Brenda:
wow kakilig naman
teka langya kararating ko lang dito sa Qatar pauuwiin mo na agad ako!?

Franz:
Oo kasi matatapos na ang love bus book 2 kelangan ang ending nasa pinas ka raw sabi ni kiko

Brenda:
huh!?

basahin dito ang karugtong... click here to comment…

Pahiram ng Ngiti, Pahiram ng Saya

2011-09-24T17:18:00.002+03:00

sa aking pag-iisa at pangungulila
tila kalungkutan'y pang habambuhay na

sa bawat malungkot na balita
katumbas nito'y patak ng luha

nawa'y dinggin itong aking hiling
ngiti at saya, ako'y pahiramin

kahit sandali'y ako'y paligayahin
maibsan itong lungkot ng damdamin

atensyong iyong ibibigay
makakaalis ng aking lumbay

at sa sandaling tayo'y magkahiwalay
ang panahong iyong inialay
magiging ala-ala ko habambuhay

salamat sa pagbisita
kahit papaano'y nagkapanahon ka

hindi ka man magpakilala
ramdam ko ang iyong presensya.

click here to comment… for bloggers

Love Bus Book 2 Part 21

2011-09-22T11:44:00.000+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20

[Ikalawa sa Huling Limang Bahagi]

Josh: Ehhhh tito Franz saan na naman tayo pupunta?

Franz: Babalik tayo sa Baclaran, hahanapin natin si aling Maria.

Josh: Eh diba galing na tayo dun kanina? Wala namang mga tao doon ah, sa paligid, diba? Malinis na ang lugar sa paligid ng Baclaran diba?

Poldo: Totoo bang sinasabi mo iho?, tanong kay Josh.

Josh: Opo. Sabi pa nga kanina ni tito Franz, dati doon pa raw sila nanuod ng sine ni mama at ninang sa may sinehan doon sa may Baclaran. Diba tito diba, sinabi mo 'yun kanina?

Franz: Oo nga naalala ko, saan natin hahanapin si aling Maria, mang Poldo?

Poldo: Teka hanap pa tayo dito sa maleta ni nanay.

(lumipas ang ilang oras sa kanilang paghahanap, wala pa rin silang makita kahit isa)

Josh: Tito Franz, napupupu ako.

Franz: Sige po Mang Poldo, aalis na kami, kung may mahanap po kayo itabi nyo lang po, babalik ako bukas ng umaga pagkahatid ko kay Josh sa eskwelahan.

Poldo: Sige, maghahanap din ako sa mga damitan ni nanay, mag-iingat kayo.

(nakauwi na sila Franz at Josh, nakaraos na rin ang pupu ni Josh at pagkatapos maghapunan ay nagkasundo silang matulog na ng maaga dahil may pasok kinabukasan)

Josh: Good night Tito Franz, Mwaahhh.

Franz: Good night Josh.

(yumakap si Josh kay Franz hanggang sa makatulog ito, si Franz ay hindi pa rin makatulog, iniisip niya ang paraan para mahanap si aling Maria at mahanap din ang libro, malalim na ang gabi)

Anak, makinig ka sa akin, Ang sumpa ng tao ay hindi mabuti para sa tao, marami na ang namatay sa sumpa, marami na ang nabaliw sa sumpa, marami na ang nagbuwis ng buhay sa sumpa, sumpa na nagmula sa tao, ginawa nila ito para maihiwalay ang kanilang pananampalataya sa Akin, upang mas paniwalaan nila ang mga taong nangongontra ng sumpa kaysa sa kanilang pananampalataya sa Aking kapangyarihan. Inililihis nila ang atensyon ng nakararami upang mailayo sila sa Akin, kinukuha nila ang pag-iisip ninyo upang mas maniwala sa tao kaysa sa Akin.

Josh: Tito Franz, tito Franz gising...

Franz: Huh!

Josh: Nananaginip ka tito Franz.

Franz: Si-sige tulog ka na ulit, 3 a.m. pa lang.

(bumangon si Franz at nagpunta sa kitchen para kumuha ng tubig sa ref, malinaw na malinaw ang kanyang mga narinig, hindi maalis sa kanyang isip ang mga sinabi ng mahiwagang tinig)

Ano nga ba ang katotohanan ng mga sumpa? tanong niya sa sarili.

(si Franz ay hindi relihiyosong tao, ang mahalaga sa kanya ay mayroon siyang ugnayan sa Diyos sa panalangin at pagpupuri, palagi siyang nagbabasa ng Bibliya.)

Naisip niyang buklatin muli ang Bibliya at hanapin ang mga sumpang naganap dito.

Kagaya ng nakaugalian ni Franz bago niya buksan ang Bibliya ay nagdadasal muna siya upang gabayan ng Espiritu Santo ang kanyang mababasa upang lubos niyang maunawaan.

Sumpa, sumpa tsk tsk, hanap, hanap. Nagbalik siya sa Genesis at nabasa niya ito Genesis 3:14-17

14. At sinabi ng Panginoong Dios sa ahas, Sapagkat ginawa mo ito, ay sumpain ka ng higit sa lahat ng hayop, at ng higit sa bawat ganid sa parang; ang iyong tiyan ang ilalakad mo, at alabok ang iyong kakanin sa lahat ng mga araw ng iyong buhay:
15. At papagaalitin ko ikaw at ang babae, at ang iyong binhi at ang kaniyang binhi: ito ang dudurog ng iyong ulo, at ikaw ang dudurog ng kaniyang sakong.
16. Sinabi niya sa babae, Pararamihin kong lubha ang iyong kalumbayan at ang iyong paglilihi; manganganak kang may kahirapan; at sa iyong asawa ay pahihinuhod ang iyong kalooban, at siya'y papapanginoon sa iyo.
17. At kay Adam ay sinabi, Sapagkat iyong dininig ang tinig ng iyong asawa, at kumain ka ng bunga ng punong kahoy na aking iniutos sa iyo na sinabi. Huwag kang kakain niyaon; sumpain ang lupa dahil sa iyo; kakain ka sa kanya sa pamamagitan ng iyong pagpapagal sa lahat ng mga araw ng iyong buhay. - Tagalog-English Diglot King James Version

Napaisip si Franz, at sandaling nanahimik, maya maya pa'y nakaidlip na siya sa kanyang pagkaka-upo.

basahin dito ang karugtong... click here to comment…

Magbabalik akong Ganap para sa Pagbabagong Hanap - Tula ng OFW

2011-09-19T18:31:00.003+03:00

Hindi lang naman salapi ang dahilan kung bakit ako nangibang bayan.
Hindi lang naman kaalaman ang dahilan kung bakit ako ay lumisan.
Hindi pagtakas ang pasya kong ikaw'y iwanan.
Hindi biro ang aking mga pinagdaanan.

Alam kong hindi ito maisasali sa patimpalak dahil ako po ay volunteer ng PEBA 2011, ngunit minarapat kong isulat ito upang makahikayat sa aking mga kapwa OFW na sumali.

Masaya ako sa dati kong trabaho, marami na akong naging kaibigan. Masaya rin naman akong kapiling ang aking pamilya. Wala naman akong balak talagang mag-abroad.

[Me and Ferdinand Velasco]

Isang araw, kasama ko si Ferdie sa isang handaan, nabanggit niyang may pag-uusapan daw kaming mahalaga. Isasama niya raw ako sa pakikipagkita kay Roland, isang OFW sa bansang Qatar na nangangailangan ng Pre-Press Designer sa Printing Press doon. Sumama akong nakipagkita kay Roland, nagkumustahan, nagkwentuhan tungkol sa mga gagawin at mga bagay na mangyayari kung sakaling ako ay tumuloy sa Qatar.

[Roland Turla - Photo with permission]

Pag-uwi ng bahay, naikwento ko kay Leny, wala naman siyang pag-aalinlangan. Nagdadalawang-isip pa rin ako dahil kahit na ang mga taong inaasahan kong tatanggi ay lahat umaayon.

Nasa isang sulok ako ng silid at nagbabasa ng paborito kong John Grisham Novel, bigla akong napatulala. Gusto ko nga bang mag-abroad? Tanong ko sa sarili. May 2 pa akong tatanungin, si Nanay na nasa negros at ang Diyos. Kinabukasan, nag text ako kay nanay at sinabing nais kong mag-abroad, wala rin naman siyang tutol, isa na lang, kailangan ko ng matinding panalangin nito.

[Manual, Meg, LA Travel, Girlfriend Cover Titles]

Tandang tanda ko pa nang ako ang Technical/ Final Artist ng Girlfriend, Meg, Manual, Lifestyle Asia Travel, at Inside Showbiz, mga Magazine Titles ng Mega Publishing sa Ortigas, bigla akong nalungkot dahil ang Girlfriend at Manual ay magpapaalam na, nasabi ko na lang sa sarili ko, siguro ito na ang sagot sa panalangin ko, ito na siguro ang hudyat para ako ay mangibang bayan.

November 2008 nagpunta ako ng Negros para personal na magpaalam sa aking ina at dalawin ang puntod ng aking ama. Sa maiksing panahon kong paglagi sa aming probinsya, marami akong nais na pagbabago, maraming mga tanong sa aking isip na alam kong tanging ang mga makapangyarihan sa pwesto lamang ang makasasagot. Sino ba naman ako? Isang simpleng mamamayan.

Pagbalik ko ng Manila, naranasan ko ang iba't ibang klase ng pag-uugali ng mga tao sa paliparan, kailangan din nito ng pagbabago. Katapusan ng buwan ay natanggap ko na ang visa mula sa aking employer sa Qatar.

December 2008 nilisan ko ang Pilipinas na buo sa isip ko na mayroon akong magagawa para sa pagbabago ng aking bansa. Para sa susunod na henerasyon.

Sa bansang Qatar, tila nakalimutan ko ang nais kong pagbabago para sa aking bansa, nakita ko ang sarili ko. Mas kailangan palang baguhin ko muna ang aking sarili.

Sa pang-araw-araw na buhay ko dito sa Qatar, natuto akong maging mahinahon, natagpuan ko ang aking sarili na maging panatag sa ano mang pangyayari sa Pilipinas na kung tutuusin ay maaari kong ikabahala. Dito ko natagpuan ang sarili kong nag-iisip ng higit pa sa kabilang ibayo ng imahenasyon. Dito ko nakilala nang lubos ang aking sarili.

Natutunan kong maunawaan ang bawat hikbi, ang bawat pag-aalala ng mga kasamahan ko, natutunan kong unawain ang bawat sama ng loob ng ibang lahi, ang kanilang mga hinaing, kanilang mga kahilingan. Nagsilbi akong shock absorber ng kanilang mga agam-agam, habang ako ay dumaraan din sa pangungulila sa aking mga mahal sa buhay. Dito ko binigyang laya ang aking isip, binigyang puwang ang mga nakatabing imahenasyon sa bawat sulok ng aking isipan, at sa aking pagmumuni muni, nakaranas ako ng isang matinding hamon, hamon para sa kabataan, hamon para sa ikatataas ng antas ng kanilang kaalaman sa panitikan, alam kong hindi ako bihasa sa ganitong larangan ngunit kailangan kong harapin ang sarili kong hamon, ang mabigyan ng panibagong sigla ang mga kabataan, kabataang paniwala ni Rizal na magiging pag-asa ng bayan.

Ginawa ko ang mga kathang isip ni kiko sa simula nang may pagbabalik tanaw sa mga pag-ibig na hindi naging tama, mga pagmamahalang pinagmulan ng maraming luha hanggang sa makuha ko ang atensyon ng mga kabataang sa murang edad ay nahumaling sa mga maling pag-ibig, unti-unti kong binuhay ang kanilang pagmamahal sa kanilang ina, ama at kapatid, pati sa kanilang guro. Gumawa ako ng Nobela na nagbibigay halaga sa tunay na kaibigan. Isang hamon sa sarili sapagkat Ikaw ang dahilan.

Ang "Ikaw Ang Dahilan" ay nailathala sa

Pinoy Abroad Kwentong Kapuso

IKAW ANG DAHILAN - TULA NG OFW

Ikaw ang dahilan ng aking pakikipagsapalaran
hindi ko nais na ikaw ay iwanan
kahit na ako'y nangibang-bayan
ang puso ko’y sa iyo nakalaan

Isang kahangalan ang sabi ng ilan
walang utang na loob kanilang ibinibintang
ngunit kung ako'y iyong pakikinggan
damdamin ko'y lubos na mauunawaan

Pamilya ko'y aking nilisan
hindi upang sila'y talikuran
bagkus maging kanilang sandigan
sa pagharap sa iyong may pagkukulang

Ikaw ang dahilan kung bakit lumisan
dahil sa pagbabalik ko'y ikaw'y nais paglingkuran
maging bahagi sa iyong tahanan
dahil ito ang aking inaasam

Hindi mo ako kailangang sumbatan
'pagkat desisyon ko itong aking paglisan
masakit man sa aking kalooban
ikaw kasi ang aking dahilan

Ngayong ako'y naririto
bigyan mo naman ako ng respeto
dolyares na pinapadala ko
hindi naman pinupulot dito

Nais kong malaman mo
na dito sa aking puso
ikaw pa rin ang babalikan ko
sa tamang panahon ito'y aking pangako

Sa aking pagbabalik, ito ang aking inaasahan
muling pagtanggap sa aking mayamang isipan
na hinubog ng pangingibang bayan
laan para sa iyo 'pagkat ikaw ang dahilan

Ikaw, ikaw na aking inang bayan

Nakakalungkot isipin
napakahirap tanggapin
na maging dayuhan sa ibang lupain
ngunit ito ay aking kakayanin
dahil ikaw ang dahilan ng aking saloobin.

Sa pagbubukas ng tabing ng PEBA 2011 na may temang
"Ako'y Magbabalik, Hatid ko'y Pagbabago,
I will Return, I will bring change"

Inaanyayahan po ang lahat ng Pinoy Bloggers
sa buong mundo na makilahok… basahin po dito ang paanyaya…

Related Post:
• Nang Tayo ay muling…
• sa aking pagbabalik, dala ko ay karunungan | iSupport PEBA 2011

Love Bus Book 2 Part 20

2011-09-15T20:33:00.001+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 |

[Una sa Huling Limang Bahagi]

Franz: Hindi na po namin nahanap noon dahil pagpunta namin sa North Cemetery kung saan nakalagay ang abo ni Miguel, wala na doon ang libro, naniwala kaming sa pagkawala ng libro, kasabay nitong nawala ang sumpa.

Poldo: Anak, totoo ang sumpa, dapat ay hanapin ang libro dahil kawawa siya (tumingin kay Josh)

Franz: Hindi ko pa rin ho maintindihan kung ano nga ang sumpa, at saka matagal na po iyon, limang taon na ang nakakaraan nang makuha namin ang susi mula sa iyong ina.

Poldo: Sumama ka sa akin at maghanap tayo ng mga bagay na makakatulong sa paghanap sa libro.

Josh: Tito Franz, saan po tayo pupunta?

Franz: Josh, kakain muna tayo ha, tapos pupunta tayo sa bahay ni Mang Poldo.

Josh: Ok.

[sa kotse]
Franz: Kumusta na po si Herminia?

Poldo: Dalawang taon na siyang patay, ngunit ibinilin niyang huwag itapon o sunugin ang mga nakalagay sa kanyang maleta, doon tayo maaaring makakita ng mga bagay para mahanap natin ang libro.

Franz: Sa-sana po Mang Poldo.

[sa kabihasnan]
Poldo: Tuloy kayo.

Josh: Mang Poldo dito po kayo nakatira? (lilinga linga, pabulong, ang liit naman)

Poldo: Oo anak, upo kayo, kukunin ko lang ang maleta ni inay.

Pagbalik ni Mang Poldo ay dala na niya ang maleta. Bumungad kila Franz at Josh ang lumang maleta nang sinauna. Dahan dahang binuksan ito ni Mang Poldo at hinagilat ang mga bagay gaya ng libro o mga sulat. Hanggang sa makita niya ang isang lumang sobre, na may nakasulat sa labas na…

Herminia
Isang Pagkakamali ang aking Nagawa
Saan ko kaya makikita ang mga kasamang pahina
Tulungan nawa ako ni Bathala
Upang mawakasan na itong Sumpa
Maria

Poldo: Ito, Franz, ito tignan mo, sumpa daw.

Franz: Iniabot ang sobre at binuksan, mayroong isang lumang papel sa loob, binuklat sa pagkakatupi at binasa…

Franz: Ano ito!? (Pagkagulat ni Franz) teka Mang Poldo ito ang nakalagay sa susi ah! Ito ang pahina tatlumput tatlo! (malakas ang boses)

Poldo: Eh di 'yan na siguro ang pangontra sa sumpa!? Basahin mo.

Franz:
Pajinang ito capag iuong pinilas,
sumpa ng nacaraan ay mababalictad
cia na manganganak an ciang magjijirap
camataian naman sa asaoa
ng librong may tangan

anapin an libro at sunugin sa apoy
upang sumpa ng kajapon ay indi magtuloi
malalabanan an sumpa
capag sinunog itong pajinang casama.

Poldo: Naku, mukhang mali yatang nasa atin ang pahinang 'yan.

Franz: Maaaring napilas ito mula sa libro nang hindi binabasa.

Poldo: Ano sa palagay mo ang dapat nating gawin?

Franz: Nasaan ang libro? Paano natin ito masusunog?
Paano natin mawawakasan ang sumpa?

Poldo: (siniyasat maigi ang sobre) tignan mo ito, pangalan ng kasambahay ni Nanay Miniang, maaaring siya ang nagpilas ng pahinang ito at ibinigay kay inay.

Franz: Alam po ba ninyo kung saan natin siya makikita?

Poldo: Tara punta tayo sa may Baclaran, baka may nakakakilala sa kanya doon.

basahin dito ang karugtong... click here to comment…

Tula para kay Shamcey Supsup

2011-09-14T21:31:00.004+03:00

[image from GMANews.tv]

Sino nga ba itong si Shamcey
Tanong ng nakararami
Parang iba'y hindi keri
Ang sagot niya sa MissUni(verse)

Ang nanalo nga'y taga Angola
Hinusgahan ng iba'y ~~Magandang Negra~~
At saka ito pang isa, ito raw si Miss Colombia
Hindi raw nagsusuot ng sapin sa puerta.

Balik tayo kay Shamcey
Na loves na loves ng marami
At pati si Ophra Winfrey
Ay nagbigay ng kanyang Compli(ments).('di naman daw true)

Kung ako ang tatanungin
Iyon din ang sasagutin
Dahil sa tamang damdamin
Ang Diyos ang dapat unahin.

Marami ang tumaas ang kilay
Nakalimutang bigla ang takbo ng buhay
Sumakay sa issue't binigyan ng kulay
Pati larawan ni Aleng Dionisia'y idinamay.

[image from Facebook]

iba pang tula sa pakikihalubilo ko sa kanilang mga kumento [click here]
"The Shamcey question: Love or religion? - GMA News Online"
Facebook Mobile

Pinagtalunan ang Relihiyon!

Makatang Kiko…
Bakit nga ba ang dami nila?
Sa Relihiyon ay nagpapakadalubhasa
Samantalang simple lang naman ang ideya
Ang magmahal ka ng iyong kapwa
Unahin lamang ang Amang Lumikha.

Sino ang dapat pakinggan?
Anong Relihiyon ang dapat paniwalaan?
Hindi ba dapat nating pag-isipan
Ala-ala ng nakaraan.

Mga ala-alang dapat tandaan
Sapagkat ito ang iyong tunay na katauhan
Kung ang katauhan mo'y mawala ng tuluyan
Respeto sa sarili'y mawawala rin ng lubusan.

Makatang Kiko…
Maghunos dili kayo mga kaibigan
Relihiyon ay hindi dapat pagtalunan
Pag-ibig sana sa atin ay mamagitan
'Pagkat iyan ang Kanyang Kalooban.

Huwag po nating kalimutan sana
Ang ugaling pagpapakumbaba
Ito ang magbubukas ng iyong diwa
Magiging tanglaw ng iyong kaluluwa.

At kung sakaling iba ng iyong paniniwala
Ang tula kong ito'y taliwas sa iyong akala
Hindi kita pipiliting maniwala
Igagalang ko ang iyong panukala.

Ito lamang ang ating tandaan
Huwag sana nating kalilimutan
Pag-ibig na itinuro ng ating sinapiang samahan
Maging tanglaw sa ating mga pananambitan.

Makatang Kiko…
Nakakatawang magbasa
ng mga kumento nila
Batuhan ng bersikulo
Akala mo dalubhasa.

Ako ay inyong pakinggan
Ang lahat ng inyong pinagbabasihan
Ay puro translation lamang
Lawakan ang inyong isipan
Paganahin ang napag-aralan
Maging Luma o Bagong Tipan
O ang iginagalang na Kuran
Hindi tayo ang dapat magbangayan
Sa mga pagkakamali ng kanilang kasulatan.

Nawa'y suma-inyo ang kapayapaan
at kapanatagan ng kalooban
Pagpapakumbaba sa isa't isa'y kailangan
Upang ang minimithing katahimikan
Ay makamtan ng sanglibutan.

Note: Ang tulang nabasa ninyo sa itaas ay on-the-spot kong ginawa habang nagco-comment sa kanila. Sept. 14, 2011 - 10:00 a.m. Qatar Time [click here]

Sa mga nag like salamat ng marami
Isusumbong ko kayo kay Manny
Pinagtatawanan ninyo kanyang Mommy
Close pa naman kami. Lolz

Tula ng Ano

2011-09-12T18:07:00.002+03:00

Isang araw may hinahanap ako
at sa pag hahalungkat ko
Nakita ko ito, hanapin daw kay kiko
ang tula ng ano

Bigla akong napangiti
kahit minsan sa isip ay hindi sumagi
Tulang hindi kayang itanggi
sa isang naghahanap na binibini

Kaya't simulan mo nang basahin
ang inihanda kong sasabihin
Kahit hindi mo hilingin
para sa iyo'y aking gagawin

Mahirap intindihin ang saloobin
kapag ang sagot ay patanong din
Gaya ng taong ulo'y mainitin
marahan mong tanong...
Anoooooo???? ang sasagutin

Tinanong mo na nga
ibabalik din sa iyo ang salita
Hindi ba parang nakakairita
intindihan nalang siguro dahil bata

Bata nga ba o nag-iisip bata
sa mga kwentong ano ang simula

Ano eh, ano kasi 'yun
Si ano, 'ung ano namin
Ito kasi si ano nakaka ano
Anuhin ba naman ung ano

Nagsimula sa ano
natapos din sa ano
Kwentong nakakaloko
parang itong tula ko

Ayan siguro masaya ka na
dahil ginawan na kita ng tula
Tulang ginawa habang nakahiga
bye bye na at ako'y mag-aalmusal pa ng...

Ano, ummm ano nga ba tawag dun...
Ah basta ano 'un almusal 'yun...

Tapos nood tayo ng Ano…

'Ung ano…

ito oh…

[image courtesy of Movies Online.ca]

[image courtesy of IMDb.com]

click here to comment… for bloggers

Love Bus Book 2 Part 19

2011-09-08T08:31:00.001+03:00

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 |

Josh: Tito, tito Franz, dali ang ganda ng palabas sa MTV!

Franz: Ano daw?

Josh: I Will Be Here ni Gary V.

Umupo si Franz…

Pinanood ang MTV…

Nagbalik sa ala-ala niya ang panahong nanganak si Brenda kay Josh…

Sa ospital… [eksena sa ospital]

Ang mga katagang I Will Be Here na nanggaling kay Myra, tila
nagpapaalalang nandito pa rin ako Franz, puntahan mo ako at
malalaman mo ang kasagutan sa mga katanungan mo.

Natapos ang MTV, tulala pa rin si Franz,

Josh: Tito, are you okay?

Franz: I'm - i'm okay Josh, tara punta tayo sa Ninang Myra mo…

[sa kotse]
Josh: Tito, diba Sunday ngayon simba kaya muna tayo?

Franz: Sige, simba muna tayo sa Baclaran Church tapos puntahan
natin si Ninang mo sa Manila Memorial Park Parañaque

(Pagkatapos magsimba ay nagpunta na sila sa Memorial Park)

Josh: Tito Franz, nandun na naman si Mang Poldo oh!

Franz: Oo nga noh, tara…

Franz: Magandang araw po!

Poldo: Magandang araw naman.

Josh: Mang Poldo, napadaan po ulit kayo?

Franz: Ah, Mang Poldo sabi po ninyo noon, pamilyar ang pangalan ng
asawa ko.

Poldo: Ah, asawa mo ba siya?

Franz: Opo, pamilyar din kasi ang Poldo na pangalan sa akin, may
kilala po ba kayong Herminia?

Poldo: Oo, si Miniang Susi ba kamo?

Franz: Opo, siya nga po na taga kabihasnan.

Poldo: Nanay ko siya.

Franz: Ako si Francisco Molina ang apo ni Enrico, at si Myra ang apo ni
Cecilia, si Herminia po ang nagbigay sa amin ng susi.
[eksenang binigay ang susi]

Poldo: Ngunit kinalimutan ninyong hanapin ang libro hindi ba?
Dahil ayaw ninyong maniwala sa sumpa, kaya namatay si Myra.

Josh: Mang Poldo, ano po ang sumpa?

Franz: Josh, 'wag matanong, mamaya mag-uusap tayo.

Josh: Opo Tito Franz.

basahin dito ang karugtong... click here to comment…

Dear teacher, sana po...

2011-09-05T06:49:00.001+03:00

Isang makabagbag damdaming liham/ sulat ng isang mag-aaral
sa kanyang guro - Kathang Isip lamang.

Dear Teacher,

Sana po palagi kayong nakangiti sa klase, kasi po ginaganahan akong mag-aral kapag nakikita kitang masaya, minsan po nakita kitang nagpapahid ng luha sa may likuran, hindi lang po ako nagpahalata, tinanong ko po si nanay pag-uwi ko ng bahay, sabi niya baka lang daw may problema ka kaya ka umiiyak, alam mo ba teacher, si tatay po teacher din siya sa abroad, sabi ni nanay, OFW daw si tatay, nagtuturo sa mga bata doon, siguro po kagaya ka rin ni tatay na na-mi-miss kami ni nanay kaya ka umiiyak? Alam nyo po teacher, ipinag pray ka po namin ni nanay, sinabi ko po na lagi kang maging malakas para po hindi ka umabsent at matapos po naming magkakaklase ang aming taon ng pag-aaral, pinag pray ko rin po na sana madagdagan po ang sweldo ninyo at tumaas ang pasahod sa iba pang mga guro para rin po si tatay ay magbalik na dito at hindi na mangibang bansa. Alam nyo rin po teacher, nag-aaral po ako ng mabuti kahit na nahihirapan ako sa mathematics kasi magaling po kayong magturo, teacher, sana po kung may problema kayong personal, pwede nyo pong sabihin sa akin, kahit na bata po ako makikinig po ako, para lang po may mapaghingahan kayo ng sama ng loob, teacher, sana po magbabaon kayo ng biskwit kahit na konte kasi po mula umaga hanggang tanghali napapansin ko po maasim na ang mukha ninyo siguro nagugutom na kayo, teacher mahal ka po namin, sana po mahalin nyo rin po ang inyong sarili. Nagpabili po ako kay nanay ng roses para po sa inyo. Kasi Buwan daw po ngayon ng mga teacher, pasensya na po ma'am kasi tatlo lang ang nabili ni nanay sabi ko kasi madami ang bilhin. Happy Teacher's day po!

Nagmamahal,
si ako po

[image from qflora.com]

Ikaw at Ang Iyong Alagang Aso

2011-09-03T19:07:00.002+03:00

[image from AllPosters.com]

Ang mga tula ko'y kailangan mong basahin nang minsan
At paganahin ang iyong mapaglarong isipan
Dahil ikaw ay siguradong mahihiwagaan
Sa kakaibang nakatago nitong laman…

Ako ay nahihiwagaan talaga,
Sa taglay ng aso mong alaga;
Sa lalim ng aking pag-iisip,
Namulat ako sa pagkakapikit.

Kahit anong lahing pinagmulan,
Bakit ikaw ay naiintindihan?
Umupo, tumayo o humiga man,
Sinusunod ka niyang daglian.

Nakukuha mo ba ang ibig kong sabihin?
O kailangan mong intindihin;
Ang hiwagang bumabalot sa iyong sasabihin,
I-utos mo sa kanya at ikaw ay susundin.

Hayup man kung siya ay ituring,
Handa kang ipagtanggol at mahalin;
Pag-ibig na sa kanya inilaan,
Sa sakuna, hindi ka pababayaan.

Ikaw at Ang Iyong Alagang Aso. Bow!

Sa Iyong Pag-iisa

2011-08-28T19:27:00.002+03:00

Sa iyong pag-iisa…
aninag sa iyong mga mata,
kalungkutang bumabalot sa salita
kitang kita sa butil ng luha.

Sa panahong ika'y nag-iisa
pawiin ang lungkot sa iyong pagbasa,
ng aking mga nakatagong tula
na sa iyo'y lubos na magpapasaya.

Maiibsan ang pagpatak ng luha
ngiti'y maaaninag sa iyong mukha,
tulad ng sikat ng araw sa umaga
ganda nito'y walang kagaya.

Hindi man tayo tuluyang magkita
malayo ka't nasa ibang bansa,
damhin mo ang aking pagkalinga
pag-aalalang tulad ng isang ina.

Sa iyong pag-iisa, tulang ito'y ginawa
upang sa sandaling iyong mabasa,
ngiti sa iyong labi'y magkaroon ng bunga
na mananatili hanggang sa iyong pagtanda.

Matapos man itong aking tula
huwag kang malulungkot sana,
dahil kapiling mo ako sa tuwi-tuwina
laman ng isip mo itong aking katha.

Na minsan na mayroon kang nakilala
na nag-alay sa iyo ng isang munting tula

simpleng tula sa iyong pag-iisa.

CLICK THE IMAGE TO DOWNLOAD

Tula sa Linggo ng Wika

2011-08-27T15:00:00.000+03:00

pag-ibig ko'y iyong damhin,

sa mga susunod kong sasabihin;

ikaw'y patuloy na mamahalin,

sa tu-tuwina'y gagamitin.

mula pagkabata'y naging kapiling,

hanggang sa ako'y magkaroon ng supling;

ikaw pa rin ang aking hinain,

sa aking munting bituin.

ako man'y mangibang bayan,

hindi pa rin kita iniwanan;

taludtod mo'y hindi binitawan,

aking gamit dito sa balagtasan.

dalangin ko sa Poong Maykapal,

munting hiling sa kabataan;

pag-ibig sa iyo'y 'wag kalimutan,

sa ibang lahi'y maging huwaran.

ilang ulit ka mang paglaruan ng iba,

babuyin ang iyong halaga,

sa akin'y mananatili kang dakila…

ikaw na mahal kong wika.

click here to comment… for bloggers

Love Bus Book 2 Part 18

2011-08-25T19:51:00.000+03:00

| Book1 | Book2 Teaser | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 |

Ang Al Wakra ay isa sa pinakamalaking bayan dito sa Qatar na may layong 17km mula sa Doha. Ang pangalang Al Wakra ay mula sa wikang arabic (wakr). Ito ay ibinigay sa bundok kung saan dito'y pinamumugaran ng maraming ibon. Kilala ang Al Wakra bilang isa sa mga nangangalakal ng isda at perlas noong mga nakalipas na dekada at magpahanggang ngayon ay mayroon paring mga lumang kastilyo (castle) at mga gusali. Sa kasalukuyan, ang Al Wakra ang isa sa pinakamagandang bayan dito sa Qatar na may mahabang daan sa pagitan ng Doha at Mesaieed na may magagandang mosque at mga bahay na gawa mula sa lumang islamic na arkitekto. Mayroon din ditong museum na may Traditional Arab Gates at mga kagamitang nuong unang panahon pa, pagpapaliwanag ni Jerome.

Ahem, gutom na talaga ako, sabat ni Minnie.

Jerooomee bilisan mong magmanehooo.

Ok po.

Herminia: Señora Cecilia, naqatulog na po ci Miguel at medio bumaba na an lagnat.

Cecilia: Iqao naman Miniang, Cecilia na lang itauag mo sa aquin. (habang pinupunasan ang luha)

Herminia: Ano po ba an problema?

Cecilia: Masaquit Miniang, (tumuloy na ang luha) pi-pinagsamantalahan nia aqo Miniang, pinagsamantalahan aqo ni Ricardo!

Herminia: Ngunit Cecilia asaoa qa nia.

Cecilia: Oo asaoa nia aqo ngunit ualang pagmamajal, noong nalaman niang indi nia anaq si Miguel lalo siang naguing mapusoq, indi nia aqo trinatong asaoa Miniang, isinumpa niang indi mabubuhai an angqan ni Enrico, qamataian an qabaiaran sa aqing pagtataqsil.

Herminia: Ngunit indi qa nagtaqsil Cecilia, buntis qa na noon bago pa qaio quinasal.

Cecilia: Indi nia alam na ci Enrico an ama, nalaman nia lang ito noong ipanganaq ko si Miguel dahil pitong buan lang qaming qasal nanganaq na aqo, mula noon naguing mapusoq na cia, paquiramdam qo pinagsasamantalahan nia aqo upang magqaroon ng anaq sa qania, Herminia, ipangaqo mo sa aquin, qapag nabuntis aqo, alagaan mo cilang dalaua ha!?

Herminia: Baquit, saan ca pupunta Cecilia?

Cecilia: Pagkatapos qong manganaq sa anaq ni Ricardo ai aalis aqo at pupuntahan an baian ni Enrico, doon qo gustong mamatai.

basahin dito ang karugtong... click here to comment…

Anak, nasaan ka na?

2011-08-09T13:03:00.006+03:00

Ang "Anak, nasaan ka na?" ay nailathala sa

Pinoy Abroad Kwentong Kapuso

Anak saan ang landas na iyong patutunguhan?
Ano ang iyong plano sa kinabukasan?
Mayroon ka bang nais subukan?
na sa mura mong edad ay gustong matikman?

Nais kong malaman mo na hindi madali, bilang OFW,
na mawalay sa piling mo.

Gustuhin ko mang palaging nandyan sa tabi mo,
upang damayan ka sa problema mo.

Ngunit mas mabigat ang responsibilidad ko,
na bigyang kinabukasan kayong pamilya ko.

Kung alam mo lang ang mga nilalaman,
nitong aking puso at isipan.

Mga hinaing at hirap ng kalooban,
baka hindi mo ito makayanan.

Ngunit patuloy akong nagdarasal,
patuloy na humihiling sa Maykapal.

Na kahit sa isang saglit lang,
maalala mong sa iyo'y may nagmamahal.

Na handang ibaba ang aking dangal,
makapagtapos ka lang sa iyong pag-aaral.

Sa iyong murang isipan,
maaaring ako'y iyong hinuhusgahan.

At dala na rin marahil,
ng barkada mong sinasamahan.

Muling tignan ang iyong dinaraanan,
landas ba 'yan sa gusto mong puntahan?

Sana'y bigyang laya ang iyong isipan,
barkada ay panandalian lamang.

Ngunit ang kaalaman at kalinangan,
ay habambuhay kang sasamahan.

Ang iyong mga natutunan'y,
hindi mananakaw ng sinoman.

Nasaan ka na anak?
Ano ang iyong binabalak?

Kung ano man ang plano mong puntahan,
kung saan man magtungo ang iyong kapalaran.

Narito kaming iyong mga magulang
palaging nakahandang
Ikaw'y unawain at pakinggan.

Mahal na mahal kita anak.

Just Let Me Say How Much I Love You click the title to view the lyrics

click here to comment… for bloggers

Halu-halong Luha : Love Bus Book 1 deleted chapter

2011-08-07T13:04:00.002+03:00

Rich: Oh! Brenda anong sasabihin mong importante?

Brenda: Rich, ahhh (sabay tingin sa gawing kanan, kung saan nakita niyang muli ang Loyola Memorial Chapel sa kabilang dako. Sila ay muling nagbalik sa Chowking Guadalupe upang pag-usapan ang napaka-importanteng bagay)

Rich: Sweetie?

Brenda: Ah eh, ilang araw ko na kasing napapansin na, uhm siguro busy ka lang.

Rich: !?

(Here's your order sir Halo-halo with 2 scoop ice cream)

Rich: Thank you.

Brenda: Tara kain na tayo (biglang ngumiti - pilit, kinuha ang kutsarita at hinalo ang nasa harapang pagkain) Alam mo sweetie naalala ko 'ung ganito last month (todo na ang ngiti, hindi na napipilitan) Alam mo bang kilig na kilig ako nun?

Rich: (Hindi pa rin nangiti, [balisa dahil sa importante "daw" na pag-uusapan])

Brenda: Uhm subo ka sweetie... (akmang isinusubo ang kutsaritang may halo-halo kay Rich)

(gustong i-reminisce ni Brenda ang mga sandali noong sila'y nagpahayag ng pag-ibig dito sa lugar na ito, basahin dito, gusto niyang mabago pa sana ang kanyang desisyon, ayaw niyang saktan ang kalooban ni Rich, mayroon pa rin namang natitirang pagmamahal sa kanya)

message tone
(tumunog ang cellphone ni Rich)

Brenda: Bago na pala ang message tone mo.

Rich: Oo, ringtone 'yan ng 24.

Brenda: Ah si Jack Bauer. Kumusta ka na Rich, kung hindi pa ako nagpumilit na magkita tayo hindi ka talaga makikipagkita sa akin, galit ka ba sa akin?
(panay ang salita ni Brenda ngunit si Rich ay busy sa pagbabasa ng text message niya) Sweetie? (may paglalambing)

Rich: Ha, ah eh, alam mo namang nag aayos ako ng papers natin diba? Tinatawagan naman kita ah,?

Brenda: (natahimik sa salitang "naman" na narinig niya kay Rich, maya-maya pa'y unti-unti nang pumatak ang luha) na-naman? (nasambit ni Brenda na patuloy ang pagpatak ng luha) Hindi mo ba alam kung gaano kita ka-miss, na halos noon ay minu-minuto mo akong tinatawagan, halos araw-araw mo akong sinusundo sa opisina? (hagulgol na)

Rich: (marahang salita) Sweetie, 'wag naman dito, pinagtitinginan na tayo ng mga tao dito. Tahan ka na, tignan mo oh, tulo ng tulo ang luha mo dyan sa halo-halong kinakain mo, anong lasa na nyan?

Brenda: Corny mo. Saan mo gusto tayong mag-usap, eh ikaw 'tong dito nag-ayang magkita.

Rich: Punta na lang tayo sa bahay.

(Pinahiran ni Brenda ang luha habang pababa sila ng hagdan mula sa ikalawang palapag ng Chowking Guadalupe, Paano ko sasabihin sa kanya na gusto ko nang wakasan ang aming relasyon?, ngayong patuloy pa rin siyang umaasang may bukas pa para sa amin, paano ko sasabihing may pagkukulang siya, paano ko sasabihing nasasaktan ako sa tuwing hindi niya ako naaalala kahit isang minuto man lang sa buong araw?, makasarili ba ako? Puro sarili ko lang ba ang iniisip ko? Mahal ko pa rin ba siya?) Ito ang mga tanong ni Brenda sa sarili.

I wanted to say goodbye. I know this is hard for me…

[Dahilan kung bakit hindi napasama sa Libro: Minabuti ko pong tanggalin ang eksenang ito sapagkat masyadong mababaw ang dahilan upang makipaghiwalay si Brenda kay Rich, ang hindi pag-uusap o pagkikita ng ilang araw ng magkasintahan ay hindi basehan para magkaroon ng paghihiwalayan, ang pagmamahalan ay nababase sa tiwala at pananalig sa bawat isa.]

May kasabihan nga (nabasa ko lang sa isa sa mga kaibigan ko sa Facebook)

Once you've already let go of someone, have the courage that you will never see that person again. Coz GOODBYES are not created for nothing... it really ends something...

At dahil diyan, hindi naisama itong parteng ito sa unang aklat dahil may…
Love Bus Book 2 - Basahin mo dito

click here to comment… for bloggers

Silip sa Diwata | maikling kwento sa anyong tula

2011-08-05T14:37:00.003+03:00

Ang tulang inyong mababasa ay pawang kathang isip lamang, sadyang ginawa para paganahin ang inyong imahinasyon sa pamamagitan ng pagbabasa.

hindi ako mapakali
sa dalagang nakita ko kagabi,
sulyap na singbilis ng tutubi
ala-ala ng bawat sandali.

buntong hininga ang sa akin'y lumabas
mukha ko'y naging maaliwalas,
kakaiba itong aking dinanas
tibok ng puso ko'y pagkalakas lakas.

hinabol ko siya ng tingin
siya namang lingon sa akin,
mata namin'y nagkita sa dilim
titig n'ya sa akin'y pagkalambing lambing.

mga paa ko'y aking hinakbang
papalapit sa kanyang kinaroroonan,
ngunit ano itong aking nararamdaman
tila ako'y kinikilabutan.

sa aking marahang paglapit
sapul ako sa ngiti nyang malagkit,
bakit unti-unti niyang hinubad ang damit
tanong sa sarili habang papalapit.

patakbo siyang umalis
tila nais na ako'y tumugis,
hinabol ko siya nang mabilis
hanggang makalag ang aking bigkis.

sa muog siya ay pumasok
ako naman'y napasubasob,
humanap ako't nagkubli
isiniksik ang aking sarili.

sa 'di kalayuan aking nakita
itong dalaga'y may kung anong ibinuka,
dagling liwanag ang sumukob sa kanya
ako'y lubhang natulala.

siya pala'y isang diwata
na nagkukubli sa katawang lupa,
kutis niya'y makinang na lana
mukha niya'y maamong talaga.

ako ay kagyat na lumisan
pagnanasa ko'y dagling naparam,
itong dalaga na aking sinundan
isa palang diwata at ako'y sinubukan lamang.

Christopher Lao: Huwag maging dayuhan sa iyong sarili

2011-08-04T09:55:00.006+03:00

Naglipana sa twitter
at facebook ang pangalang Christopher Lao...
Ang aking sasabihin ay sa tula ko padadaanin.

Huwag maging dayuhan sa iyong sarili

Hindi mo ba napupuna
na ikaw'y nalilinlang,
Sa maling panukala
na iyong napapakinggan?

Bawat linya'y suriin
at diwa'y palawigin,
Ang bugso ng damdamin
kaya palang pigilin.

Ilang ulit mo nang tinatanong sa sarili
ikaw nga ba itong sa salamin'y nagmumuni,
Dayuhan nga ba ako sa aking sarili
sa mga nais kong iminumungkahi?

Katahimikan'y bigyang daan
bigyang laya ang isipan,
At iyong masusumpungan
ang minimithing kapayapaan.

Kapayapaan sa iilan
hinahangad ng buong bayan,
Ngunit kung sa sarili ay dayuhan
Ito ang aking katanungan at dapat mong pag-isipan.

Sino ako, para sa iyo'y mangaral,
sa nababasa mong may halong dasal?
Sa kanilang nagpapakabanal
lumalabas ang tunay nilang asal.

Maaaring ikaw ngayon'y balisa,
sa kabi-kabilang balita
Lakasan ang iyong pananampalataya
sa Diyos Amang sa atin'y lumikha.

Luha: Ligaya ng Umaga sa Haplos ni Amaya

2011-08-03T09:48:00.006+03:00

Ako'y isang tumandok, ng ibayong lipi
Ngayon sa iyong lahi'y, nais makisapi;
Upang ang nais ko, nama'y isangguni
Iniibig kita, at ikaw'y pinupuri.

Sa ating pagkikita, nag-umapaw ang saya
Marubdob kong dalangin'y, tinugon ni Bathala;
Sa sandaling panahon'y, napaibig kita
Inayang pakasal, at hinarap sa dambana.

Sa kasawiang palad, sa ibayong dagat napadpad
Haplos mo sa umaga, ang palagi kong hanap;
T'wing umaga'y inaasam, na ikaw'y muling mahagkan
Damhin ang iyong labi, na katakam-takam.

Kailan kaya, muling liligaya?
Kailan tayo, muling magkikita?;
Kailan ko, muling madarama?
Ang init ng haplos, ligaya sa umaga.

Amaya? Amaya?

Kung alam mo lang, na tuwing umaga'y lumuluha
Hinahanap hanap, ang iyong pagkalinga
Ang mainit na palad, na iyong ipinadarama;
Ang haplos mo Amaya, ligaya ko sa umaga.

PLEASE LIKE AMAYA FACEBOOK PAGE HERE

click here to comment… for bloggers

Ramadan | Iftar | Laylat al-Qadr | Eid ul-Fitr

2011-08-02T11:27:00.007+03:00

[image from Wikipedia.org]

Ramadam Kareem!
Pagbati sa aking mga kaibigang Muslim.

Dagdag Kaalaman

• Ano ang Ramadan?
• Ano ang Iftar?
• Ano ang Laylat al-Qadr?
• Ano ang Eid ul-Fitr?

Ano ang Ramadan?

Ang Ramadan ay ang ika-siyam na buwan ng Islamic Calendar na nagtatagal ng 29-30 araw. Ito ay buwan ng pag-aayuno (fasting) ng mga Muslim. Nagsisimula ito sa paglabas ng Hilal (the crescent) at sa taong ito, 2011 ay nagsimula ang Ramadan ngayong August 1.

[image from www.moon-phases.net]

Ayon sa Twitter.
@IslamicThinking: Do dua for 4 weeks of barkat, 30 days forgiveness, 720 hours of guidance, 43200 minutes of purification and 2592000 seconds of noor.

Dua - supplication (pananalangin)
Noor - light (liwanag)

Ginagawa ng mga Muslim ang Fasting simula sa pagsikat ng araw (sunrise) hanggang sa paglubog (sunset). Ang kahalagahan nito ay upang maging ganap at magkaroon ng pagpapahalaga sa mga bagay na nilikha ni Allah.

No bad words, no food, no water, no sexual thoughts (or action), and no rudeness.

Sa panahong ito ay dapat na sariwain ang pagkakaroon ng mga bagay kagaya ng pagkain na wala ang iba.

Ramadan Timings in Qatar (click the image to enlarge)

Ano ang Iftar?

Ito ang panahon (sunset) na magtitipun-tipon ang mga Muslim para sa fast-breaking.

Ang pagkain ng Dates (National fruit of Qatar) ay isa sa mga simbulo ng Iftar, na ayon sa Qur'an ay siyang kinain ni Prophet Muhammad.

Dito sa Qatar ang kanyon (cannon) ay magpapaputok sa dagat na magiging hudyat ng Iftar.

[image from www.flickr.com]

Ano naman ang Laylat al-Qadr?

Ito ang gabing pinakamahalaga sa mga Muslim sapagkat ito ang gabi na inihayag ang Qur'an kay Prophet Muhammad. Karaniwan, ito ay nagaganap sa huling sampung araw ng buwan.

[image from www.flickr.com]

Ano ang Eid ul-Fitr?

Ito ang panahon na natatapos na ang Ramadan at simula ng panibagong buwan. Isang malaking selebrasyon ang ginagawa sa ganitong panahon. Dito sa Gitnang silangan ay idinidiklara itong Holiday. Sa panahong ito ay ibinabahagi ang mga pagkain sa mga mahihirap. Sa panahon ding ito ay ginaganap ang (2) beses na panalangin lamang (Raka'ah at Wajib), sa pagsunod ng mga Muslim ay pagpapasalamat at pagpupuri kay Allah.

At kung ikaw ay nasa Qatar! Visit www.ramadan-kareem.net para sa mga kaganapan ng buwan ng Ramadan.

Sa Kabataang Pilipino | José Rizal

2011-07-26T08:12:00.001+03:00

Itaas ang iyong noong aliwalas , ngayon, Kabataan ng aking pangarap! 
ang aking talino na tanging liwanag,  ay pagitawin mo, Pag-asa ng Bukas!

 Ikaw ay lumitaw, O Katalinuhan,  magitang na diwang puno sa isipan
 mga puso nami'y sa iyo'y naghihintay,  at dalhin mo roon sa kaitaasan.

Bumaba kang taglay ang kagiliw-giliw,  na mga silahis ng agham at sining 
mga Kabataan, hayo na't lagutin , ang gapos ng iyong diwa at damdamin.

Masdan ang putong na lubhang makinang , sa gitna ng dilim ay matitigan
 maalam na kamay, may dakilang alay,  sa nagdurusa mong bayang minamahal. 

Ikaw na may bagwis ng pakpak na nais,  kagyat na lumipad sa tuktok ng langit
 paghanapin mo ang malambing na tinig,  doon sa Olimpo'y pawang nagsisikap.

Ikaw na ang himig ay lalong mairog, tulad ni Pilomel na sa luha'y gamot 
at mabisang lunas sa dusa't himuntok,  ng puso at diwang sakbibi ng lungkot.

Ikaw, na ang diwa'y makapangyarihan,  matigas na bato'y mabibigyang-buhay 
mapagbabago mo alaalang taglay,  sa iyo'y nagiging walang kamatayan.

Ikaw, na may diwang inibig ni Apeles , sa wika inamo ni Pebong kay rikit
 sa isang kaputol na lonang maliit,  ginuhit ang ganda at kulay ng langit.

Humayo ka ngayon, papagningasin mo , ang alab ng iyong isip at talino 
maganda mong ngala'y ikalat sa mundo , at ipagsigawan ang dangal ng tao.

Araw na dakila ng ligaya't galak,  magsaya ka ngayon, mutyang Pilipinas
 purihin ang bayang sa iyo'y lumingap,  at siyang nag-akay sa mabuting palad.
-José Rizal

Sa layon nitong nilikha, sa kabataan ang kanyang winika
pag-asa ng bayang dakila, tugon sa malayang adhika.

Ngunit malaon nang iminulat, gayong karunungan ay tila salat
sa panahong agham at teknolohiya, pawang kinagiliwan ng bawat bata.

Pag-aaral ay naisang tabi, 'pagkat kaalaman'y nakukuhang parang bato balani.

Adhika mo Rizal nawa'y maikintal, makalas nawa itong sa iyo'y busal
sa puso nila'y muling sumilay, ang kabayanihan na iyong inialay.

Kabataan kung ikaw'y nariyan, maging huwaran, dakilang tinuran
daang taon na ang nakaraan, pag-ibig sa karunungan ay pahalagahan.
- Makatang Kiko

click here to comment… for bloggers

Love Bus Book 2 Part 17

2011-06-28T09:32:00.006+03:00

| Book1 | Book2 Teaser | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |

Bren, tara dito tayo sa itaas, tawag ni Minnie.

Tara, doon tayo, aya ni Brenda kay Jerome.

Ano bang nandyaan Minnie?

Well, nandito kayo ngayon sa Family Gallery Trail, simulan natin sa Pinto, ayan (sabay turo sa pinto, binasa ang nakasulat)

Door, Egypt (Cairo) 14th century Wood (pine) with ebony, cedar, walnut and ivory or bone inlay.

Ang pag-uukit ng mga bagay ay nagpapakita ng creativity ng Islamic woodworkers, sa kahoy kagaya ng pinto, at iba pang gamit sa bahay ay karaniwang nilalagyan ng ibat-ibang hugis at mga bulaklak na desenyo, sabi ni Jerome.

Wow hanep, galing mo naman Jerome, sabi ni Winnie.

Hehehe, nagbabasa kasi ako.

Tama na nga yan, kain na tayo, baka nagugutom lang yan si Jerome, panunuya ni Minnie.

Sige tara na, gutom na rin ako, sabat ni Brenda.

[Sa kotse]

Saan ninyo gustong kumain?, tanong ni Jerome.

Kahit saan Jerome, ikaw 'tong may hawak ng manibela, sagot ni winnie.

Sige doon tayo sa Landmark, may masarap na kainan doon.

Malayu-layo din yun ah, sambit ni Winnie, may music ba itong kotse mo?

Binuksan ni Jerome ang Radio.

Wala bang maganda Jerome?

Wait mag mp3 na lang tayo...

Ay bakit puro round-about naman dito, tanong ni Brenda.

Oh Jerome, sagutin mo, sabat ni Winnie, dali, nyahaha.

Umm, ahhh, ang Doha kasi ay kilala noon bilang Al Bidaa noong 18th century.

Oh tapos?, sabat ni Minnie.

Ang pangalang Doha ay nagmula sa arabic word na Dawh na ibig sabihin ay bilog sa salitang lokal, at ang salitang Mudawwah ay nangangahulugan pa rin ng pabilog, kaya ito ang dahilan kung bakit Doha ang ginamit na pangalan sa lupain ng Qatar na napapaligiran ng Bay Area.

Wahaha, parang ang layo, sabat ni Minnie.

Kaya ginawa ang mga round-about ay para maalala mo na tuwing dumadaan ka sa round-about ay nasa Doha ka at magpapaalala sa iyo na ang ibig sabihin ng Doha ay bilog, gets?

Huuu palusot, sabat ni Minnie.

So ibig sabihin aside from Doha meron ding ibang lugar dito sa Qatar, meron ding square at triangle? tanong ni Winnie.

Nyahahaha, pang-aasar ni Minnie, Ano hihirit ka pa Jerome?

Ok fine, ilan lang ang alam ko hindi lahat, sabi ni Jerome.

Aba talagang hihirit pa, gutom na yan, sabi ni Minnie, sige nga aber?

Al Khor City, pagbibida ni Jerome.

O sige ano naman ang Al Khor City?, tanong ni Brenda

Ang Al Khor City ay itinayo noong 13th century hanggang sa kalagitnaan ng 18th century, ito ay nasa gawing silangan ng Qatar Peninsula na may 3 kilometers sa lupain ng Qatar, 50 kilometers sa hilaga ng Doha at may Bay na ang tawag noon ay Khor Shaqiq.

Nanahimik ang tatlong babae, parang nahiwagaan kay Jerome, madaming alam.

Ano nanahimik na kayo? tanong ni Jerome.

Hmmm, sige tuloy mo Jerome, sabi ni Winnie.

Oo nga, i like you na promise, sabi ni Minnie.

Ok, Pearl Diving ang pinagkakakitaan ng halos 90% ng mga tao sa Al Khor. Nagsisimula ang pearl diving sa panahon ng tag-araw hanggang winter, iniiwan ng mga kalalakihan ang kanilang pamilya upang maghanap ng pearl sa ganito kahabang panahon.

Eh pano sila kikita kung wala sila sa ganoong panahon?, tanong ni Brenda.

Bukod naman sa pearl diving, marami naman ang nag-aalaga ng tupa, marami rin ang nangangalakal ng mga kakanin at mga tela.

Ahhh, sabi ni Brenda.

Mga early 50's, nagkaroon ng isang malaking pagbabago sa ekonomiya ng Al Khor at pati na rin ng buong Qatar, dahilan ito ng pagka diskubre ng langis sa kanilang lugar, ngunit marami ang nawalan ng trabaho bilang pearl divers.

Oh sige, dami mong alam Jerome. Wakra alam mo? tanong ni Winnie.

Oo naman, sabi ni Jerome.

Aber nga?, pang gigiit ni Winnie.

basahin dito ang karugtong...

Part Time Lover | Stevie Wonder | [view lyrics here]

sa ating anibersaryo

2011-06-22T15:53:00.006+03:00

Parang kailan lang
nang una kitang masilayan

Mata ko'y kumikinang,
sa nakita kong kariktan.

Pagkakataon ay sinunggaban,
pag ibig mo ay inasam…

Hangarin ko'y hindi nasayang,
matamis mong OO'y nakamtam.

Parang kailan lang…
Ilang taon na pala ang nagdaan…

Pag ibig mo'y aking naging kalakasan
sa mga pagsubok na ating pinagdaanan.

Hayaan mong malaman mo
sa tulang alay sa iyo

Kung gaano kalaki ang pagmamahal ko
na pinatibay ng tunay na pag ibig mo.

Minsan pa nating balikan,
matatamis nating kwentuhan…

Mga nakakakiliting bulungan
na mauuwi sa lambingan.

Nais kong malaman mo
ngayong araw ng ating ANIBERSARYO

Ikaw pa rin ang INIIBIG ko
Ang tanging laman ng aking puso

Ang pangakong aking nasambit,
nang tayo'y mag isang dibdib…

Muli't muli'y igigiit…
IIBIGIN kita hanggang LANGIT.

Share Video on Facebook

Ang tula pong nabasa ninyo sa itaas
ay handog ko sa mga magsing-irog na
patuloy na nagmamahalan hanggang
sa magbilang ng ilang taong anibersaryo.

At Binabati ko na rin po sina Zyra at Lester sa kanilang
Unang Taong Aniversaryo

Salamat po sa inyong pagsubaybay…

Nasa Peso Coins at Bills ang mga Bayani ng Pilipinas

2011-06-11T15:54:00.002+03:00

"Jose matulog ka na, maaga pa ang pasok mo bukas,
Tama na ang internet."

"Eh Papa may assignment pa po ako."

"Ano ba 'yun? Patingin nga?"

Takdang Aralin
1) Magbigay ng (10) Sampung Bayaning Filipino at
2) Ang Araw ng kanilang Kamatayan

"Aba swerte ka Jose, sa internet mo na lang hinahanap ngayon ang mga 'yan. Noong nag-aaral pa ako, na wala pang internet, naalala ko, madali ko lang nagawa ang aking takdang aralin tungkol sa mga Bayaning Filipino."

"Ows, hindi nga Papa? Paano mo nasagot 'yun?"

"Jose, noon kasi ang larawan ng mga Bayaning Filipino ay nakalagay sa mga barya o coins. Hindi pa man ako sinisilang, noong 1967 ay nagkaroon ng Pilipino Series ang ating mga barya na kinabibilangan nina Lapu-Lapu sa 1 Sentimo, Melchora Aquino sa 5 Sentimo, Francisco Baltazar sa 10 Sentimo, Juan Luna sa 25 Sentimo, Marcelo H. del Pilar sa 50 Sentimo at si José Rizal sa Piso o 1 Peso, ngunit noong taong ako'y isinilang (1974) ito ay ipinawalang bisa at pinalitan ng Ang Bagong Lipunan Series noong 1975"

"Eh bakit pinalitan Papa?"

"Nagkaroon ng kaunting pagbabago sa mga hugis ng barya noong Ang Bagong Lipunan Series at nagkaroon ng 5 Peso Coin na larawan ni Pangulong Ferdinand Marcos ang nakalagay at kapansin pansin na nakalagay din dito ang Araw ng Pagdiklara ng Martial Law - September 21, 1972."

"Eh Papa, 6 lang 'yung Bayaning Filipino sa coins nasaan 'yung iba?"

"Jose, ang 6 pang mga Bayaning Filipino ay nasa Peso Bills naman, na kinabibilangan nina José Rizal sa 1 Peso, Andrés Bonifacio sa 5 Peso, Apolinario Mabini sa 10 Peso, Manuel L. Quezon sa 20 Peso, Sergio Osmeña sa 50 Peso at si Manuel Roxas sa 100 Peso."

"Eh Papa, alam ko si Andrés Bonifacio at Apolinario Mabini ay mga bayani talaga, 'yung iba ba, mga bayani rin ba sila?"

"Oo naman Jose, mababasa mo dito ang kabayanihan nila Sergio Osmeña at Manuel L. Quezon, at dito naman ang kabayanihan ni Manuel Roxas."

"Wow, may sagot na agad ako sa assignment ko Papa, thank you, eh paano naman 'yung araw ng kanilang kamatayan?, Bakit naman kasi may ganun pang tanong eh!"

"Jose, malamang may kaugnayan ito sa pagdiriwang ng Kalayaan ng Pilipinas, meron ka bang nakitang bayaning hindi pa namamatay?"

"Papa, sabi po ni Teacher kayo pong mga OFW (Overseas Filipino Workers) ang Makabagong Bayani."

"Thank You kamo sabihin mo sa Teacher mo, sige na tulog ka na."

"Eh Papa, 'yung araw ng kamatayan nila?"

"Search mo na lang sa internet"

Lapu-Lapu died on 1542
Melchora Aquino died on March 2, 1919
Francisco Baltazar died on February 20, 1862
Juan Luna died on December 7, 1899
Marcelo H. del Pilar died on July 4, 1896
José Rizal died on December 30, 1896
Andrés Bonifacio died on May 10, 1897
Apolinario Mabini died on May 13, 1903
Manuel L. Quezon died on August 1, 1944
Sergio Osmeña died on 19 October 1961
Manuel Roxas died on April 15, 1948

ang pagbabalik ng heredero | balagtasan

2011-05-17T06:46:00.001+03:00

dinggin mo ang aking hiling
na sandaling makapiling
si papâ ay dumadaing
at sa iyo'y naglalambing

aking sinisinta
ang diwa ko'y nangangamba
mukha ko'y namumula
lubhang nababalisa

ikaw'y aking hihintayin
ito'y aking hinihiling
huwag sanang bibiguin
pagbabalik ay huwag patagalin

ngunit mahal kong prinsesa
ako ay malayo pa
ilang bundok ang lalakbayin
upang ikaw ay marating

bilisan mo lamang aking sinta
pagkat si papâ ay mahina na
huwag ka nang magdala ng anupa
ikaw ang tanging mahalaga

sa iyong pagbabalik, pag-uusapan ang iyong mana
inihahanda na sa iyo ang korona
na siyang tagapagmana
ng Kahariang Berbanya.

Pansamantala po muna akong magpapaalam sa inyo mga masugid kong mambabasa, may mga kadahilanan pong hindi maiwasan. Nawa'y ipanalangin po niyo ako.

At kung naka mobile po kayo (kasi ako rin) maaari po ninyong mabisita sa pamamagitan ng barcode sa ibaba. Salamat.

Hibik ng Payaso

2011-05-13T23:25:00.002+03:00

Opo nababasa ninyo ang pamagat na iyan ang
nagwagi sa aking simpleng pa-kontest DITO

Hibik - o hikbi ay ang daing ng isang nilalang sa kanyang nararamdaman,
naging angkop ang pamagat dahil sa salitang mandarayang maskara ng payaso.

Ano nga ba ang payaso?

Ang Payaso ay mga taong nagpapatawa. Halos lahat ng payaso ay nakakostyum para magmuka silang nakakatawa. Madalas ang mga ito ay nakikita sa mga handaang pambata o sa perya.

Source: Wikipedia.org

Nagpapasalamat din ako sa nanalo bilang may pinakamaraming FB Likes
na pamagat na "SAWI NA PUSO"

Tunghayan po sa ibaba ang kanilang screen shots.

Silang dalawa po ay nagwagi ng tig- 300Php SMART LOAD. Nag e-mail na po ako sa kanila for verification at susunod na ang Load Pin.

Basahin ang Tula na nilapatan ng pamagat DITO

Abangan po ang susunod na pa-contest at Globe Load naman :)

Ito po ay handog sa inyo ng Bersikulo - Curves and Lines Graphics
Please Like Our Business Facebook Page.

© May 2011 Mga Kathang isip at Kwento ni Kiko

huling pagkakataon | mga likha ni babyluv

2011-05-11T21:12:00.000+03:00

Isip ko ngayo'y naguguluhan
Dahil nakasalalay, aking kinabukasan

Sana paghihirap ay mawakasan
Maging maganda ang kapalaran.

Sobrang sakit na nararamdaman
Sa damdamin ay sobrang kalungkutan

Parang dinudurog ang kalamnan
Sana ito'y aking malampasan.

Kung pagmamahal ang pag-uusapan
Walang kahit anong sukatan

Maging sampu mang karagatan
Hindi pa kayang mapantayan.

Panahon lamang ang sadyang kalaban
Hindi ko alam kung makakayanan

Buhay yata ay sadyang ganyan
Sana tulad ng iba ako'y may kakayahan.

Gusto ng isip ko na ikaw ay pagbigyan
Subalit puso ko'y sadyang nasasaktan

Dahil sa sitwasyon ay hindi ko na alam
Huling pagkakataon ba ang sadyang nakalaan?

Basahin po ang iba pang Mga Likha ni Babyluv

click here to comment… for bloggers

tuldok

2011-05-08T23:25:00.003+03:00

dakila ang DIYOS sa KANYANG kabutihan
sapagkat tulong NIYA'Y hindi tinutuldukan
'di tulad nating KANIYANG nilalang
pagtulong sa kapwa ay may hangganan

ano nga ba talaga ang ating basehan
upang ang pagtulong ay tuluyang wakasan?
kung ano mang pagsubok ang iyong pinagdaanan
huwag naman sanang gawin itong dahilan

mapalad silang kahit na may karamdaman
patuloy na naglilingkod sa sambayanan
dakila't matuwid ang kanilang sinimulan
walang dahilan para pagtulong ay tuldukan

mayroon din namang ayaw makialam
idinadahilan ang kanilang karamdaman
samantalang alam naman nilang mali
sariling kaalaman ay ikinukubli

kaibigan
sa panahon ng kagipitan
at alam mong ikaw ang inaasahan
nakahanda ka bang tulong mo ay ilaan
o kusang iiwanan at tatalikuran?

ano man ngayon ang iyong kalagayan
dumadanas ka man ngayon ng matinding karamdaman
huwag mong kalimutan at palaging tandaan
nariyan SIYA at ikaw'y pinagmamasdan

mabuti ka aking ina

2011-05-04T12:03:00.001+03:00

mula sa sinapupunan'y iyong inaruga
iningatan ako hanggang sa um-uha
sa paglaki ko naging mahigpit ka
inilayo ako sa maling barkada

pagkakamali ko'y iyong pinupuna
pangaral at palo ang sa akin'y tatama

mabubura pa ba ang mga ala-ala
ng pagmamalupit mo noong ako'y bata pa?

bawat patak ng luha ay gumuhit na
na nagpatigas sa puso, mula pagkabata

mga salita mong umukit sa aking puso
tingin sa sarili ko'y walang kwentang tao

sabi nang iba'y ako'y iyong inabuso
nawalan ng respeto sa aking pagkatao

mabuti kang ina, paghanga ng iba
dahil mabuti ka, sa pagkaka alam nila

sino nga ba ako, upang sa iyo ay manghusga
suwail na anak, sa aki'y turing nila

ngayong araw ng mga ina, muli't muli'y babatiin ka
ipangangalandakang, mabuti kang ina

poot sa puso ko'y kalilimutan na
pati ang luha ko ay kusang ititila
iisipin ko lang na mabuti kang ina
kahit na pag-ibig mo, sa akin ay wala

nais kong malaman mo
na dito sa puso ko
ikaw pa rin ang inay ko
magunaw man ang mundo

sana naman mahalin mo ako
hindi dahil sa mabuti kang tao
kundi dahil sa ako ay anak mo

Share Video on Facebook

Ang tula pong nabasa ninyo sa itaas
ay hango sa aking emahenasyon tungkol sa isang anak
na naghahanap ng pagmamahal sa kanyang ina
Salamat po sa inyong pagsubaybay…

Basahin ang iba pang Tula para sa ina dito

click here to comment… for bloggers

Ibahagi sa Facebook, Twitter, at Digg

lagyan mo ng pamagat at manalo

2011-04-30T15:30:00.006+03:00

Gusto mo bang manalo ng PhP 300.00 SMART LOAD? sali ka na! madali lang…

Mechanics:

Basahin ang tulang aking ginawa sa ibaba.
Lagyan mo ng pamagat sa pamamagitan ng pag-comment sa FB Comment box.
Dalawa ang mananalo ng SMART LOAD, ang una ay ang may Pinaka angkop na Pamagat sa tula.

Kapag napili ang iyong Pamagat ay pagkakalooban kita ng PhP 300.00 SMART LOAD nasa Pilipinas ka man o nasa ibang bansa (Roaming).

Ang Pangalawang mananalo ay ang may Pinakamaraming FB likes sa kanyang Pamagat.

Tandaan na dapat ang Pamagat mo dito sa FB Comment box ang may pinakamaraming FB likes para ka manalo.
Kaya hakutin na ang buong barangay.

Ang contest ay hanggang May 5, 2011 12:00MN Qatar Time
Abangan ang announcement ng Winners sa May 7, 2011

Kapag ikaw na ang may Pinakamaraming FB likes,
magsend ka dito ng iyong mobile number

Ang panalo mong PhP 300 SMART LOAD ay Transferrable, pwede mong ibigay sa iyong kaibigan, kapamilya, at sa iyong BF/GF.

(lagyan mo ng pamagat)
sa bawat sandali ng aking panahon
sa bawat ngiti na aking naipon
pusong sawi'y binigyan ng tugon
inalis sa isip ang pangit na kahapon

sinong magsasabing ako'y masaya
sa bawat ngiting iyong nakikita
tumingin ka lamang sa aking mga mata
at huwag sa mandarayang maskara

sa haba ng aking pinagdaanan
parang agiw na pinangingilagan
dagling sumimbulat sa aking isipan
ang kahapong malaon nang kinalimutan

ala-alang tumatak sa aking puso
limutin man'y nakaukit na dito
salamat sa pag-ibig na inalay mo
salamat sa panahong inibig mo ako

Please visit my English Blog

Ito po ay handog sa inyo ng Bersikulo - Curves and Lines Graphics
Please Like Our Business Facebook Page.

a banana a day keeps Kiko stay… Healthy

2011-04-28T12:20:00.002+03:00

Bananas. Containing three natural sugars - sucrose, fructose and glucose combined with fiber, a banana gives an instant, sustained and substantial boost of energy.

Research has proven that just two bananas provide enough energy for a strenuous 90-minute workout. No wonder the banana is the number one fruit with the world’s leading athletes.

But energy isn’t the only way a banana can help us keep fit. It can also help overcome or prevent a substantial number of illnesses and conditions, making it a must to add to our daily diet.

Here are some:
Depression
PMS
Anemia
Blood Pressure
Brain Power
Constipation
Hangovers
Heartburn
Morning Sickness
Mosquito bites
Nerves
Ulcers
Temperature control
Seasonal Affective Disorder(SAD)

Depression: According to a recent survey undertaken by MIND amongst people suffering from depression, many felt much better after eating a banana. This is because bananas contain tryptophan, a type of protein that the body converts into serotonin, known to make you relax, improve your mood and generally make you feel happier.
↑ back to top

PMS: Forget the pills - eat a banana. The vitamin B6 it contains, regulates blood glucose levels, which can affect your mood.
↑ back to top

Anemia: High in iron, bananas can stimulate the production of haemoglobin in the blood and so helps in cases of anemia.
↑ back to top

Blood Pressure: This unique tropical fruit is extremely high in potassium yet low in salt, making it the perfect to beat blood pressure. So much so, the US Food and Drug Administration has just allowed the banana industry to make official claims for the fruit’s ability to reduce the risk of blood pressure and stroke.
↑ back to top

Brain Power: 200 students at a Twickenham (Middlesex) school were helped through their exams this year by eating bananas at breakfast, break, and lunch in a bid to boost their brain power. Research has shown that the potassium-packed fruit can assist learning by making pupils more alert.
↑ back to top

Constipation: High in fiber, including bananas in the diet can help restore normal bowel action, helping to overcome the problem without resorting to laxatives.
↑ back to top

Hangovers: One of the quickest ways of curing a hangover is to make a banana milkshake, sweetened with honey. The banana calms the stomach and, with the help of the honey, builds up depleted blood sugar levels, while the milk soothes and re-hydrates your system.
↑ back to top

Heartburn: Bananas have a natural antacid effect in the body, so if you suffer from heartburn, try eating a banana for soothing relief.
↑ back to top

Morning Sickness: Snacking on bananas between meals helps to keep blood sugar levels up and avoid morning sickness.
↑ back to top

Mosquito bites: Before reaching for the insect bite cream, try rubbing the affected area with the inside of a banana skin. Many people find it amazingly successful at reducing swelling and irritation.
↑ back to top

Nerves: Bananas are high in B vitamins that help calm the nervous system.

Overweight and at work? Studies at the Institute of Psychology in Austria found pressure at work leads to gorging on comfort food like chocolate and crisps. Looking at 5,000 hospital patients, researchers found the most obese were more likely to be in high-pressure jobs. The report concluded that, to avoid panic-induced food cravings, we need to control our blood sugar levels by snacking on high carbohydrate foods every two hours to keep levels steady.
↑ back to top

Ulcers: The banana is used as the dietary food against intestinal disorders because of its soft texture and smoothness. It is the only raw fruit that can be eaten without distress in over-chronicler cases. It also neutralizes over-acidity and reduces irritation by coating the lining of the stomach.
↑ back to top

Temperature control: Many other cultures see bananas as a “cooling” fruit that can lower both the physical and emotional temperature of expectant mothers. InThailand, for example, pregnant women eat bananas to ensure their baby is born with a cool temperature.
↑ back to top

Seasonal Affective Disorder(SAD): Bananas can help SAD sufferers because they contain the natural mood enhancer tryptophan.
↑ back to top

Smoking: Bananas can also help people trying to give up smoking. The B6, B12 they contain, as well as the potassium and magnesium found in them, help the body recover from the effects of nicotine withdrawal.
↑ back to top

Stress: Potassium is a vital mineral, which helps normalize the heartbeat, sends oxygen to the brain and regulates your body›s water balance. When we are stressed, our metabolic rate rises, thereby reducing our potassium levels. These can be rebalanced with the help of a high-potassium banana snack.
↑ back to top

Strokes: According to research in “The New England Journal of Medicine,” eating bananas as part of a regular diet can cut the risk of death by strokes by as much as 40%!
↑ back to top

Warts: Those keen on natural alternatives swear that if you want to kill off a wart, take a piece of banana skin and place it on the wart, with the yellow side out. Carefully hold the skin in place with a plaster or surgical tape!

So, a banana really is a natural remedy for many ills. When you compare it to an apple, it has four times the protein, twice the carbohydrate, three times the phosphorus, five times the vitamin A and iron, and twice the other vitamins and minerals. It is also rich in potassium and is one of the best value foods around.
↑ back to top

Ang pinag basihan ko po ng pagpili ay ayon sa pagkakasunod sunod ng oras ng kanilang pag - comment sa FB at Blogger - Qatar Time

Dito sa post na Ating Pagsaluhan

24/4/11 09:43AM shirley - blogger
24/4/11 04:05PM Nene Leah - facebook
24/4/11 08:01PM rainbow box - blogger
24/4/11 08:46PM misalyn - blogger
24/4/11 10:22PM LASER - blogger
25/4/11 03:25AM LordCM - blogger
25/4/11 12:00PM Kamila - blogger
25/4/11 06:06PM Bino Montilijao Bautista - facebook
26/4/11 12:20PM Hi I'm ROY - blogger
26/4/11 12:25PM My name is Qai - blogger
26/4/11 12:35PM nieco_speaks - blogger
26/4/11 12:37PM Manuel Flores - facebook
26/4/11 12:43PM Rowena Dacanay-Ulangco - facebook
26/4/11 01:11PM Jhiegzh - blogger
26/4/11 01:47PM Rannie Tanchico - facebook
26/4/11 02:22PM marcruz - blogger
26/4/11 03:11PM Liberty Hipolito - facebook
26/4/11 03:13PM humandoll - blogger
26/4/11 03:18PM Joni A. - blogger
26/4/11 03:20PM christon ferraris - blogger

Kung kasama ka sa 1st 20 commenters na nasa itaas at hindi pa nagsu-submit ng details
paki-send dito ang address at size
C O N G R A T U L A T I O N S ! ! !

ating pagsaluhan

2011-04-24T09:06:00.006+03:00

sa pagdiriwang ng aking kaarawan
nais kong ikaw'y imbitahan
sa isang simpleng handaan

handaan kung saan
ating ipagdiriwang
ang bagong pangalan

www.KwentoNiKiko.com
madaling tandaan
mahirap kalimutan

salamat sa inyo
mga kaibigan ko
na kahit hindi man tayo
magkita nang totoo

alam kong nariyan kayo
upang suportahan ako

Asahan po ninyong
mga kakaibang kwento
ang ibabahagi sa inyo
na magbibigay ginhawa
sa inyong pagkatao

Kainan na!

click here to comment…

Kung kasama ka sa 1st 20 commenters paki-send dito ang address at size
please send your details here

mga kathang isip at kwento ni kiko

Kailangan Ka Niya

lumang polo ng ala-ala

Si Juan Tamad at ang mga Nilalakong Paninda

Tamad nga ba si Juan Tamad?

Taho - It's more fun in the Philippines

Pandesal - It's more fun in the Philippines

Biko - It's more fun in the Philippines

Sorbetes - It's more fun in the Philippines

Maha Blanca - It's more fun in the Philippines

Binatog - It's more fun in the Philippines

Balot - It's more fun in the Philippines

Ang mga nilalakong Paninda sa Daan - It's more fun in the Philippines

si Juan Tamad at ang Dahon ng Saging

Tamad nga ba si Juan Tamad?

Suman sa dahon ng saging - It's more fun in the Philippines

Tamales sa dahon ng saging - It's more fun in the Philippines

Bibingka sa dahon ng saging - It's more fun in the Philippines

Pansit Habhab sa dahon ng saging - It's more fun in the Philippines

babad

babad | tula para sa pamilya ng OFW

Facebook Status Link | Paano makukuha?

• Itapat lang ang mouse sa may date and time

• Pag tapat mo ng mouse mo, ito ang lalabas sa status bar ng browser mo

• at kapag na click mo na, ito na ang nasa address bar mo

Kaya kung naghahabol ka ng Exchange Links, pwede mo na itong i-save sa iyong bookmark, (Command + D) for Macintosh at (Control +D) for Windows

Facebook Comment Winner | Ang Panalo ko ay para sa iyo

Minsan Isang Araw | Diary ni Lolo Francisco

Filipino Ilustrados, Leaders of the reform movement in Spain.

Diciembre 30, 1890 - Francisco

Bakit nga ba Cinderella?

Bakit nga ba Cinderella?

Balagtasan sa Pagsilang ni Kristo - Kwento ng Pasko

Ang Panalo ko ay para sa iyo | Taba2011 sample ballot

Tatlong babae sa buhay ko ngayong Pasko

Bangungot ng Bagyong Sendong sa Iligan City at Cagayan de Oro City

The Annual Kalsada Blog Awards (TABA) 2011 Kiko's Nominees

Bawal Magdiwang ng Pasko, Ang X sa X'mas

Sampung Minuto bago mag Pasko - Station ID

Tula para sa Paghanga - Medical and Dental Mission sa DOHA

Suportado ang Iniidolo - Libre Lang Mangarap - Otep

Sulyap sa Lumipas: Kapayapaan - Maikling Kwento ng Buhay

Tula: Pag-ibig sa Tinubuang Lupa ni Andres Bonifacio

Tula: Salamat sa Iyo Puerto Princesa - Palawan Pilipinas

Ikinagagalak ko pong ibalita sa inyo na Official na Kasama na po ang PPURPPUR officially confirmed as one of the New7Wonders of Nature

Sample Functions of Human Values

mga halimbawa ng maikling tula

mga tula tungkol sa ulan

Mga Kathang Tula ni Kiko• Pagkatapos ng Ulan• Pag May Ulan May Pag-asa• Sayaw sa Buhos ng Ulan• Magkayakap sa Tag-ulan• Himig ng Ulan• Tuwing Umuulan

Mga Likha ni Babyluv• Ulan! Ulan! Ikaw daw ay lumisan• Hampas ng Ulan• Bawat Patak ng Ulan• Binagyo si Sugar

Isang Minutong Smile Shirt

Kathang Isip sa Karagatan

Sa IYONG Muling Pagdalaw - Tulang Pasasalamat sa Diyos

Philippine Geography - Yoyoy Villame

Love Bus Book 2 Last Part

Panaginip ng Unang Pag-Ibig - Balagtasan

Prose: Ako'y Isang Simpleng Blogista Bow!

Tula: Sa Anak Kong Pasaway

Maikling Kwento ng OFW: Tara Balikan Natin!

Tula: Sa Munting Silid ng Pangarap

Love Bus Book 2 Part 23

Happy Teacher's Day

tagong halimuyak

Love Bus Book 2 Part 22

Pahiram ng Ngiti, Pahiram ng Saya

Love Bus Book 2 Part 21

Magbabalik akong Ganap para sa Pagbabagong Hanap - Tula ng OFW

Love Bus Book 2 Part 20

Tula para kay Shamcey Supsup

Tula ng Ano

Love Bus Book 2 Part 19

Dear teacher, sana po...

Ikaw at Ang Iyong Alagang Aso

Sa Iyong Pag-iisa

Tula sa Linggo ng Wika

Love Bus Book 2 Part 18

Anak, nasaan ka na?

Halu-halong Luha : Love Bus Book 1 deleted chapter

Silip sa Diwata | maikling kwento sa anyong tula

Christopher Lao: Huwag maging dayuhan sa iyong sarili

Ikinagagalak ko pong ibalita sa inyo na Official na Kasama na po ang PPUR
PPUR officially confirmed as one of the New7Wonders of Nature

Mga Kathang Tula ni Kiko

• Pagkatapos ng Ulan

• Pag May Ulan May Pag-asa

• Sayaw sa Buhos ng Ulan

• Magkayakap sa Tag-ulan

• Himig ng Ulan

• Tuwing Umuulan

Mga Likha ni Babyluv

• Ulan! Ulan! Ikaw daw ay lumisan

• Hampas ng Ulan

• Bawat Patak ng Ulan

• Binagyo si Sugar

• Ano ang Ramadan?
• Ano ang Iftar?
• Ano ang Laylat al-Qadr?
• Ano ang Eid ul-Fitr?